Kung Paano Lilinangin ang Pagkadama ng Pagkaapurahan sa Pangangaral

Kailangan nating linangin ang pagkadama ng pagkaapurahan; mahalaga ito para makaligtas sa katapusan ng sistemang ito ng mga bagay. Mapatitindi natin ang ating pagkadama ng pagkaapurahan kung susundin natin ang sumusunod na mga paalaala.

• Regular na manalangin tungkol sa Kaharian.​—Mat. 6:10.

• Ingatan ang iyong puso sa pamamagitan ng pagbabasa ng Bibliya araw-araw.​—Heb. 3:12.

• Gamitin ang iyong panahon nang may katalinuhan.​—Efe. 5:​15, 16; Fil. 1:10.

• Panatilihing “simple,” o nakapokus, ang iyong mata. Huwag hayaang mailihis ka ng makasanlibutang pagnanasa.​—Mat. 6:​22, 25; 2 Tim. 4:10.

• Patuloy na magbantay sa pamamagitan ng pagiging alisto sa mga katuparan ng hula sa Bibliya.​—Mar. 13:​35-37.

Ang pagkadama ng pagkaapurahan ay mag-uudyok sa atin na lubusang makibahagi sa gawaing kailangang tapusin.​—Juan 4:​34, 35.