Watchtower ONLINE LIBRARY

Marcos 15:43

Bagong Sanlibutang Salin ng Banal na Kasulatan
- 43 dumating si Jose ng Arimatea, isang iginagalang na miyembro ng Sanggunian* at naghihintay rin sa Kaharian ng Diyos. Naglakas-loob siyang pumunta kay Pilato at hiningi niya ang katawan ni Jesus.+

Marcos 15:43

Bagong Sanlibutang Salin ng Banal na Kasulatan
- 43 dumating si Jose ng Arimatea, isang kinikilalang miyembro ng Sanggunian, na siya rin mismo ay naghihintay sa kaharian ng Diyos.+ Siya ay naglakas-loob na pumasok sa harap ni Pilato at hiningi ang katawan+ ni Jesus.

Mga Study Note sa Marcos—Kabanata 15

Bagong Sanlibutang Salin ng Banal na Kasulatan (Edisyon sa Pag-aaral)
- 15:43
  
  Jose: Makikita ang personalidad ng mga manunulat ng Ebanghelyo sa magkakaibang detalye na iniulat nila tungkol kay Jose. Sinabi ni Mateo, isang maniningil ng buwis, na si Jose ay “isang taong mayaman”; sinabi naman ni Marcos, na sumulat pangunahin na para sa mga Romano, na siya ay “iginagalang na miyembro ng Sanggunian” at naghihintay sa Kaharian ng Diyos; sinabi ni Lucas, isang mapagmalasakit na doktor, na “isa siyang mabuti at matuwid na tao” na hindi sumuporta sa pakana ng Sanggunian laban kay Jesus; si Juan lang ang nag-ulat na “alagad siya ni Jesus, pero inilihim niya ito dahil sa takot sa mga Judio.”—Mat 27:57-60; Mar 15:43-46; Luc 23:50-53; Ju 19:38-42.
  
  Arimatea: Tingnan ang study note sa Mat 27:57.
  
  miyembro ng Sanggunian: Miyembro ng Sanedrin, mataas na hukuman ng mga Judio sa Jerusalem.—Tingnan ang study note sa Mat 26:59 at Glosari, “Sanedrin.”