Sanganya y’Olimu ya Ngɔndɔ ka Dikumi l’Ahende
Lomingu la Ngɔndɔ ka Dikumi l’Ahende 4
Taahe 12: Waewoyelo ndo waewoyelo wendana l’Olimu Aso wa Diolelo. Tɛkɛta di’olimu w’ɔnɔnyi wayanga tatɛ; ohola ohomba w’onto tshɛ salanganaka l’esambishelo, mbɔtɔka lo nsanganya ndo kimɔka alapɔlɔ.
Taahe 15: “Jehowa Toshaka Wolo.” Ayosalema la wembola ndo ekadimwelo. Kamba la tokanyi takatombe lo Tshoto y’Etangelo ya Ngɔndɔ ka Hende 1, 1992 (lo Falase), lɛkɛ 32.
Taahe 18: “Jehowa Ekɔ Otungi Aso.” Ɔkɛtshanyelo kamɛ l’ampokami. Diɛnyɛlɔ dihende lo ndjela wɛnyanyelo wolakanyemi. Nyosha tokanyi tɔmɔtshi lo tshena pe lo sala waendelo w’eyoyo le anto wakatatshikɛ Nkumu ya Diolelo.
Osambu 17 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 11
Osambu 221
Taahe 10: Waewoyelo. Alapɔlɔ wa wɛdikelo wa falanga.
Taahe 17: “Kristo: Ɛnyɛlɔ le Ɛlɔngɔlɔngɔ.” Ayosalema la wembola ndo ekadimwelo. Nyodje ndo kɔmatɛrɛ mɔtshi y’oma lo Tshoto y’Etangelo ya Ngɔndɔ ka Divwa 1, 1986 (lo Falase), lɛkɛ 4-6.
Taahe 18: “Tokimanyiya Wanɛ Wele Kema la Mbetawɔ.” Ɔnɔmbɔdi ɔmɔtshi wa wekelo wa dibuku ayɔsɛdingola sawo diakɔ nde la apandjudi ahende kana asato. Nde ayɛnya woho wa kamba la tokanyi toshami. Ko l’ɔkɔngɔ vɔ mbohola yema woho wayowokamba l’asawo akɔ.
Osambu 122 ndo dɔmbɛlɔ dia ndjihelo.
Lomingu la Diɛla Woke 18
Taahe 10: Waewoyelo. Diɛnyɛlɔ dihende kana sato dia lo tshena pe: Wɛnyanyelo wa periodikɛ yakoka kambema olimu lomingu longo l’esambishelo.
Taahe 18: Tɔsɛ Akina la Nɛmɔ. Dako oma le ekumanyi kɛmɔtshi, diotombi oma lo sawo diele lo Tshoto y’Etangelo ya Ngɔndɔ ka Dikumi l’Ahende 1, 1994 (lo Falase), lɛkɛ 28-30. Koke epole ɔsɛkɛ l’ohomba wa nɛmiya anyaso l’atei w’etshumanelo ndo dia ndjakiyanya la ngandji tshɛ lo dikambo diawɔ.
Taahe 17: “Teyake Kamba la Wenya Aso.” Ayosalema la wembola ndo ekadimwelo. Lo kɛnɛ kendana la wenya wetshaso la ntondo ka televiziɔ, ohola tokanyi takashama lo numɛlɔ ka Révéillez-vous! wa Ngɔndɔ ka Tanu 22, 1991, lɛkɛ 11, l’ɛtɛ a dui woyedi w’ɔnɛ: “Ndjakimɛ!”
Osambu 208 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 25
Taahe 15: Waewoyelo. Nyɔkɛtshanya lo tshena pe di’ohomba wa waendelo w’eyoyo. Etenyi ka woke k’olimu aso wa wetshelo salemaka lo yoyo ya waendelo wasalaso dia pɛtshahɛtsha saki kakɛnya onto. Anto yema tshitshɛ tsho mbele l’akoka wa pama lo nyuma paka oma lo walelo w’ekanda eto. Sho pandjaka diaaso di’ɔlɔlɔ dia mbakimanyiya lam’eso hatokalola dia towaenda. Waendelo w’eyoyo mbatotokonyaka dia mbeka l’anto Bible. Apandjudi efula kondjaka etombelo w’ɔlɔlɔ lo yoho shɔ lam’akalolawɔ dia tenda anto l’ɔkɔngɔ wa lushi ɔtɔi kana nshi hiende lo dihole dia kongɛ lomingu l’otondo.—Enda lo dibuku Notre ministère, lɛkɛ 89-90.
Taahe 15: .Ekadimwelo lo Wembola Anyu. Ayosalema la wembola ndo ekadimwelo. Oma le ɔnɔmbɔdi a wekelo wa Tshoto y’Etangelo. Kokotsha tokanyi t’oma lo Manuel pour l’école, lɛkɛ 90-2
Taahe 15: Ekanda wayotɔlɛkɛ anto lo Ngɔndɔ ka Ntondo. Nyɔkɛtshanya dia awui wele lo tobukubuku tatanema lo lɔkɔtɔ l’etshumanelo. Diɛnyɛlɔ dia lo tshena pe: apandjudi wɛnya anto tobukubuku takɔ lo luudu la luudu. Oko: Onde na Nzambi tokaneka mete ondo? (Fola biukubuku yakɔ lo lɛkɛ 26-7, enyande asango ko nyu sawola lo divɛsa dimɔtshi dioshilami diatɛkɛta dia paradiso ka lo nshi yayaye.) Quel est le but de la vie? Comment le découvrir? (Fola biukubuku yakɔ lo lɛkɛ 30-1, ɛnyande divɛsa dimɔtshi dioshilami ko wɛ kɛtshanya la nde lo sango.) Quand la mort frappe un être aimé . . . (Kotola yambalo y’onto akɔ lo wembola wombwami lo lɛkɛ 2 ko wɛ ndjɔkɛtshanya la nde lo divɛsa ɔtɔi kana avɛsa ahende washa ekeketshelo woshilami lo lɛkɛ 31.) Ewoya ampokami tobukubuku takɔna tele lo lɔkɔtɔ l’etshumanelo.
Osambu 225 ndo dɔmbɛlɔ dia ndjihelo.