Ovuswelo w’Endana la Kalasa k’Olimu wa Teokrasi

Ovuswelo w’aha la mbifola abuku w’endana l’awui wakekama lo Kalasa k’Olimu wa Teokrasi lo ndjela elimu wakakahanyema dia sala tatɛ oma lo lomingu la Yitshu 1 polo ndo lo Loseketanya 21, 1995. Nyɔsɛ tɛtshi t’akatshi dia funda ekadimwelo anyu lɔkɔ lo ndjela lofulo la wembola wahombanyu kadimola lo yɛdikɔ ya wenya yoshami.

[Diewoyelo: Lo edja kayosalema ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyiya woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ wa lo oseka Tshoto y’Etangelo tshɛ hɛnyama.]

Kadimola ɔnɛ Mɛtɛ kana Kashi lo wetelo wayela ɛnɛ:

1. Ɔtɛmwɛlɔ wa Nzambi ekɔ dikambo di’endana l’onto ndamɛ ndo hawendana ndoko yema l’awui wa diokanelo diasaso l’anto akina. (1 Joa. 4:20) [1, uw lɛkɛ 134 od. 7]

2. Dako diakasha olui walɔmbɔla Akristo w’Ase Wedja dia vɔ tona dikishi, dikila, ndo monanyi diakatombe oma l’Ɛlɛmbɛ wa Mɔsɛ. (Etsha 15:​28, 29) [13, uw lɛkɛ 149 od. 8]

3. Oma k’etatelo, Ɛlɛmbɛ wa Mɔsɛ wakakendanaka l’anto tshɛ. (Osam. 147:​19, 20) [8, uw lɛkɛ 148 od. 5]

4. Tshapita 53 y’Isaya, yakafundama oko yɛdikɔ y’ɛnɔnyi 700 la ntondo ka eotwelo ka Kristo, yakakɔndɔla akambo wa Yeso Kristo ndo woho wakandanyɔkɔma hwe wate kana oko onto lakɛnyi akambo akɔ la asho mbakakɔndɔla. [12, si lɛkɛ 112 od. 8]

5. Ɛtɛkɛta wa Sɔlɔmɔna wele lo Ondaki 3:​1, 2, (NW) wekɔ lo mɛnya tsho woho watayelana lɔsɛnɔ la nyɔi koko aha ohangelo wa sango di’onto l’onto. [6, Walelo wa Bible wa lomingu la lomingu; enda lo w91 15/10 lɛkɛ 5.]

6. Ndoko kiɔkɔ y’alako ya l’andja ɔnɛ yakoka mbɛdima l’alako w’eshika w’endana l’akambo wa lo nkumbo washa Bible. [7, uw lɛkɛ 144, od. 11]

7. Dibuku dia Tukedi tɛkɛtaka di’ekakatanu aso tshɛ ndo tokeketshaka dia sho kitsha wɛkamu aso tshɛ le Nzambi. [5, si lɛkɛ 105 od. 35]

8. Ambutshi washa an’awɔ lotshungɔ la vɔ menda kɛnɛ tshɛ kɛnyama lo televiziɔ, wekɔ lo mbatshika dia vɔ shishɔ. (Tuk. 29:15) [5, Walelo wa Bible wa lomingu la lomingu; enda lo w88 1/8 lɛkɛ 12 od. 8.]

9. Etena katomba ekakatanu lo diwala, Okristo wa mɛtɛ hoyanga dia tona ɛkɛndɛ ande l’ɔkɔkɔ wa munga kosadi olonganyi ande. [3, uw lɛkɛ 140-1 od. 4, 5]

10. Kɛnɛ kakate Sɔlɔmɔna lo dibuku dia Undaki ɔnɛ tshɛ ekɔ anyanya mendanaka l’oseka ɛngɔ tshɛ. [9, si lɛkɛ 108 od. 15]

Kadimola lo wembola wayela ɛnɛ:

11. Naa etshina ka dikambo diele lo Etumbelu 20:7? [15, uw lɛkɛ 152]

12. Naa nkumekanga hiende l’atei wa nyɛi yakolɛka la Juda l’etena kakakambaka Isaya oko omvutshi? [12, si lɛkɛ 112 od. 3]

13. Oko wofundamidiɔ lo Isaya 14:​4, 12-14, dionga diaki na diakɛnya nkumekanga ya la Babilɔna? [16, Walelo wa Bible wa lomingu la lomingu; enda lo w85 15/3 lɛkɛ 16 od. 2.]

14. Lo ndjela Etumbelu 19:​10, 11, Jehowa alɔmbande atɛmɔdi ande na? [15, uw lɛkɛ 152]

15. Akɔna ele olami lo nshi nyɛ, ndo kakɔna kewoyande? (Is. 21:​8, 12) [17, Walelo wa Bible wa lomingu la lomingu; enda lo w87 1/3 lɛkɛ 12 od. 10.]

16. Lande na kele Undaki 12:12 ekɔ lo mbisha kanyi ya kɔlɔ lo kɛnɛ k’endana la abuku? [9, Walelo wa Bible wa lomingu la lomingu; enda lo w87 15/9 lɛkɛ 25.]

17. Lo ndjela Tukedi 1:​2-4, l’akambo akɔna watɛtɛ dibuku dia Tukedi? [4, si lɛkɛ 104 od. 19]

18. Paulo akandalange nembetshiya lam’akandatɛ Ase Kɔrɛtɔ dia vɔ ‘ndihola etema awɔ hwe’? (2 Kor. 6:13) [2, uw lɛkɛ 137 od. 14]

19. Woho akɔna wele ngandji “wulu uku nyoi”? (Lim. 8:​6, 7) [11, Walelo wa Bible wa lomingu la lomingu; enda lo w87 15/11 lɛkɛ 25.]

20. Naa wetshelo w’ohomba wele lo Limbu la Solomona la dimɛna efula? [11, si lɛkɛ 111 od. 16]

Kotsha wetelo wayela ɛnɛ:

21. Kânga mbeso kema la tshina di’Ɛlɛmbɛ wa Mɔsɛ, sho tekɔ lo kondja ɛlɔlɔ oma lo ewo k’oshika ka . . . . . . . . . wele etshina k’ɛlɛmbɛ akɔ ndo weoho wa . . . . . . . . . yele lɔkɔ. [14, uw lɛkɛ 153 od. 14]

22. Didjango diele lo Etumbelu 20:​4-6 sekɛka . . . . . . . . . , ndo divɛsa diakɔ mɛnyaka hwe dia ɔlɛmbɛ ɔsɔ wekɔ l’etshina lo didjango di’ɔnɛ Jehowa nɔmbaka di’anto . . . . . . . . . [16, uw lɛkɛ 152]

23. Didjango diele lo Euhwelu k’Elembe 7:​1-4 mɛnyaka hwe dia okambi wa Nzambi hakoke . . . . . . . . . l’onto lahakambɛ . . . . . . . . . [17, uw lɛkɛ 152]

24. Lo Limbu la Solomona 2:​1-3, yoho y’ɛtɛkɛta wakawakambe lawɔ mɛnyaka okitshakitsha ndo kongamu ya . . . . . . . . . kâmɛ ndo waonga w’amɛna l’akoka w’olangemi ande . . . . . . . . . [10, Walelo wa Bible wa lomingu la lomingu; enda lo w87 15/11 lɛkɛ 24.]

25. Ekambi wa Jehowa wa kɔlamelo tonaka otshelo wa tɛkɛtsha . . . . . . . . . lo dikambo dia . . . . . . . . . , nɛ dia otshelo ɔsɔ ekɔ ɔtɛkɛtɛlɔ wa . . . . . . . . . (Is. 8:19) [14, Walelo wa Bible wa lomingu la lomingu; enda w89 15/3 lɛkɛ 20 od. 11.]

Ekɛ oshidi la tshina di’ekadimwelo wa mɛtɛ wa wetelo wayela ɛnɛ:

26. Lo ndjela Tukedi 26:​20, 21, naka sho (kadimolaka dui esadi; mponolaka akambo; ndjakimɛka), kete lo dihole dia ‘fudia kunyi lo dja’ ndo sola anto akina, tayoyala (l’ekakatanu l’anto efula; tayohomba wanɛ wasawola laso; la diokanelo di’ɔlɔlɔ) l’anto akina. [3, Walelo wa Bible wa lomingu la lomingu; enda lo w91 15/10 lɛkɛ 13 od. 16.]

27. Lo ndjela Tukedi 27:​6, onto lakolanga (hakoke mbuta ndoko dui diayokotshumba l’asolo; mbokaka wɔma kohonolɛ dikambo diasalayɛ; koshaka dako lo etena keyɛ l’ohomba adiɔ). [4, Walelo wa Bible wa lomingu la lomingu; enda lo w90 15/9 lɛkɛ 28.]

28. Djembetelo yɛnya ɔnɛ Sɔlɔmɔna mbakafunde dibuku dia Undaki kokaka mɛnama lo woho wele (lokombo lande tanemaka lo dibuku; afundji akina wa Bible wakawote dia nde mbele ofundji adiɔ; dibuku diakɔ diɔamɛ shikikɛka ɔnɛ Sɔlɔmɔna mbele ofundji adiɔ kânga mbahadiadimula lokombo lande). [6, si lɛkɛ 106 od. 4]

29. Anto wafɔnya ɔnɛ yimba ya kɔlɔ ya nshi nyɛ ndo yâtoma dia vɔ ntsha akambo otshatsha mbele yimba yambokombɔ (kema l’onongo; mbikikɛka awui; wekɔ lo wodjima wa lo nyuma). (Is. 5:20) [13, Walelo wa Bible wa lomingu la lomingu; enda lo w93 1/3 lɛkɛ 11.]

30. Lembo la Sɔlɔmɔna kɛnɛmɔlaka (ɔkɛndɛ wa Sɔlɔmɔna oko nkumekanga; ɔngɔnyi wa Sɔlɔmɔna; ɔna omoto l’ose ngelo laki la kɔlamelo le olami w’ɛkɔkɔ). [10, si lɛkɛ 109 od. 2]

Ɔtɔnganyiya wetelo wayela ɛnɛ l’avɛsa wasungana:

Tuk. 22:3; Und. 7:​21, 22; Is. 13:​19, 20; Mat. 5:​23, 24; Kol. 3:​18-20, 23, 24

31. Kânga mbahakokɛ Jehowa anto ande mbala kakɔ ɔtɔi oma lo wâle, ata w’ase ngelo, kana odiakatanelo, woho wa kamba la lomba l’oshika lele lo Bible mbeyaka ndjâla ohomba efula. [1, Walelo wa Bible wa lomingu la lomingu; enda lo w92 1/1 lɛkɛ 17 od. 23.]

32. Ɔkɔkɔ w’ɔlɔlɔ wekɔ wahatakokaki mbidja tamu pondjo l’okotshamelo wa pɔlɔfɛsi yakasambiyama oma le Nzambi. [15, Walelo wa Bible wa lomingu la lomingu; enda w93 15/5 lɛkɛ 6.]

33. Okristo wa mɛtɛ mbɔsaka tɛdikɔ ntondo dia tadjisha wɔladi lam’asande l’anango. [2, uw lɛkɛ 135 od. 10]

34. Dia diokanelo dia l’atei a nkumbo ngɔna, aha onto tshɛ kongɛka ɔnɛ onto okina atokosala dikambo dimɔtshi ntondo, koko onto tshɛ pombaka kotsha ɔkɛndɛ ande dimɛna, ɔsɔku mbayondɛnya dia nde ekɔ la dilɛmiɛlɔ dia Nzambi lo luudu lawɔ. [7, uw lɛkɛ 143 od. 10]

35. Toyangake ɔnɛ diokanelo dia lam’asayɛ l’anto akina wele kema kokele diayale kokele. [8, Walelo wa Bible wa lomingu la lomingu; enda lo w90 1/3 lɛkɛ 8.]

S-98 #286 8/95