Sanganya Y’olimu Ya Loseketanya
Lomingu la Loseketanya 5
Taahe 12: Waewoyelo. Waewoyelo w’endana l’Olimu Aso wa Diolelo. Sha kɔmatɛrɛ lo alapɔlɔ w’olimu w’etshumanelo wa ngɔndɔ ketshi.
Taahe 15: “Tokotsha Dɔkɔlɔkɔ Diaso la Lushi la Lushi.” La wembola ndo ekadimwelo. Ohola tokanyi tele lo Auxiliaire, lɛkɛ 1520, odingɔ 11, polo lɛkɛ 1521, odingɔ 1, lo mɛnya bonde kele dɔkɔlɔkɔ ekɔ daka kana kɔhi yahomba onto mbɔsa la nɛmɔ.
Taahe 18: “Tôkoya Jehowa lo Kanɛka Akina Mɛtɛ.” (Odingɔ 1-3) Kamba l’odingɔ wa ntondo dia mɛnya ɔtɛ a dui wa sawo. Shikikɛ tobukubuku takɔna tele nshi nyɛ lo lɔkɔtɔ lo etshumanelo tayetawɔma dimɛna lo mbilo kanyu. L’ɔkɔngɔ, sɛdingola odingɔ 2-3 oto ndo ɛnya l’ekimanyielo ka diɛnyɛlɔ woho wa kamba la biukubuku Onde na Nzambi tokaneka mete ondo? lo ohomanelo wa ntondo ndo lo diendelo di’oyoyo. Ɛnya woho wakoka apandjudi nɔngɔsɔla wɛnyanyelo awɔ hita wa biukubuku kina yasungana lo mbilo k’etshumanelo.
Osambu 112 ndo dɔmbɛlɔ dia ndjihelo.
Lomingu la Loseketanya 12
Taahe 15: Waewoyelo. Alapɔlɔ wa wɛdikelo a falanga ndo dako diahɛtahɛta oma le ekumanyi lo sawo dia “Weshasha . . . ” (lɛkɛ 3 la 4).
Taahe 15: “Tôkoya Jehowa lo Kanɛka Akina Mɛtɛ.” (Odingɔ 4-5) Nyɔkɛtshanya l’odingɔ 4-5 oto ndo dia atshina amɔtshi w’akambo wa lo biukubuku Etena Kavɔ Onto Ɔmɔtshi Lalangayɛ. . . Ɛnyɛlɔ ka weoho wolakanyemi dia ohomanelo wa ntondo ndo diendelo di’oyoyo.
Taahe 15: Ekadimwelo lo Wembola Anyu. Dako oma le ekumanyi. Lembetshiya bonde kahahombe wanɛ walɔmbɔla nsanganya mbekesanɛ efula l’anangɛso la akadiyɛso lo mbaelɛka paka lo lokombo la laahe lam’awambolande wembola.
Osambu 16 ndo dɔmbɛlɔ dia ndjihelo.
Lomingu la Loseketanya 19
Osambu 162
Taahe 10: Waewoyelo.
Taahe 20: “Onde Wɛ Ambohembaka Esambishelo ka la Dikɔlɔ?” Dako kâmɛ la kɔmatɛrɛ y’ampokami ndo ɛkɔnya ɛmɔtshi. Tɛkɛta dia kɛnɛ kɛnaso lo ngelo kaso lam’atatakindola lo mbilo la dikɔlɔ di’otsho. Dja ndo akambo wɛnya etombelo w’ɛlɔlɔ watomba oma l’esambishelo ka la dikɔlɔ. Ohola ekongelo ka lomingu la lomingu ka nsanganya y’esambishelo yasalema lo etshumanelo.
Taahe 15: “Tôkoya Jehowa lo Kanɛka Akina Mɛtɛ.” (Odingɔ 6-8) L’ekimanyielo ka odingɔ wa komelo wa sawo, keketsha onto tshɛ dia kalola esadi dia tenda wanɛ wakawatshikɛ tobukubuku. Lo ndjela odingɔ 6-7: diɛnyɛlɔ lo yoho ya ndɛkɛ anto biukubuku But de la vie lo ohomanelo wa ntondo ndo woho wa tatɛ mbeka l’onto lo tshapita ya ntondo ya dibuku Ewo lo diendelo di’oyoyo. Ohola apandjudi dia vɔ kokaka sala wɛnyanyelo awɔ vamɛ wa tobukubuku tokina lo ndjela toho tolakanyemi l’Olimu Aso wa Diolelo.
Osambu 64 ndo dɔmbɛlɔ dia ndjihelo.
Lomingu la Loseketanya 26
Taahe 10: Waewoyelo. Sɛdingola numɛlɔ ya periodikɛ yeke ka tomba lo tshena pe ndo sɔtɔla tokanyi t’ohomba takoka kambema lo asoko.
Taahe 15: Tônge l’Oyango wa Kamba Olimu wa lo Tena ndo lo Tena. Ɔkɛtshanyelo lasa ekumanyi la ɔlɔngɔlɔngɔ ɔtɔi kana ehende, lo ndjela Tshoto y’Etangelo ya Diɛla Woke 15, 1988, lɛkɛ 25-27 (lo Falase). Ɛlɔngɔlɔngɔ wekɔ lo kana yimba lo kɛnɛ kasangoyawɔ sala l’ɔkɔngɔ wa shidiya kalasa. Wekɔ la saki ka diangɔ dia l’emunyi diokokiwɔ kondja naka vɔ kamba olimu ɔmɔtshi l’andja ɔnɛ. Ekumanyi ekɔ lo kotola yambalo yawɔ l’awui w’eshika wɛnya ɔnɛ kombola dia kamba olimu w’ombatshi mboka ndeka dimɛna. Ɛlɔngɔlɔngɔ wambosuya, koko vɔ hawetawɔ dia wayokokaka kotsha ehomba awɔ walemanɛ la falanga naka vɔ monga ambatshi mboka. Ekumanyi ambowaɛnya awui w’oma lo sawo diele lo Tshoto y’Etangelo wɛnya ɔnɛ olimu w’ombatshi mboka ekɔ oyango wa kanga yimba, wokoki kotshama ndo washa anto efula ɔngɛnɔngɛnɔ. Lo komelo ka sawo, ɛlɔngɔlɔngɔ wambɛnya lowando lawɔ lo kɛnɛ kakatshi ekumanyi ndo saki kawɔ ka kana yimba dimɛna l’oyango wa sambisha efula.
Taahe 20: “Woho wa Mbetɛ Anto Ambeki l’Ekimanyielo ka Dibuku Ewo.” Dako oma lo odingɔ 12-16 wa dikatshi di’okotsha dia Lotena Eduwa 1996. Diɛnyɛlɔ dihende dia wekelo wa Bible l’onto. Ka ntondo kɛnya woho wa ndowanya ombeki woho wa nde nɔngɔsɔla wekelo lo mbekɛ eshidi la markɛrɛ kana la bikɛ l’ɛse ka ɛtɛkɛta kana wetelo w’ohomba wakadimula mbala kakɔ ɔtɔi lo wembola wofundami. Lo ɛnyɛlɔ ka hende, nyɛnya kɛnɛ kokokiso mbuta dia keketsha ombeki wa Bible dia nde mbɔtɔ lo losanganya la dako dia lo sɛkɛ la lo wekelo wa Tshoto y’Etangelo.
Osambu 116 ndo dɔmbɛlɔ dia ndjihelo.
Lomingu la Lovula 2
Osambu 212
Taahe 10: Waewoyelo. Nyɔsɛdingole kiombo yata ɔnɛ “Ekongelo ka Losanganya l’Otshimbedi Layaye.”
Taahe 20: Ngande wokokiyɛ kondja onto la mbeka la nde Bible? Ekumanyi kɛmɔtshi alɔmbɔla sawo kâmɛ l’apandjudi ahende kana asato wakakondja etombelo lo kɛnɛ k’endana la mbeka l’anto Bible; wekɔ lo menda weoho wakimanyiya dia kondja etombelo efula dia tatɛ mbeka l’anto Bible: (1) Nɔmba dia kondja ekimanyielo ka Jehowa. (2) Kamba olimu tena la tena lo weoho wotshikitanyi dia kondja anto walanga. (3) Nembetɛ saki tshɛ kɛnyisha onto ndo kalola esadi dia towenda. (4) Nshi tshɛ sɛngɔla anto wɛnya saki dia mbeka la wɔ Bible. [Enda lo ɔtɛ a dui wata ɔnɛ “Woho wa Tatɛ Mbeka l’Anto Bible” wele lo Tshoto y’Etangelo ya Yâta Afusa 15, 1996 (lo Falase), lɛkɛ 20.] (5) Ndjaoka mɛtɛ ɔnɛ tekɔ l’akoka wa ndakanya lo kamba l’alako anɛi wele lo Tshoto y’Etangelo ya Tshaka Fudu 1, 1984 (lo Falase), lɛkɛ 13-17.
Taahe 15: Ehomba wa l’etshumanelo kana dako oma le ekumanyi di’oma lo sawo diata ɔnɛ “Esambelo ndo Ekeketshelo: Diangɔ di’Oshinga Wolo lo Akambo Efula,” diakatombe lo Tshoto y’Etangelo ya Tshango 15, 1996 (lo Falase), lɛkɛ 21-23.
Osambu 165 ndo dɔmbɛlɔ dia ndjihelo.