Ekadimwelo Lo Wembola Anyu

◼ Kakɔna kahombaso mbewɔ lam’afundɛso anto wahatatanyi lawakawɔ mikanda?

Sho mɛnaka dia ekɔ wolo efula tana anto lawakawɔ l’ɔkɔkɔ w’akambo efula. Apandjudi amɔtshi mɛnaka dia ekɔ ɔlɔlɔ mbâfundɛ, ndo shambu shɔ kokaka monga l’etombelo w’ɛlɔlɔ; koko, ekɔ ohomba mbohola akambo amɔtshi wayotonyɛ ekakatanu:

Tatofundake adrɛsɛ wa la Société. Atokoyonga oko oma lo bilɔ yaso mboye mukanda akɔ, ayoyotondja akambo akina ndo mbeyaka ndjotondja adepasɛ w’anyanya.

Toyashikikɛ ɔnɛ adrɛsɛ w’onto akɔ wekɔ mɛtɛ ndo takafute tɛmbɛlɛ tshɛ.

Tatotomɛke onto mukanda aha la funda lokombo lande.

Tatotshikake mikanda l’asoko.

Mikanda wofundami lo hiembola ndeka amɛna. Lo dihole dia funda sawo di’ɔtshɔlɔlɔ, todje kiatshikatshi kana periodikɛ lɔkɔ.

Mikanda wofundami lo mashinyi ndeka wɔdu mbadia ndo mbishaka onto kanyi y’ɔlɔlɔ.

Hawadja mukanda ɔnɛ ekɔ diendelo di’oyoyo, paka kana tambosambishaka onto akɔ ntondo shâmɛ.

Naka tambofundɛ onto lambɛnyaka saki edja, kete tayohomba funda adrɛsɛ la numɛlɔ ya telefɔnɛ ya lɛnɛ okokinde tɛkɛta la so. Tôlembetshiya ekongelo kaso ka wetshelo wa Bible.

Têle onto akɔ oya lo nsanganya ya l’etshumanelo, mbosha adrɛsɛ shikaa ndo wenya la nshi yasalemayɔ.

Tatofundɛkɛ anto waki komonga lawɔ nto naka tambokaloya kartɛ ka mbilo; opandjudi wambowokisha mbahomba sambisha lɔkɔ.