Nsanganya Y’olimu Ya Loseketanya
Lomingu la Loseketanya 4
Taahe 10: Waewoyelo. Ta waewoyelo w’oma l’Olimu Aso wa Diolelo. Sha kɔmatɛrɛ l’alapɔlɔ w’olimu w’etshumanelo wa Lotena Eduwa.
Taahe 15: “Kɔlamelo Mongaka la Difuto.” La wembola ndo ekadimwelo. Ta dia ɔkɔndɔ wɔkɔndɔdiwɔ lo Réveillez-vous ! wa Tshango 22, 1993, lɛkɛ 18-21.
Taahe 20: “Tokimanyiya Akina dia Vɔ Kondja Esambelo.” Ɔkɛtshanyelo kâmɛ l’ampokami. Nyɔtɔnganyiya odingɔ 4 la 5 la kɛnɛ kasalema lo ngelo kanyu. Nyɔlɔngɔsɔlɛ ɛnyɛlɔ ɔtɔi kana diɛnyɛlɔ pende lo ndjela asawo wɛnyishawɔ. Mbola ampokami dia vɔ kɔndɔla woho wakawatatɛ sawola l’anto lo tobukubuku takɔ tamɛ lo weho wotshikitanyi. Kɛnya dia ekɔ ɔlɔlɔ tɛkɛtaka ɔtɛtɛla wa wɔdu ndo sɔna ɛtɛkɛta w’amɛna dia memula saki k’onto. (Enda lo dibuku Manuel pour l’École, lɛkɛ 7, odingɔ 9-11.) Ta tobukubuku tokina tele lo lɔkɔtɔ l’etshumanelo, tokokiso mbisha anto.
Osambu 70 ndo dɔmbɛlɔ dia ndjihelo.
Lomingu la Loseketanya 11
Taahe 12: Waewoyelo. Alapɔlɔ wa falanga. Lembetshiya sawo diele l’ɔtɛ a dui ɔnɛ “Tayeka Dibuku Ɔngɛnɔngɛnɔ wa lo Nkumbo” lo tshena pe.
Taahe 18: “Tosambisha Lɛnɛ Ele Anto.” Dako. Naka wonya wekɔ, ko wɛ mbuta ndo akambo amɔtshi wakasalema watawɔ lo Annuaire 1997, lɛkɛ 43-6.
Taahe 15: Ambutshi: Nyetsha Ananyu oma ko Tɔkɛndakɛnda. Ekumanyi kɛmɔtshi asɛdingole awui wa l’Afundelo watɛtɛ di’ohomba w’ambutshi mbetsha anawɔ oma ko tɔkɛndakɛnda. (Tuk. 22:6; 2 Tim. 3:14, 15) Ambutshi fɔnyaka ɔnɛ pombaka konga edja ndo ana wokoka mbɔsa tɛdikɔ tawɔ hita dia ndjalakanya awui wa lo Bible dimɛna. Ngasɔ mbambonganɛ ana efula l’awui wa l’andja ɔnɛ. Olakanyelo wa lo nyuma pombaka mumɛ oma ko kiɛndakɛnda. (g97 8/3 26-7; w88 1/8 12-13) Kɔnya wadi l’omi, wanɛ wayakiyanya dia lonyuma l’anawɔ. Ɛnya dia papa mbatomɛka, koko nde la wadiɛnde onto l’onto kotshaka ɔkɛndɛ ande lo kɛnɛ kendana la mbetshaka anawɔ dimɛna ndo lo tena tshɛ diakawashikikɛ. Vɔ akɔ ahende walembetshiya weolo wadjawɔ dia tɔtɔmiya anawɔ akambo wa mɛtɛ lo ndjela alako watosha ɔlɔngɔswamelo dia monga l’ekongelo k’ɔlɔlɔ kasungana ka wetshelo wa la ngelo. Ekumanyi atɛtɛ di’ohomba wa ndjelaka alako wakondja ambutshi oma lo Dui dia Nzambi.—Ef. 6:1-4.
Osambu 71 ndo dɔmbɛlɔ dia ndjihelo.
Lomingu la Loseketanya 18
Taahe 12: Waewoyelo. Sala, lo tshena pe, sawo dia “Ekongelo ka Losanganya l’Otshimbedi Layaye.”
Taahe 13: “Akɔna Ayototshwɛ Na?” Dako diakeketsha anto. Tɛkɛta dia leeta la monga ombatshi mboka wa pondjo ndo di’ɔkɔndɔ wele lo dikatshi di’okotsha di’Olimu Aso wa Diolelo wa Asase a Ndjoko 1997, odingɔ 16-17. Wanɛ wahakoke monga ambatshi mboka wa pondjo nangaka ondo nɔngɔsɔla ngɔndɔ ɔtɔi kana efula dia monga ambatshi mboka wa tshanda l’ɔnɔnyi w’olimu wayaye.
Taahe 20: Toyalɔngɔsɔlake dia Sambishaka lo Tshakitudi. Lushi tshɛ, sho kondjaka waaso wa sambisha anto wahomana la so. Lam’akondjaso diaaso, ondo sho tɛnaka dia sho bu la Bible kânga okanda. Totayalɔngɔsɔlaki ntondo. La ngelo, tokitshake ekanda ɛmɔtshi suke la soko lɛnɛ alongolaso angɛndangɛnda. Todje ɛmɔtshi lo tapa kana lo tshapatapa ya l’anya ndo tongake la yɔ wonya tshɛ kana toyidjake lo mutuka, kana kitshaka lo dihole diakambaso olimu. Katɛmbake yangɔ mɔtshi l’amɔtɔso lo mituka kana lo masuwa. Lɔnga ndo ekanda ɛmɔtshi lo tapa diayɛ lam’atayatshu oyadi lo lɔkɛndɔ lɔmɔtshi l’awui w’okanda, otsha lo losanganya la woke kana otsha lo vakashi. Enda alako akina wele lo dibuku Manuel pour l’École, lɛkɛ 80-2, odingɔ 11-16. Diɛnyɛlɔ dia tomondo dia woho wa sawola l’osumbishi, osekaso la l’olimu, osekaso la lo kalasa, onto latatshu aso lo lɔkɛndɔ kana lele lo vakashi.
Osambu 72 ndo dɔmbɛlɔ dia ndjihelo.
Lomingu la Loseketanya 25
Taahe 12: Waewoyelo. Ohola di’onto tshɛ kimɔ alapɔlɔ ande w’olimu. Tɛkɛta di’ekanda wa mbisha anto lo Lovula. Lo Lovula, tayosala tshɛ dia nyomotenda anto wakatatshikɛ tobukubuku lo Loseketanya, la kanyi ya tatɛ mbeka la wɔ Bible. Kamba la dikatshi di’okotsha di’Olimu Aso wa Diolelo wa Mɔmbi 1997, ko wɛ sɔtɔla awui amɔtshi w’ohomba dia sala waendelo w’eyoyo w’amɛna efula. Pombaka tatɛ mbeka la wɔ lo biukubuku Katɔlɔmba kana lo dibuku Ewo.
Taahe 15: “Akambo Wendana l’Ɔkɛndanelo wa la Kanyi ya Tshukana—Ngande Wokokiso Mbewɔ Wâle Na?” Ɔkɛtshanyelo kamɛ l’ampokami oma le ekumanyi kɛmɔtshi.
Taahe 18: Tokotsha Olimu Aso Dimɛna. Dako oma le omendji w’olimu, oma lo dibuku Notre ministère, lɛkɛ 5-8. Koke epole ɔsɛkɛ l’ohomba w’esambishelo ndo kɛnya dia sho pombaka sala olimu akɔ esadi esadi, lo tshutshuya onto tshɛ dia nde mbidja yimba l’ɛkɛndɛ ande w’okambi.
Osambu 75 ndo dɔmbɛlɔ dia ndjihelo.