Nsanganya Y’olimu Ya Ngɔndɔ Ka Tanu
Lomingu la Ngɔndɔ ka Tanu 4
Taahe 10: Waewoyelo. Waewoyelo wendana l’Olimu Aso wa Diolelo.
Taahe 20: “Onde Tayowokamba Nto?” (Odingɔ 12-20) Wembola ndo ekadimwelo. Ohola akambo wahomba onto kotsha wele lo dibuku Notre ministère lɛkɛ 113-14. Lembetshiya lo na ele olimu w’ombatshi mboka wa tshanda nɔngɔsɔlaka onto oya lo wɔnɛ w’ombatshi mboka wa pondjo. Lɔmba apandjudi waki ambatshi mboka wa tshanda Ngɔndɔ ka Nɛi ketshi dia vɔ nembetshiya nganɛ wakawayalɔngɔsɔla dia kotsha oyango awɔ wa wenya 60. L’atei wa dikongelo dia wenya diɛnyami lo lɛkɛ 7 l’Olimu Aso wa Diolelo wa Ngɔndɔ ka Nɛi, 1998, yoho yakɔna yakaleke sungana awɔ? Naka wonya wekekɔ, kɔndɔla akambo wele l’Annuaire 1997 lɛkɛ 48-9, 245-6. Keketsha apandjudi dia mbɔsa adɛmandɛ wa ndodja l’ɔkɔngɔ wa losanganya.
Taahe 15: “Periodikɛ Mbewoyaka Diolelo.” Ekumanyi ayosha dako sɔ nde l’apandjudi asato kana anɛi wanɛ washa anto periodikɛ efula. Tɛkɛta di’awui wakotola anto wele lo tojurunalɛ têke katomba ndo ɛnya nganɛ wakokaso kamba la tɔ l’asawo aso. Ɛnya nganɛ wakoka anto pamia okahanyelo wa periodikɛ lo mbilo k’etshumanelo kanyu. Kotola yambalo oya l’asawo wemula saki k’anto wele lo periodikɛ yekenyu ka nongola, ɛnyɛlɔ asawo wendana l’ekakatanu wahomana l’anto ndo la nkumbo. Kɔlɔngɔsɔlɛ bɛnyɛlɔ pende kana sato dia tomondo.
Osambu 205 ndo dɔmbɛlɔ dia ndjihelo.
Lomingu la Ngɔndɔ ka Tanu 11
Taahe 10: Waewoyelo. Alapɔlɔ wa falanga.
Taahe 15: “Olimu Aso: Djembetelo ya Ngandji k’Oshika.” Wembola ndo ekadimwelo. Lembetshiya lo tshena pe awui wa lo Tshoto y’Etangelo ya Ngɔndɔ ka Hende 1, 1987, lɛkɛ 16-17, od. 3-7.
Taahe 20: “ ‘Toleke’ Mbɔtɔka lo Nsanganya.” Wembola ndo ekadimwelo. Naka etena kekekɔ, vusola alako wa lo dibuku Notre ministère, lɛkɛ 64-5. Andola la wangasanu tshɛ wanɛ wahetsha nsanganya.
Osambu 119 ndo dɔmbɛlɔ dia ndjihelo.
Lomingu la Ngɔndɔ ka Tanu 18
Taahe 10: Waewoyelo. Nsango ya Teokrasi. Ewoya di’anto wâkakoke ndodja adɛmandɛ dia kamba oko ambatshi mboka wa tshanda Ngɔndɔ ka Samalo.
Taahe 10: Ekadimwelo lo Wembola Anyu. Dako oma le ekumanyi kayɛnya l’ɔlɔlɔ tshɛ nganɛ wakoka pama etshumanelo.
Taahe 25: “Tonyomoyanga Anto Efula wa Mbeka Lawɔ Bible.” Dako ndo ɔkɛtshanyelo wa l’ampokami, oma le omendji w’olimu. Tɛkɛta di’olimu wakambanyu wa mbeka l’anto Bible l’etshumanelo kanyu. Andola apandjudi lɛnɛ akawakambe dimɛna. Ɛnya kɛnɛ kakoka apandjudi ntsha nto dia tatɛ ndo tetemala mbeka l’anto Bible, mbidja ndo wekelo wa lo nkumbo. Sha ɛnyɛlɔ kɛmɔtshi l’odingɔ 5 lo kɔnya ombutshi ɔmɔtshi walɔmbɔla wekelo wa lo nkumbo mbala tshɛ. Adia odingɔ 8, ndo ka epole ɔsɛkɛ lo awui enanɛi wakawashidi ango. Lembetshiya odingɔ 13 lo nɔmba opandjudi ɔmɔtshi wetsha anto Bible dimɛna dia nde kɔndɔla nganɛ wakoka onto mana la mbeka Bible l’onto okina dibuku di’otondo aha la mbetsha wenya wetshetsha. Sɔna dui dimɔtshi di’ɔlɔlɔ diakatombe diɛnya etombelo w’ɔlɔlɔ wakanyakondja l’etshumanelo kanyu.
Osambu 109 ndo dɔmbɛlɔ dia ndjihelo.
Lomingu la Ngɔndɔ ka Tanu 25
Taahe 12: Waewoyelo. Shila nkombo ya wanɛ wayonga ambatshi mboka wa tshanda Ngɔndɔ ka Samalo. Ta tɛdikɔ tambɔsama l’etshumanelo kanyu dia nsanganya ya lâdiko y’otsha l’esambishelo. Shila tokanyi tɔmɔtshi t’ɛlɔlɔ tɛnya woho wa ndjalɔngɔsɔla dia mbisha anto periodikɛ yeke ka tomba.—Enda l’Olimu Aso wa Diolelo wa Ngɔndɔ ka Tanu, 1997, lɛkɛ 8.
Taahe 15: Woho Watokimanyiya Elami w’Akristo. Dako oma l’ekumanyi kɛmɔtshi, oma lo Tshoto y’Etangelo ya Ngɔndɔ ka Sato 15, 1996, lɛkɛ 24-7.
Taahe 18: Ɛna akambo la sso di’ɔlɔlɔ lam’akambayɛ lo mbilo kakindjakindjama efula. Ekumanyi ekɔ lo sawola nde l’apandjudi ahende kana asato wanɛ wambɔkɔmɔ nɛ dia lo mbilo kamboleka kindjakindjama anto hawoyoleka mbahokamɛ. Nde ovusola kâmɛ lawɔ awui wele lo Tshoto y’Etangelo ya Ngɔndɔ k’Esambele 15, 1988, lɛkɛ 16-19, odingɔ 4-14. Wekɔ lo kɛtshanya la wangasanu tshɛ lo woho wakokawɔ kamba l’alako asɔ.
Osambu 191 ndo dɔmbɛlɔ dia ndjihelo.