Ekongelo ka losanganya l’olimu
DIEWOYELO: Olimu Aso wa Diolelo ayongaka l’ekongelo ka Losanganya l’Olimu lɔmɔtshi lomingu tshɛ tatɛ oma lo Ngɔndɔ ka Samalo polo k’Enanɛi. Tshumanelo kokaka tshikitanya ekongelo kakɔ lo woho wahombama lam’eyawɔ ɔnɛ wayɔtɔ lo Losanganya la Distrikɛ lele l’ɔtɛ a dui ɔnɛ: ‘Wanɛ Wakitanyiya Ɔtɛkɛta wa Nzambi.’ Naka kokaka, nyokambe la minitɛ 15 ya lo Losanganya l’Olimu l’ekomelo lele la ntondo ka nyu mbɔtɔ lo losanganya la woke dia vusola dako diele lo dikatshi di’okotsha dia ngɔndɔ kɛnɛ. Keketsha onto tshɛ dia nde mbɔsa minitɛ ngana dia mbokaka sso lo ekongelo ka losanganya mbala tshɛ la ntondo k’etenyi ka pindju ndo ka l’ɔkɔngɔ a midi tatɛ woho wa têyi kɛnɛ kayotama. Kɛsɔ ayowakimanyiya dia ndjela losanganya la yambalo tshɛ ndo mbɔsa nɔtɛ ya tomondo y’awui w’ohomba. Mingu hiende polo mingu nyɛi l’ɔkɔngɔ wa losanganya, ovuswelo wa minitɛ 30 w’akambo w’ohomba efula wakatama lo losanganya wayosalemaka lo Losanganya l’Olimu. L’etena kɛsɔ, onto tshɛ ayoyalɔngɔsɔla dia mbisha kɔmatɛrɛ lo tshena pe naka wambɔlɔmba dia sala dikambo sɔ oma le anangɛso asato wahokɔ akambo efula wakawasha ɔkɛndɛ wa ovuswelo ɔsɔ. Kɔmatɛrɛ shɔ kokaka mɛnya woho wakokaso kamba l’awui wakateke lo losanganya la woke lo nsɛnɔ yaso shamɛ kana l’olimu aso w’esambishelo. Kokaka kɔndɔla lo tshena pe dui ɔtɔi kana awui ahende wakete lo losanganya. Naka anto tshɛ ndjalɔngɔsɔla dimɛna kete etenyi ka Losanganya l’Olimu kɛnɛ kayonga dimɛna ndo anto wayokondja wetshelo.
Lomingu la Ngɔndɔ ka Tanu 8
Min. 15: Waewoyelo. Waewoyelo w’oma l’Olimu Aso wa Diolelo. Ekumanyi kɛmɔtshi ayovusola la yambalo tshɛ diewoyelo dia la diko ndo diendana l’akambo wambokotshama lo Losanganya l’Olimu.
Min. 15: “Onde Wɛ Nɛmiyaka Awui w’Ekila?” Dako oma le ekumanyi kɛmɔtshi. Ka epole ɔsɛkɛ l’ohomba wa mbɔtɔ nshi yakɔ shato ya losanganya la distrikɛ.
Min. 15: “Salaka Akambo Ayɛ Tshɛ la Ngandji.” Wembola ndo ekadimwelo.
Osambo 201 ndo dɔmbɛlɔ dia ndjihelo.
Lomingu la Ngɔndɔ ka Tanu 15
Min. 13: Waewoyelo. Alapɔlɔ wa falanga.
Min. 16: “Todje Yimba l’Awui w’Ekila.” Wembola ndo ekadimwelo. Tɛtɛ ɛkɔkɔ wɛnya ohomba wa sho tshɛ mbidjasɛ l’ahole aso wonya watatɛ etenyi tshɛ ka losanganya.
Min. 16: “Tonge la Lɔkɛwɔ l’Ɔlɔlɔ Latombola Nzambi.” Ekumanyi kɛmɔtshi akɛtshanya sawɔ nɛ kâmɛ la nkumbo kɛmɔtshi. Wavusole kɛnɛ kahombawɔ ntsha dia monga la kiongamu, la loshilambo, pudipudi ndo monga l’ɛnamelo ndo la lɔkɛwɔ l’ɔlɔlɔ l’atei w’anto.
Osambo 203 ndo dɔmbɛlɔ dia ndjihelo.
Lomingu la Ngɔndɔ ka Tanu 22
Min. 12: Waewoyelo. Ekadimwelo lo Wembola Anyu.
Min. 20: ‘Nyosungukalake.’ Wembola ndo ekadimwelo. Lembetshiya lande na kele ekɔ ohomba efula sho nsungukalaka kânga mbahateye lushi kana wonya.—Enda lo Tshoto y’Etangelo ya Ngɔndɔ ka Dikumi l’Ɔtɔi 1, 1995, lɛkɛ 20.
Min. 13: Kakɔna Kayoyosala lo Ngɔndɔ Yayaye Na? Ase nkumbo kɛmɔtshi wekɔ lo kɛtshanya kɛnɛ kayowosala lo ngɔndɔ ya vakashi. Wekɔ lo tɛkɛta dia mbɔtɔ nshi yakɔ shato ya losanganya la distrikɛ ndo dia kamba olimu w’ombatshi mboka wa tshanda ngɔndɔ ɔtɔi kana ndekana. Ɔsɔ kokaka monga nto diaaso dia tɔsɛnya washo lo waa parkɛ kana dia kɛnya tɔkɛnyɔ tɔmɔtshi t’ɔlɔlɔ. Vɔ tshɛ wamboyashikikɛ di’aha shisha mbekelo kawɔ kendana l’elimu wa teokrasi.
Osambo 83 ndo dɔmbɛlɔ dia ndjihelo.
Lomingu la Ngɔndɔ ka Tanu 29
Min. 12: Waewoyelo. Ohola onto tshɛ dia kimɔ alapɔlɔ w’olimu wa Ngɔndɔ ka Tanu. Sala ɛnyɛlɔ ka mondo dia mɛnya woho wa kamba la biukubuku yayotosha anto lo Ngɔndɔ ka Samalo. Ɛnya woho wa tatɛ wekelo wa Bible, lo kamba la wekelo wa 13 wa lo biukubuku Katɔlɔmba.
Min. 15: “Tana Ɔngɛnɔngɛnɔ l’Olimu Ayɛ w’Ekila.” Dako. Ɛnya ɛkɔkɔ watotshutshuya dia monga l’ɔngɛnɔngɛnɔ l’olimu aso.—Enda lo Étude perspicace, Vɔlimɛ 2, lɛkɛ 45.
Min. 18: Wadielo wa Bible Washa Difuto. Dako ndo wɛnyɛlɔ wɔsami oma lo Manuel pour l’École, lɛkɛ 33 polo 34, odingɔ 6 polo 7. Ekongelo ka shikaa ka wadielo wa Bible kasalawɔ atshina w’akambo w’oma lo Bible kekɔ etenyi kɛmɔtshi ka wekelo ka lo Kalasa k’Olimu wa Teokrasi. (Olimu Aso wa Diolelo, wa Ngɔndɔ ka Dikumi l’Ahende 1999, lɛkɛ 7) Onga la nkumbo kɛmɔtshi dia tɔ mɛnya woho wokoki nkumbo kamba l’etenyi kɛmɔtshi ka wadielo wa lomingu la lomingu lo dikambo dia kalasa ka teokrasi. Wasɔnɔlɛ dui ɔtɔi kana awui ahende w’ohomba ndo wasale eyangelo ekina lo Index des Publications de la Société Watch Tower kana lo Étude perspicace des Écritures. Ɛnya woho wokoki wadielo wa Bible ndjokoma ohomba efula ndo tokimanyiya dia mbeya ‘nembetshiya akambo wa mɛtɛ lo yoho y’ɔlɔlɔ.’—2 Tim. 2:15.
Osambo 95 ndo dɔmbɛlɔ dia ndjihelo.
Lomingu la Ngɔndɔ ka Samalo 5
Min. 5: Waewoyelo.
Min. 10: Ehomba wa l’etshumanelo.
Min. 15: “Onde Wɛ Ayonga Lawɔ?” Dako ndo ɛkɔndɔ, oma le ekumanyi kɛmɔtshi. Nsanganya ya weke yakonge ohomba efula nɛ dia yɔ keketshaka ekambi waki Nzambi tatɛ oma ko nshi yakafundamaka Bible polo ndo nshi yaso nyɛ. (Enda lo dibuku Prédicateurs, lɛkɛ 254, odingɔ 1-3, ndo lo Étude perspicace, vɔlimɛ 1, lɛkɛ 882, odingɔ 4.) Keketsha anto tshɛ dia tatɛ ndjalɔngɔsɔla oma ko kakianɛ woho wa mbɔtɔ nshi yakɔ shato ya losanganya la distrikɛ l’ɔnɔnyi ɔnɛ. Lɔmba ampokami dia kɔndɔla awui wɛnya difuto diakawakondja lo nyuma oma lo weolo wakawadje dia tanema nshi yakɔ tshɛ lo nsanganya yakete.
Min. 15: “ ‘Wahimbami Ntundu’—Woho Akɔna Na?” Dako oma le ekumanyi kɛmɔtshi. Vusola akambo walɔmbama l’Afundelo dia monga okambi w’olimu l’atei w’etshumanelo. (Enda lo Étude perspicace, vɔlimɛ 2, lɛkɛ 289.) Ɛnya awui wahombawɔ kotsha di’onto sɔnama. (Enda lo dibuku Organisés, lɛkɛ 55 polo 57.) Ɛnya nganɛ wakoka ekambi w’olimu kamba ndo keketsha anangɛso efula dia vɔ nyanga woho wa kondja diɛsɛ sɔ.
Osambo 82 ndo dɔmbɛlɔ dia ndjihelo.