Ekongelo ka losanganya l’olimu
Lomingu la Ngɔndɔ ka Divwa 11
Min. 10: Waewoyelo. Waewoyelo w’oma l’Olimu Aso wa Diolelo. Sha alapɔlɔ w’olimu wa Ngɔndɔ ka Nɛi 2000 wa Congo-Brazzaville la wa Congo-Kinshasa ndo ɔtɛ a dui wata ɔnɛ: “Onde Sho Kokaka Nyomoleka Kamba Dimɛna?”
Min. 15: “Ɛtshɔkɔ wa Jehowa Tɔngɔnyaka.” Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola ndo ekadimwelo.—Enda lo Étude perspicace, Vɔlimɛ 2, lɛkɛ 798, odingɔ 6 polo 7.
Min. 20: “Kamba l’Awui Wêke ka Mbeta dia Memula Nsaki.” Ɔkɛtshanyelo l’ampokami ndo bɛnyɛlɔ. Shila akambo amɔtshi wêke ka tomba wakakotola yambalo y’anto wa lo lɛtshi lanyu la nkɛtɛ. Okiyanu akɔna wambosha akambo asɔ anto lo kɛnɛ kendana la nshi yayaye na? Lo kamba la biukubuku Woho wa Tatɛ . . . lɛkɛ 2 polo 7, sha alako amɔtshi wɛnya woho wa nɔngɔsɔla mbɔtwɛlɔ kɛmɔtshi ka lo sawo kayonyokonya polo ndo lo nyu ndjɔkɛtshanya awui wa lo Bible. Sala bɛnyɛlɔ dihende diakoka kimanyiya anto diakalɔngɔswami dimɛna.
Osambo 224 ndo dɔmbɛlɔ dia ndjihelo.
Lomingu la Ngɔndɔ ka Divwa 18
Min. 10: Waewoyelo. Alapɔlɔ wa falanga.
Min. 15: Kakɔna Kakatasale Ɔnɔnyi Wetshi? Sawo oma le omendji w’olimu. Vusola awui w’ohomba w’oma lo alapɔlɔ w’etshumanelo wa l’ɔnɔnyi w’olimu wa 2000. Andola ase etshumanelo l’akambo w’ɔlɔlɔ wakawasale. Tɛtɛ l’akambo wahombawɔ nyomoleka kamba dimɛna. Kotola yambalo y’ampokami lo kɛnɛ kakatshe etshumanelo lo kɛnɛ kendana la wɔtwɛlɔ wa nsanganya, woho wakawatatɛ ndo walɔmbɔlawɔ ambeki wa Bible, ndo woho wakawayasha l’esambishelo. Ɛnya eyango w’eshika wakoka ase etshumanelo ndjadjɛ l’ɔnɔnyi w’olimu wayaye.
Min. 20: “Nsɛnɔ Yekɔ lo Wâle.” Ɔkɛtshanyelo l’ampokami. Ka epole ɔsɛkɛ l’avɛsa wele lo sawo.
Osambo 30 ndo dɔmbɛlɔ dia ndjihelo.
Lomingu la Ngɔndɔ ka Divwa 25
Min. 15: Waewoyelo. Ohola apandjudi dia kimɔ alapɔlɔ w’olimu wa Ngɔndɔ ka Divwa. Sɛdingola sawo diele l’ɔtɛ a dui ɔnɛ: Ekadimwelo lo Wembola Anyu.
Min. 15: “Onde Nyambomana Dikambo Diakɔ Nfundo?” Wembola ndo ekadimwelo wayɔlɔmbwama oma le omendji w’olimu. Sha wetshelo lo ndjela ehomba w’etshumanelo.
Min. 15: “Yoho Yoleki Wɔdu ya Kahɛ Anto Ekanda.” Ɔkɛtshanyelo lam’asa omendji walɔmbɔla nde la sekeletɛlɛ.
Osambo 115 ndo dɔmbɛlɔ dia ndjihelo.
Lomingu la Ngɔndɔ ka Dikumi 2
Osambo 169
Min. 15: Waewoyelo. Ewoya etshumanelo kɛnɛ kendana l’okahanyelo wa lânde wa Nkumu ya Diolelo No. 36, okahanyelo wayotatɛ Lushi l’Ɔtɔi, Ngɔndɔ ka Dikumi 16, ndo wayotetemala polo Lushi la Tanu, Ngɔndɔ ka Dikumi l’Ɔtɔi 17. Lɔmba anto tshɛ oyadi tɔkɛndakɛnda kana eyoyo dia ndjasha tshɛ l’okahanyelo ɔsɔ. Ɛnɔmbɔdi wa Wekelo wa Dibuku pombaka tatɛ keketsha ndo nɔngɔsɔla anto tshɛ wa l’elui awɔ dia ndjoyasha l’ohetoheto tshɛ l’okahanyelo ɔsɔ. Dja ndo awui amɔtshi wakeketsha wakete l’okahanyelo wa Nkumu ya Diolelo wa mbala ketshi.
Min. 15: “Onde Dimi Pombaka Monɔ?” Dako oma le ekumanyi kɛmɔtshi. Lembetshiya bonde kele ekɔ ohomba monga la shɛnɔdi naka tolanga mbɔsa yɛdikɔ ya monɔ otsha lo dihole dikina. Ɛnya woho wa kamba olimu la dako diatanaso lo Tukedi 22:3. Dja ndo akambo watewolawɔ watanaso lo Tshoto y’Etangelo ya Ngɔndɔ k’Enanɛi 15, 1988, lɛkɛ 22.
Min. 15: Awui Wendana la Woho wa Tatshiya Asawo. L’ekongelo ka Losanganya l’Olimu ka lomingu la Ngɔndɔ ka Divwa 11, wakatɔlɔmbɛ dia sala mbɔtwɛlɔ y’asawo l’ekimanyielo k’awui wêke ka tomba woho wa memula nsaki y’anto ndo wa tatɛ asawo l’esambishelo. Lɔmba ampokami dia vɔ kɔndɔla etombelo w’ɔlɔlɔ wakawakondja lo kamba l’alako asɔ.
Osambo 205 ndo dɔmbɛlɔ dia ndjihelo.