Ekongelo ka losanganya l’olimu

Lomingu la Ngɔndɔ ka Hende 12

Osambo 6

Min. 10: Waewoyelo. Waewoyelo w’oma l’Olimu Aso wa Diolelo. Ɔkɛtshanyelo wendana la bandɛ video La Bible : le livre le plus ancien toujours d’actualité wayonga lo Losanganya l’Olimu la Ngɔndɔ ka Hende 26. Ɔkɛtshanyelo akɔ wayosalema l’ekimanyielo ka wembola wele lo lɛkɛ 7 l’Olimu Aso wa Diolelo ɔnɛ.

Min. 15: “Totombole Jehowa oma l’Etsha w’Ɛlɔlɔ.” Dja ndo awui wele lo dibuku Prédicateurs lɛkɛ 187, odingɔ 2-3.

Min. 20: “Woho wa Mbetawoya Anto Akina.” Ɔkɛtshanyelo lam’asa ekumanyi kɛmɔtshi nde l’apandjudi wasambisha dimɛna ahende kana asato, oma l’akambo wɔsami lo sawo diele lo Tshoto y’Etangelo ya Ngɔndɔ ka Tanu 15, 1998, lɛkɛ 21-23 lo Falase. Wasɛdingole akambo wele lo kiombo ya lo lɛkɛ 23, yata ɔnɛ: “Nanda Otema w’Ombeki Ayɛ.” L’ɔkɔngɔ wa vɔ sɔtɔla dikambo dimɔtshi dia kashi diendana l’ɛtɛmwɛlɔ dialeka anto mbetawɔ lo lɛtshi lawɔ la nkɛtɛ, wɛnya woho wakokawɔ sala dia mbetawoya onto kɛnɛ kata Bible lo dikambo sɔ.

Osambo 208 ndo dɔmbɛlɔ dia ndjihelo.

Lomingu la Ngɔndɔ ka Hende 19

Osambo 221

Min. 8: Waewoyelo. Alapɔlɔ wa falanga.

Min. 15: Ehomba wa l’Etshumanelo.

Min. 22: “Teyanya Lokombo la Jehowa ndo Etsha Ande.” Vusola tɛdikɔ ta laande tambɔsama l’etshumanelo dia pamia olimu w’esambishelo lo Ngɔndɔ ka Sato la ka Nɛi, ndo dia keketsha anto efula dia vɔ kamba olimu w’ombatshi mboka wa tshanda. Mbola anto amɔtshi wakakambe olimu ɔsɔ lo Ngɔndɔ ka Nɛi k’ɔnɔnyi w’etshi dia mbuta ɛlɔlɔ wakawakondja lo sala dikambo sɔ. Ɛnya ohomba wa kimanyiya onto tshɛ lahayotomba l’esambishelo dia sambisha kâmɛ la so ndo wa kimanyiya ana la ambeki akina wa Bible woho wa vɔ koma apandjudi wahatabatizama.​—⁠Enda Ekadimwelo lo Wembola Anyu wa l’Olimu Aso wa Diolelo wa Ngɔndɔ ka Dikumi l’Ɔtɔi 2000.

Osambo 27 ndo dɔmbɛlɔ dia ndjihelo.

Lomingu la Ngɔndɔ ka Hende 26

Osambo 48

Min. 8: Waewoyelo. Ohola apandjudi dia kimɔ alapɔlɔ w’olimu wa Ngɔndɔ ka Hende.

Min. 12: Ɛnya woho wa mbisha onto Dibuku Ewo. Onde wɛ ekɔ la mbɔtwɛlɔ kɛmɔtshi ka lo sawo l’ɔtɛ kakoka kamba layɛ dia mbisha onto dibuku Ewo lo Ngɔndɔ ka Sato? Naka wɛ menda l’ɔkɔngɔ w’akatshi w’ekomelo wa numɛlɔ y’Olimu Aso wa Diolelo yakatombe lo nshi yakete, kete wɛ ayotona mbɔtwɛlɔ efula yakoka kamba layɛ mbala ka ntondo kahomanayɛ l’onto. Efula l’atei wa mbɔtwɛlɔ shɔ yekɔ la tokanyi tendana la woho wa sala wendelo w’oyoyo. Vusola mbɔtwɛlɔ hiende kana shato l’atei wa mbɔtwɛlɔ shɔ. (Ngɔndɔ ka Samalo 1996; Ngɔndɔ ka Dikumi l’Ahende 1997; Ngɔndɔ k’Esambele 1997; Ngɔndɔ ka Nɛi 1998) Sala bɛnyɛlɔ dihende oma l’Olimu Aso wa Diolelo wa Ngɔndɔ ka Dikumi l’Ahende 1996 dia mɛnya woho wokokiso tatɛ mbeka l’onto Bible mbala kakɔ kâmɛ. Keketsha onto tshɛ dia sala la wolo tshɛ dia tatɛ mbeka l’anto w’eyoyo Bible.

Min. 25: “Tokambe Dimɛna la Bandɛ Video La Bible : le livre le plus ancien toujours d’actualité.” Ɔkɛtshanyelo l’ampokami, kamba la wembola wele lo lɛkɛ 7. Lembetshiya dimɛna dia Traduction du monde nouveau ekɔ ekadimwelo kamboleka kahanyema l’andja w’otondo nɛ dia tɔ kambofundama lo tshɛ kana lo tenyi dimɔtshi l’ɛtɛkɛta 37 ndo ndekana kɔpi miliyɔ 100 y’ekadimwelo yambokahanyema. Lo Ngɔndɔ ka Nɛi tayɔsɛdingola bandɛ video ka sato ka l’ɔnɔngɔ wa bandɛ nyɛ yele l’ɔtɛ ɔnɛ: La Bible : une force dans votre vie.

Osambo 64 ndo dɔmbɛlɔ dia ndjihelo.

Lomingu la Ngɔndɔ ka Sato 5

Osambo 81

Min. 5: Waewoyelo.

Min. 18: “Jehowa Mbishaka Nkudu.” Lɔmba ampokami dia vɔ mbuta woho wakokaso kamba l’avɛsa wele lo sawo nɛ.

Min. 22: “Tosambisha Dimɛna l’Ekimanyielo ka Telefɔnɛ.” Oma le omendji w’olimu. Dja ndo awui w’ekeketshelo w’oma lo Tshoto y’Etangelo ya Ngɔndɔ ka Ntondo 1, 2000, lɛkɛ 15, odingɔ 17. Kɔndɔla akambo amɔtshi wakete l’ɛtshi kanyu ka nkɛtɛ wɛnya etombelo w’ɛlɔlɔ w’oma l’esambishelo kɛsɔ. Lo dihole dia sawo nɛ, tshumanelo diele bu la telefɔnɛ lo lɛtshi lawɔ la nkɛtɛ kawosha sawo di’oma lo Tshoto y’Etangelo ya Ngɔndɔ ka Nɛi 1, 1994, lɛkɛ 29, diele l’ɔtɛ ate: “Nyotone Ditakataka.” Diayoshama oma le ekumanyi kɛmɔtshi kakoka. Nde ayɔtɛtɛ l’akambo anɛ: hatokoke sambisha lo wahɔ w’ɛdiɛngɛ lo kɔndɔla awui wakete wele oko ahindo kana mpilo nɛ dia akambo asɔ hawɔtɔnɛ la wetshelo w’etongelo wata dia oseka ɛngɔ tshɛ akatongama lo yoho yatɔ. Ɛkɔndɔ efula wekɔ kashi ndo Akristo hawohombe pandjola ɛkɔndɔ ɛsɔ. Vɔ ndekaka tɛkɛta dikambo di’awui wasala akanga w’alɔka. Oko ɛnyɛlɔ, l’ahole amɔtshi vɔ mbutaka vate akanga w’alɔka wakalongola nkudu ka mamba ndo ɔnɛ vɔ kokaka mpilɔhilɔ kana mpiloya anto akina dilambalamba, nkema kana fudu, mbasha wolo wa nfumbɔ l’otsho dia toshidiya elimu awɔ, sangɔsangɔ, mbɔtɔ kânga lo luudu l’odihami ndo mɛna diangɔ di’okundami. Lembetshiya dia efula l’atei w’awui asɔ bu mɛtɛ koko vɔ ndja oma lo dikanyiyakanyiya diasha wɔma diatahandjɔnɛ etena kataleke anto disanya. Pandjola weho wa ditakataka dia ngasɔ kɛdikɛdi sukɛ wahɔ waki Satana Diabolo ɔnɛ lele she kashi. (Joa. 8:44) Vɔ kotolaka yambalo lo ditshelo dia kɔlɔ diahetawɔma lo washo waki Jehowa. (Euh. 18:​10-12) Diɔ mbishaka anto wɔma la tokanyi t’anyanya. Diakɔ diahatakoke mamba woho wakalake Paulo Akristo: ‘di’aha vɔ mbidja yimba l’awui wa ditakataka.’ (1 Tim. 1:⁠4) Ɛnya di’Okristo tshɛ la dia kitsha mbetawɔ kande le Jehowa ndo mbewɔ ditshelo ndo tokanyi tahɔtɔnɛ l’Afundelo.

Osambo 108 ndo dɔmbɛlɔ dia ndjihelo.

Sala mbɔtwɛlɔ kahakoke kanga minitɛ ɔtɔi ko wɛ ndjeta lo wembola ndo ekadimwelo.