Ekongelo Ka Losanganya L’olimu

Lomingu la Ngɔndɔ k’Enanɛi 13

Osambo 30

Min. 13:Waewoyelo. Waewoyelo w’oma l’Olimu Aso wa Diolelo. Keketsha anto tshɛ dia vɔ ntenda bandɛ vidɛo La Société du Monde Nouveau en action woho wa ndjalɔngɔsɔla l’ɔkɛtshanyelo wa lo Losanganya l’Olimu la lomingu la Ngɔndɔ k’Enanɛi 27. Nyɔkɛtshanya sawo diele l’ɔtɛ a dui ɔnɛ: “Ekongelo ka Losanganya la Lânde la Lushi Ɔtɔi Layaye.” Ewoya datɛ diayosalema losanganya la lânde la lushi ɔtɔi lɔsɔ, ndo keketsha anto tshɛ dia mbɔtɔ lo tenyi diakɔ tshɛ dia losanganya. Keketsha apandjudi dia vɔ mbeta eyoyo ndo anto weka la wɔ Bible.

Min. 17:“Onde Wɛ Nangaka Kamba Efula?”a Dja ndo alako watɔlɔmba dia sambisha efula anto wele lo mbilo kaso watɛkɛta ɔtɛkɛta ɔmɔtshi w’angɛndangɛnda. Naka ekɔ anto amɔthi watɛkɛta ɔtɛkɛta okina wotshikitanyi la wɔnɛ watɛkɛtama lo ngelo kanyu, kete etshumanelo kokaka nɔmba ekanda wa l’ɔtɛkɛta akɔ, ɛnyɛlɔ oko Kiluba, Swahili, Oluba, ndo ɛtɛkɛta ekina. Lo tshena pe sha kɔmatɛrɛ yɔsami oma lo Tshoto y’Etangelo ya Ngɔndɔ ka Samalo 15, 1997, lɛkɛ 26-29.

Min. 15:“Todje Tɔkɛnyɔ lo Dihole Diatɔ.” Ɔnɔmbɔdi wa wekelo wa dibuku ekɔ lo sawola l’atshukanyi ahende l’ɔkɔngɔ wa wekelo. Nde ekɔ lo mbatɛ la ngandji tshɛ dia nde kombaɛna l’olimu w’esambishelo kana lo nsanganya ya lo wikɛndɛ. Atshukanyi wambolembetshiya dia waki l’awui efula wa sala lo yema ya vakashi yakawɔshi. Ekumanyi ambovusola atshina w’awui wele lo sawo diakɔ, lo kimanyiya atshukanyi akɔ dia vɔ mbeya ɔnɛ nshi tshɛ, eyango wa lo nyuma mbahomba mbeta lo dihole dia ntondo. Atshukanyi asɔ wambɛnya woho wambowɔngɛnangɛna waohwelo w’amɛna asɔ. Vɔ wambetawɔ dia lo nshi yayaye, vɔ wayetsha awui woleki ohomba lo dihole dia ntondo.​—⁠Enda, lo Tshoto y’Etangelo ya Ngɔndɔ ka Dikumi 1, 2000, lɛkɛ 28-29.

Osambo 68 ndo dɔmbɛlɔ dia ndjihelo.

Lomingu la Ngɔndɔ k’Enanɛi 20

Osambo 33

Min. 8:Waewoyelo. Alapɔlɔ wa falanga.

Min. 15:“Nyu Nyekɔ ‘Endelu ka wa la Kete’”!b Shila akambo amɔtshi wakatombe lo ngelo kanyu wɛnya woho wakatɛkɛta anto dimɛna lo kɛnɛ kendana l’olimu ndo la dionga di’Ɛmɛnyi wa Jehowa.​—⁠Enda lo Tshoto y’Etangelo ya Ngɔndɔ ka Sato 15, 1998, lɛkɛ 10, ndo ya Ngɔndɔ ka Ntondo 15, 1999, lɛkɛ 32.

Min. 22:“Ekambi Waki Nzambi Wekɔ la Loshilambo.” Ekumanyi kɛmɔtshi ayosha sawo dia minitɛ tshanu l’odingɔ wa 1-5. Oma lâsɔ, ko nde ndjɔkɛtshanya etenyi k’otshikadi ka sawo lo lɔyɛnga nde la ekumanyi kekina l’okambi w’olimu ɔmɔtshi. Watɛkɛtɛ dikambo dia woho wakokaso tshika dionga di’aha mbidjaka anto akina yimba diakoka ndjashimba dia ndjaka lo nsanganya yaso kana mɔnyɔla wahɔ wakondjaso oma lo nsanganya yakɔ. Wɛnya nganɛ wele lɔngɛnyi lele lam’asaso lekɔ mɛtɛ tshondo y’ekeketshelo etena kayakiyanyaso la ngandji dia wahɔ w’anto akina.​—⁠Fil. 2:⁠4.

Osambo 72 ndo dɔmbɛlɔ dia ndjihelo.

Lomingu la Ngɔndɔ k’Enanɛi 27

Osambo 40

Min. 15:Waewoyelo. Ohola apandjudi dia kimɔ alapɔlɔ w’olimu wa Ngɔndɔ k’Enanɛi. Lo tshena pe, sha kanyi ɔtɔi kana tohende lo kɛnɛ kendana la woho wakokaso kahanya dibuku Création l’olimu w’esambishelo lo Ngɔndɔ ka Divwa.​—⁠Enda bɛnyɛlɔ l’Olimu Aso wa Diolelo wa Ngɔndɔ ka Divwa 1996, lɛkɛ 8, ndo wa Ngɔndɔ ka Samalo 1995, lɛkɛ 6.

Min. 10:Onde Dimi Koka Nyanga Ekimanyielo oma lo Wodja Okina? Oma le omendji walɔmbɔla.

Min. 20:“Nyonyomenda nto Ɔkɔndɔ wa La Société du Monde Nouveau en action.” Ɔkɛtshanyelo l’ampokami ndo ɛkɔnya. L’ɔkɔngɔ wa nyu kɛtshanya wembola woshami, kɔnya wanɛ wakende bandɛ kɛnɛ kakatombe ntondo kana wanɛ wakɔtɔ lo nsanganya ya wedja efula ya l’ɛnɔnyi wa 1950. Lɔmbawɔ dia vɔ mbuta awui wakawohɔ lo kɛnɛ kendana la nsanganya shɔ, mbut’ate shɛngiya yakonge layɔ lo lonyuma lawɔ, ndo woho wambowoshikikɛ dia ɔnɛ ekɔ ɔlɔngɔswamelo waki Jehowa. Lo Ngɔndɔ ka Dikumi tayovusola akambo wele lo bandɛ vidɛo Unis grâce à l’enseignement divin.

Osambo 74 ndo dɔmbɛlɔ dia ndjihelo.

Lomingu la Ngɔndɔ ka Divwa 3

Osambo 80

Min. 8:Waewoyelo.

Min. 17:“Onde Diɔtɔnganelo di’Akristo Diekɔ Ohomba?”c Dja ndo kɔmatɛrɛ yele l’ɛse k’ɔtɛ a dui wahɔnyi wata ɔnɛ: “Ekimanyielo k’oma l’Etshumanelo,” wele lo Tshoto y’Etangelo ya Ngɔndɔ ka Ntondo 15, 1996, lɛkɛ 22.

Min. 20 :Etena Kata Onto Ate. Ɔkɛtshanyelo ndo bɛnyɛlɔ. L’olimu w’esambishelo, naka onto ambota dikambo dimɔtshi kana ambonyiya wembola wahatayalɔngɔsɔdi, kete sho pombaka sala la wolo dia mbokadimola lo dihole dia tshikitanya kana komiya sawo diaso. Dibuku Comment raisonner diayotokimanyiyaka mbala efula lo dikambo sɔ. Ɛnya awui amɔtshi waleka mpomana lanyu ndo lɔmba apandjudi wɛnya woho wa kadimola lo wembola lo kamba l’awui wele lo dibuku Comment raisonner. Ɛnyɛlɔ: ‘Dimi kema la mbetawɔ le Nzambi.’ (lɛkɛ 111-112) ‘Lande na kahanyayasha l’elimu wa nɔngɔsɔla tshunda di’anto?’ (lɛkɛ 402-403) ‘Ndoko ohomba wa sɔna ɔtɛmwɛlɔ.’ (lɛkɛ 320) Keketsha anto tshɛ dia kamba la dibuku Comment raisonner etena kahomanawɔ l’akambo wahawatayalɔngɔsɔdi l’esambishelo.

Osambo 121 ndo dɔmbɛlɔ dia ndjihelo.

[Footnotes]