Ekongelo Ka Losanganya L’olimu

Lomingu la Ngɔndɔ ka Ntondo 14

Osambo 3

Min. 10 : Waewoyelo. Waewoyelo w’oma l’Olimu Aso wa Diolelo. Tɛkɛta awui wele lo kiombokombo yele l’ɔtɛ a dui ɔnɛ “Atshunda w’Eyoyo Wambokengama.”

Min. 25: “Mbɔtwɛlɔ ya Kamba Layɔ l’Olimu w’Esambishelo.” Ɔkɛtshanyelo l’ampokami oma le omendji w’olimu. Dikatshi di’okotsha nɛ diekɔ la mbɔtwɛlɔ yɔsami oma lo numɛlɔ y’edjedja y’Olimu Aso wa Diolelo, kamɛ ndo mbɔtwɛlɔ mɔtshi y’eyoyo. Nyu mbeyaka kamba l’ahole wahatafundji ndoko ɛngɔ dia funda alako akina wayotoyɛna l’ɔkɔngɔ ndo wayɛnama dia wekɔ lo mbisha etombelo w’amɛna l’ɛtshi kanyu ka nkɛtɛ. Lɔmba ampokami dia vɔ mbuta mbɔtwɛlɔ yakɔna yalekawɔ ngɛnangɛna ndo lande na. Ɛnya mbɔtwɛlɔ ɔtɔi kana hiende yakoka kamba lanyu dimɛna l’ekimanyielo k’ekanda wayotokahɛ anto lo Ngɔngɔ ka Hende. Keketsha apandjudi tshɛ dia momba dikatshi di’okotsha nɛ ndo mbokaka sso lɔkɔ lam’ayalɔngɔsɔlawɔ otsha l’esambishelo.

Min. 10: “Woho wa Mbisha Anto Periodikɛ.” Bɛnyɛlɔ woho wa mbisha anto Tshoto y’Etangelo ya Ngɔndɔ ka Ntondo 15 la Réveillez-vous ! wa Ngɔndɔ ka Ntondo 22. Keketsha apandjudi tshɛ dia vɔ sukɛ Lushi l’Okahanyelo wa Periodikɛ.

Osambo 55 ndo dɔmbɛlɔ dia ndjihelo.

Lomingu la Ngɔndɔ ka Ntondo 21

Osambo 104

Min. 10: Waewoyelo. Alapɔlɔ wa falanga.Tɛkɛta awui wele lo kiombokombo yele l’ɔtɛ a dui ɔnɛ ‘Kitshaka Yangɔ Mɔtshi l’Omamu.’

Min. 13: Onde Nyu Sɛdingolaka Afundelo Lushi la Lushi? Ɔkɛtshanyelo l’asa ase nkumbo. Dia nyomoleka kondja wahɔ oma l’ɔkɛtshanyelo awɔ wa divɛsa dia lushi la lushi, vɔ wekɔ lo sɛdingola awui wele lo Tshoto y’Etangelo ya Ngɔndɔ ka Ntondo 1, 1997, lɛkɛ 12, odingɔ 13-14. Vɔ wekɔ lo vusola lo tshena pe avɛsa ahende kana asawo wahawatasɛdingola edja, ndo wekɔ lo mɛnya woho wele akambo akɔ waki ohomba efula. Tɛtɛɛ dia ɔsɛdingwelo w’Afundelo wa lushi la lushi pombaka monga etenyi kɛmɔtshi k’ekongelo ka wekelo wa lo nkumbo wa mbala la mbala wele l’oyango wa mbetsha ase nkumbo nge lo nyuma.

Min. 22: “Totetemale Mbidja Diolelo lo Dihole dia Ntondo.”a Dja ndo wembola ɛmɔtshi engana oma l’awui w’ohomba w’oma lo Tshoto y’Etangelo ya Ngɔndɔ ka Divwa 1, 1998, lɛkɛ 19-21.

Osambo 168 ndo dɔmbɛlɔ dia ndjihelo.

Lomingu la Ngɔndɔ ka Ntondo 28

Osambo 196

Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Ntondo. Lo kamba l’alako wele lo lɛkɛ 8, sala bɛnyɛlɔ dihende dia tomondo woho wa mbisha anto periodikɛ, kɛmɔtshi l’ekimanyelo ka Tshoto y’Etangelo ya Ngɔndɔ ka Hende 1 ndo kekina l’ekimanyelo ka Réveillez-vous ! wa Ngɔndɔ ka Hende 8. Ewoya ekanda wayotosha anto lo Ngɔndɔ ka Hende, lo tɛtɛɛ l’abuku watanema lo eombelo k’etshumanelo.

Min. 20: “Ambutshi​—⁠Nyolakanya Ananyu oma ko Tɔkɛndakɛnda.”b Dja ndo kɔmatɛrɛ y’oma lo Tshoto y’Etangelo ya Ngɔndɔ ka Nɛi 15, 1998, lɛkɛ 32. Lɔmba ambutshi dia vɔ mbuta etombelo w’ɔlɔlɔ wambowokondja lo tatɛ ndakanya anawɔ oma ko tɔkɛndakɛnda.

Min. 15: Ehomba wa l’etshumanelo. Lɔmba apandjudi dia vɔ mbuta kɛnɛ kakawɛnyi lo kamba la dibuku Comment raisonner, lo mbisha anto tobukubuku tɔmɔtshi dia kadimola lo wembola awɔ, kana lo mbisha esambelo k’oma l’Afundelo l’ekimanyielo ka biukubuku Etena Kavɔ Onto Ɔmɔtshi Lalangayɛ. Kana wasale oko kɛnyɔ ya tɔjɛstɛ lo ɛnyɛlɔ ɔtɔi kana dihende.

Osambo 202 ndo dɔmbɛlɔ dia ndjihelo.

Lomingu la Ngɔndɔ ka Hende 4

Osambo 212

Min. 8: Waewoyelo.

Min. 17: “Ngande Wayowoka?”c Lɔmba ampokami dia vɔ mbuta nganɛ wakambawɔ l’Afundelo. Dja ndo wembola w’oma lo Tshoto y’Etangelo ya Ngɔndɔ k’Enanɛi 15, 1998, odingɔ 17-18, lɛkɛ 18.

Min. 20: Dako oma l’ekumanyi kɛmɔtshi kakoka kayɔtɛkɛta dia tɛdikɔ takɔsama dia kimanyiya anangɛso dia vɔ mbɔsa tɛdikɔ tendana l’esakelo, ɛnyɛlɔ kartɛ ka Instructions médicales ndo asawo “Wembola w’oma le Ambadi” wa lo Tshoto y’Etangelo ya Ngɔndɔ k’Esambele 1 la Ngɔndɔ ka Dikumi l’Ɔtɔi 1, 2000. Etshumanelo pombaka monga l’ekanda k’ɔlɔlɔ ka kartɛ Instructions médicales. Apandjudi wambobatizama wayokoka nongola kartɛ kɛnɛ l’ɔkɔngɔ wa losanganya la la dikɔlɔ nɛ, koko aha kilodja la dikɔlɔ diakɔ. Kartɛ kɛsɔ pombaka ndodjama ndo ndjodjama tosinyatirɛ oma le anto tshɛ wendana la dikambo sɔ paka l’ɔkɔngɔ wa Wekelo wa Dibuku wa l’Etshumanelo wa lomingu layela, l’ekimanyelo k’ɔnɔmbɔdi wa wekelo wa dibuku naka ekɔ ohomba. Wanɛ wasinya oko ɛmɛnyi la dia mɛna la washo awɔ woho wasinya kanga kartɛ. Apandjudi wahatabatizama koka funda awui awɔ hita ndo wendana l’anawɔ ko mbaɔtɔnganyiya la kartɛ kɛnɛ la eongelo kawɔ ndo la dietawɔ diawɔ vamɛ. Tɛtɛ di’ekɔ ɔlɔlɔ tɔshi tɛdikɔ la ntondo lo kɛnɛ kendana l’esakelo, tɛdikɔ tɔtɔnɛ la nkum’otema kekiyami oma lo Bible. (Tuk. 27:12; 14:15) Ekɔ ohomba tasawudi ntondo l’aseka enganga dia mbaewoya hwe kɛnɛ kakokaso mbetawɔ kana bu lo kɛnɛ kendana l’esakelo ndo l’ekanga. Wekelo w’ɔlɔlɔ w’onto ndamɛ wekɔ ohomba di’onto mbɔsa tɛdikɔ t’amɛna. Nyadia edingɔ ɛmɔtshi wasungana lo asawo wa lo Tshoto y’Etangelo yɔtɛkɛtami la diko. Dikumanyi koka kimanyiya anangɛso, koko aha mbɔsa tɛdikɔ lo dihole diawɔ. Nyolembetshiya toho totshikitanyi takoka anangɛso funda lofunda tɛdikɔ tɔshiwɔ.

Osambo 224 ndo dɔmbɛlɔ dia ndjihelo.

[Nɔte ka l’ɛse ka dikatshi]