Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 7, 15

MBEWOYAKA DIOLELO DIAKI JEHOWA

“Onde wɛ fɔnyaka dia dilanya di’atshi w’akambo wa kɔlɔ ele ntshɔ otsha l’ifɛrnɔ? [Tshikande akadimole.] Bible mɛnyaka hwe dilanya diahomba nongola atshi w’akambo wa kɔlɔ. [Adia Romo 6:23a.] Onde lâsɔ, ifɛrnɔ ekɔ dihole diahɛnyahɛnyama anto lo dja? Onde vɔ wekɔ tsho eongelo k’onto lambokakitɔna la Nzambi? Periodikɛ kɛnɛ mbishaka ekadimwelo w’oma l’Afundelo lo wembola ɛsɔ.”

Réveillez-vous! Ngɔ. ka 7, 22

“Anto efula mbɔsaka owale oko kɛnyɔ y’ɔlɔlɔ ya lo ngelo ya mbetshaka wenya. Anto akina mbetawɔka dia mbala efula yɔ salɛka nkumbo ndo tshunda kɔlɔ. Réveillez-vous! ɔnɛ sɛdingolaka awui wendana la kɛnyɔ y’owale l’ekimanyielo k’eyango weke kasalema. Wɛ lawɔ mbeyaka ngɛnangɛna dia mbadia kɛnɛ kata atɔndɔ wa lo Bible lo dikambo diakɔ.” Ɛnyɛlɔ, tadia 1 Timote 6:⁠10.

Tshoto y’Etangelo Ngɔ. ka 8, 1

MBEWOYAKA DIOLELO DIAKI JEHOWA

“Anto efula mbɔsaka dikanyiyakanyiya ndo awui w’ashidi oko awui wa tɔkɛnyɔ. [Ɛnyande dikambo ɔtɔi kana akambo ahende oma lo kiombo yele lo lɛkɛ 5.] Onde ndoko lushi lakayakane yimba lo kɛnɛ kendana la tokanyi ta ngasɔ? [L’ɔkɔngɔ w’okadimwelo ande, adia 2 Koreto 11:14.] Periodikɛ kɛnɛ mɛnyaka woho wɔsa Bible awui wa dikanyiyakanyiya.”

Réveillez-vous! Ngɔ. ka 8, 8

“Anto efula wekɔ lo ndjakiyanya heyama lo menda woho wataleke fulanɛ awui wa ngala ndo wa dengalenga. Ondo wɛ mbetawɔka ɛtɛkɛta wa l’Undaki 8:⁠9. [Adia ndo tshikande akadimole.] Réveillez-vous! ɔnɛ mɛnyaka wetshelo wakokaso kondja oma l’awui wambetaka ndo woho wayanga komɛ ɛlɔmbwɛlɔ ka ngasɔ kema edja.”