Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 4, 15

MBEWOYAKA DIOLELO DIAKI JEHOWA

“L’ɛnɔnyi weke ka mbeta ɛnɛ, anto efula wakɛnyi okitekitelo wa nɛmɔ di’awui wa lo nyuma. Onde wɛ akɛnyi dikambo sɔ? [Tshikande akadimole. Oma lasɔ ko wɛ mbadia Osambu 119:105.] Awui wa lo nyuma koka kimanyiya anto dia mbewɔ tolonga efula ta lo lɔsɛnɔ. Periodikɛ kɛnɛ mɛnyaka lɛnɛ okokiso tana awui wa mɛtɛ wa lo nyuma.”

Réveillez-vous! Ngɔ. ka 4, 22

“L’andja ɔnɛ watete akambo esadi esadi, anto efula ndjambolaka dia mbeya kana ndo ana mbatole vɔ lawɔ esadi esadi. Onde dikambo sɔ mendanaka la yɛ? [Tshikande akadimole. Oma lasɔ ko wɛ mbadia Undaki 3:​1, 4.] Nshi yeke onto dikɛnda kema etena ka nde mɛmba wetsho wɛmba dikumanyi. Awui wele lo Réveillez-vous! ɔnɛ nembetshiyaka woho wakoka ambutshi kokɛ ana awɔ lo nshi yekewɔ akɛnda.”

Tshoto y’Etangelo Ngɔ. ka 5, 1

MBEWOYAKA DIOLELO DIAKI JEHOWA

“Ekɔ wembola ɛmɔtshi waheka anto dia tana okadimwelo. Tende ɛnyɛlɔ kɛnɛ. [Adia Jobo 21:⁠7.] Onde ndoko lushi lakayonge la wombola ɔmɔtshi wa mumbola Nzambi? [Tshikande akadimole.] Periodikɛ kɛnɛ nembetshiyaka woho wakakondja anto wa l’andja w’otondo ekadimwelo w’amɛna lo wembola esato woleki ohomba lo lɔsɛnɔ.”

Réveillez-vous! Ngɔ. ka 5, 8

“Anto efula l’atei aso mbeyaka onto ɔmɔtshi latata hemɔ ka diabɛtɛ. Onde wɛ mbeyaka akambo efula lo kɛnɛ kendana la hemɔ kɛsɔ? [Ɛnyande lohoso la periodikɛ kɛnɛ, ndo tshikande akadimole.] Periodikɛ kɛnɛ mɛnyaka tɔkɔkɔ ndo osakelo wa hemɔ ka diabɛtɛ. Tɔ nembetshiyaka nto daka dia lo Bible diendana l’ɛkɔnwɛlɔ ka pondjo ka wa hemɔ tshɛ.” Kumiya la wadielo wa Isaya 33:⁠24.