Ekongelo Ka Losanganya L’olimu

Lomingu la Ngɔndɔ k’Esambele 12

Osambo  108

Min. 12: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ 4, ɛnya woho wa mbisha anto Tshoto y’Etangelo ya Ngɔndɔ k’Esambele 15 ndo Réveillez-vous ! wa Ngɔndɔ k’Esambele 22.# Lo wɛnyɛlɔ ɔmɔtshi, ɛnya woho wa mbisha onto lahatɛkɛta ɔtɛkɛta anyu dimɛna periodikɛ lo shinga.

Min. 18: “Tokoya Losembwe Laki Jehowa.”a Naka wonya wekekɔ, lɔmba ampokami dia vɔ nembetshiya avɛsa woshilami.

Min. 15: Bible Ekɔ Dibuku Diele la Prɔfɛsiya ya Shikaa. Sawo ndo ɔkɛtshanyelo l’ampokami, diɔ mbɔsama oma lo biukubuku Un livre pour tous, lɛkɛ 27-29. L’olimu aso, sho pomanaka mbala efula l’anto wayakiyanya lo dikambo dia nshi yayaye. Bible mbewoyaka awui wa shikaa wɛnya di’anto wele l’okitanyiya wayonga la nshi yayaye ya dimɛna efula. Nyɔsɛdingole prɔfɛsiya mɔtshi ya lo Bible yakeketsha wɛkamu aso lo prɔfɛsiya ya lo Bible yendana la nshi yayaye. Lɔmba opandjudi ɔmɔtshi dia mɛnya lo tshena pe woho wakokaso kamba l’awui wa lo Bible dia kimanyiya onto layasha l’akambo wa mɛtɛ dia pamia wɛkamu ande lo Bible.

Osambo 16 ndo dɔmbɛlɔ dia ndjihelo.

Lomingu la Ngɔndɔ k’Esambele 19

Osambo 83

Min. 10: Waewoyelo. Nyɔkɛtshanya ohomba wa monga l’ekongelo ka wadielo wa Bible wa mbala la mbala. Dja ndo kɔmatɛrɛ ya lo Tshoto y’Etangelo ya Ngɔndɔ k’Enanɛi 15, 2000, lɛkɛ 32.

Min.15: Ehomba wa l’Etshumanelo.

Min. 20: “Tɔlɔmbɔlɛ Wekelo wa Bible Watahame​—⁠Etenyi 1.” Sawo diayoshama oma le omendji w’olimu. Lɔmba ampokami dia vɔ nembetshiya awui wele lo dibuku Prédicateurs, lɛkɛ 572-574, lo mɛnya woho wakayasalemaka olimu wa mbeka l’anto Bible lo tena diaso nɛ. Lomialomia nsaki k’anto l’asawo wa woho ɔnɛ wa mbala kayaye. L’atei w’awui wayɔsɛdingwama mbele ndo awui anɛ: woho wa ndjalɔngɔsɔla dia nɔmbɔla wekelo, woho wa kimanyiya ombeki dia nde nɔngɔsɔlaka wekelo, akambo angana wahomba sɛdingwamaka lo wekelo, woho wa kamba l’avɛsa dimɛna, woho wakadimola wembola w’ombeki, woho wa mbɔtshiya dɔmbɛlɔ ndo woho wa nɔmbɔla ombeki oya l’ɔlɔngɔswamelo waki Jehowa. Keketsha anto tshɛ dia ndjela alako woshami ndo nama asawo anɛ dia ndjokambaka la wɔ lo nshi yayaye.

Osambo 10 ndo dɔmbɛlɔ dia ndjihelo.

Lomingu la Ngɔndɔ k’Esambele 26

Osambo  216

Min. 12: Waewoyelo. Alapɔlɔ wa falanga. Ohola apandjudi dia kimɔ alapɔlɔ awɔ w’olimu wa Ngɔndɔ k’Esambele. Lo kamba l’alako wa lo lɛkɛ 4, ɛnya woho wa mbisha anto Tshoto y’Etangelo ya Ngɔndɔ k’Enanɛi 1 ndo Réveillez-vous ! wa Ngɔndɔ k’Enanɛi 8.# Lo wɛnyɛlɔ tshɛ, ɛnya woho wa mbekola wekamu naka onto ambolanga kumiya sawo lo mbuta ɔnɛ: “Lande na kayâyanyu le anto mbala la mbala na?”​—⁠Enda lo biukubuku Woho wa Tatɛ ndo Tetemala, lɛkɛ 12.

Min. 8: “ ‘Ofundelo w’Oshika w’Ɛtɛkɛta w’Akambo wa Mɛtɛ.’ ” Ayoshama oma le ekumanyi kɛmɔtshi. Nyadia ndo nyɔkɛtshanya sawo di’otondo.

Min. 25: “Woho wa Sambisha lo Mbilo k’Amundji w’Okanda.”b Ta tɛdikɔ tambɔsama l’etshumanelo dia sambisha lo mbilo k’amundji w’okanda. Ɛnya lo tshena pe wɛnyɛlɔ ehende l’odingɔ 4-5 kana wɛnyɛlɔ okina wakonge l’etombelo w’ɔlɔlɔ l’etshumanelo kanyu. Naka wonya wekekɔ, kete lɔmba ampokami dia vɔ mbuta etombelo ɛmɔtshi wakawakondja lo sambisha lo mbilo k’amundji w’okanda.

Osambo 173 ndo dɔmbɛlɔ dia ndjihelo.

Lomingu la Ngɔndɔ k’Enanɛi 2

Osambo 60

Min. 8: Waewoyelo.

Min. 22: Onde Wɛ Mbishaka Ɛkɔkɔ? Sawo ndo ɔkɛtshanyelo l’ampokami, diɔ mbɔsama oma lo dibuku Kalasa k’Olimu, lɛkɛ 254, odingɔ 1-2. Etena kalembetshiyaso ndo kɛnyaso woho wa kamba l’avɛsa l’olimu aso kana lo lɔyɛnga, wetshelo aso wayonga l’etombelo w’ɔlɔlɔ naka sho mbishaka ɛkɔkɔ wendana la kɛnɛ kataso lo dihole dia mbutaka tsho ɔnɛ awui watami asɔ ngasɔ mbewɔ. Lo kamba la bɛnyɛlɔ di’oma lo dibuku Comment raisonner kana abuku akina wasungana lo mbilo kanyu, ɛnya woho wa (1) sɔtɔla ndo nembetshiya ditelo di’ohomba dia lo divɛsa, (2) ɛnya tolembetelo tasukɛ kɛnɛ katayɛ lo ndjela kɛnɛ kotami l’etenyi kele divɛsa diakɔ kana oma lo divɛsa dikina diɔtɔnɛ la dui diatɛkɛtayɛ, (3) kamba l’ɛnyɛlɔ kɛmɔtshi dia mɛnya di’awui wakayatshi wekɔ mɛtɛ, ndo (4) kamba la wembola dia kimanyiya ampokami dia vɔ shihodia ɔkɔkɔ wa dui sɔ. Tɛtɛɛ l’ohomba wa mbeya kanaka l’anto yimba.

Min. 15: Awui Wendana la mbilo kanyu. Lɔmba ampokami dia vɔ mbuta awui wakeketsha wendana la wɔtwɛlɔ wa lo losanganya la distrikɛ, olimu w’ombatshi mboka wa tshanda, kana okambelo w’elimu ekina wa lo nyuma wele atete edja.

Osambo 32 ndo dɔmbɛlɔ dia ndjihelo.

[Nɔte ka l’ɛse ka dikatshi]

# Lam’alanganyu, nyokambe l’alako w’oma lo numɛlɔ ya komelo ya periodikɛ yele lanyu.