Ekongelo Ka Losanganya L’olimu

Lomingu la Ngɔndɔ k’Enanɛi 9

Osambo 57

Min. 10: Waewoyelo. Waewoyelo w’oma l’Olimu Aso wa Diolelo. Naka alako wa lo lɛkɛ 8 wekɔ ohomba l’ɛtshi ka nkɛtɛ k’etshumanelo kanyu, kete nyokambe lawɔ dia mɛnya woho wa mbisha anto Tshoto y’Etangelo ya Ngɔndɔ k’Enanɛi 15 ndo Réveillez-vous! wa Ngɔndɔ k’Enanɛi 22. Nyu koka kamba la wɛnyɛlɔ ekina. Tɛkɛta ndo dia yɛdikɔ yendana la weshasha. Ohola ampokami dia vɔ mbela kɔpi yawɔ ya biukubuku Katɔlɔmba lomingu layaye.

Min. 15: “Etetemalo Kekɔ la Difuto.”a Tɛkɛta lo tshena pe awui wa lo Tshoto y’Etangelo ya Ngɔndɔ ka Ntondo 1, 2001 lɛkɛ 15-16, odingɔ 15-18, l’Ɔtɛtɛla.

Min. 20: Tokambe la Traktɛ dia Tatɛ Mbeka l’Anto Bible. Sawo ndo ɔkɛtshanyelo l’ampokami diɔsami oma l’Olimu Aso wa Diolelo wa Ngɔndɔ k’Enanɛi 2002, lɛkɛ 7-8. Ɛnya dia sho mbetawɔka tshikitanya lo ndjela ehomba w’ombeki tshɛ, oko wɛnyamidiɔ l’odingɔ 5. Dja ndo wɛnyɛlɔ ɔtɔi kana ehende wa tshena pe wɔsami oma l’odingɔ 8-10. Naka wɛnyɛlɔ okina wɔtɔnganɛ dimɛna l’ɛtshi kanyu ka nkɛtɛ wekɔ, kete lembetshiya ndo ɛnya woho wahombawɔ salema. Lɔmba ampokami dia vɔ mbuta kɛnɛ kakawɛnyi lo kamba la traktɛ Aimeriez-vous en savoir plus sur la Bible ?

Osambo 74 ndo dɔmbɛlɔ dia ndjihelo.

Lomingu la Ngɔndɔ k’Enanɛi 16

Osambo  189

Min. 10: Waewoyelo.

Min. 15: Kɔkɔmiya Akambo Mɛtɛ l’Otema w’Anayɛ. Sawo diɔsami oma lo dibuku Sheke y’Ɔngɛnɔngɛnɔ wa lo Nkumbo, lɛkɛ 55-59. Nyɔkɛtshanya toho tɔnɛi takoka ambutshi kimanyiya anawɔ dia monga la diokanelo di’ɔlɔlɔ lam’asawɔ la Jehowa ndo ɛnya ohomba w’awui akɔ.

Min. 20: “Tɔlɔmbɔlɛ Wekelo wa Bible Watahame​—⁠Etenyi ka 2.”b Dja ndo wɛnyɛlɔ ɔtɔi wa minitɛ tshanu. Opandjudi ɔmɔtshi ambole ekumanyi woho wakokande kimanyiya ombeki wa Bible dia nde pama. Ekumanyi ambota dia munga kele l’anto efula ele wekelo awɔ mbɔsaka wenya efula lo kɛtshanya awui wele bu ohomba efula. Lo kamba la wekelo 9 wa lo biukubuku Katɔlɔmba nde ambɛnya opandjudi woho wa (1) mbika epole ɔsɛkɛ l’awui woleki ohomba wa lo sawo, (2) kamba l’avɛsa woshilami dimɛna, ndo (3) woho wa mbɔtɔnganyiya wekelo l’ehomba w’ombeki. Nde ambowotɛ dia ekɔ ohomba ndjalɔngɔsɔlaka dimɛna mbala tshɛ kekaso l’onto Bible.

Osambo 85 ndo dɔmbɛlɔ dia ndjihelo.

Lomingu la Ngɔndɔ k’Enanɛi 23

Osambo 33

Min. 15: Waewoyelo. Alapɔlɔ wa falanga. Ɛnya woho wa mbisha anto Tshoto y’Etangelo ya Ngɔndɔ ka Divwa 1 ndo Réveillez-vous! wa Ngɔndɔ ka Divwa 8. Lo wɛnyɛlɔ ɔmɔtshi, ɛnya woho wa sambisha ombetsha ɔmɔtshi.

Min. 10: “Yɛdikɔ y’Oyoyo Yendana l’Ovuswelo w’Awui Wakatama lo Nsanganya ya Weke.” Sawo ndo ɔkɛtshanyelo l’ampokami diele lo lɛkɛ 4. Ewoya adatɛ wayosalema losanganya l’otshimbedi ndo la lânde la lushi ɔtɔi layaye naka wɛ ekɔ l’adatɛ akɔ. Wanɛ tshɛ walanga batizama pombaka tewoyisha omendji-walɔmbɔla la ntondo.

Min. 20: Tokambe la dibuku Ewo dia tatɛ mbeka l’anto Bible. Lo Ngɔndɔ ka Divwa tayokahɛ anto dibuku nɛ ndo tayodja welo dia tatɛ mbeka l’anto Bible. Lo tshena pe, kɔndɔla awui wa l’Olimu Aso wa Diolelo wa Ngɔndɔ ka Divwa 1998, lɛkɛ 4, odingɔ 8. Naka onto ɔmɔtshi ambotatɛ mbeka dibuku Ewo atete edja, kete ɛnya lo kɛnyɔ ya lo tɔjɛstɛ woho wakasalema wekelo ɔsɔ. Ohola anto tshɛ alako wata ɔnɛ: “Woho wa Mbisha Anto Dibuku Ewo,” wa lo dikatshi di’okotsha di’Olimu Aso wa Diolelo wa Ngɔndɔ ka Ntondo 2002. Lo kamba la dibuku diakɔ, sala wɛnyɛlɔ ɔmɔtshi wele lo lɛkɛ 6 wa dikatshi di’okotsha l’ɔtɛ a dui wata ɔnɛ: “Woho wa Mbeka l’Onto Mbala Kakɔ Ɔtɔi.”

Osambo 220 ndo dɔmbɛlɔ dia ndjihelo.

Lomingu la Ngɔndɔ k’Enanɛi 30

Osambo 90

Min. 10: Waewoyelo. Ohola apandjudi dia vɔ kimɔ alapɔlɔ wa Ngɔndɔ k’Enanɛi.

Min. 15: “Kalasa k’Olowanyelo w’Ekambi​—⁠Soko dia Woke Diambodihwama dia Tsha Olimu.” Sawo ndo ɔkɛtshanyelo l’ampokami. Dja ndo kɔmatɛrɛ ya l’Annuaire 2004 lɛkɛ 239-240. Ewoya dia lo losanganya l’otshimbedi, wanɛ tshɛ walanga mbɔtɔ lo Kalasa k’Olowanyelo w’Ekambi wayonga la losanganya. Keketsha wanɛ tshɛ wakoka dia vɔ mbɔtɔ lo losanganya lɔsɔ.

Min. 20: Onde Wɛ Akakondja Wahɔ? Ɔkɛtshanyelo l’ampokami. Vusola alako wayela anɛ wakatombe l’Olimu Aso wa Diolelo l’ɔnɔnyi w’olimu wetshi: Funda mbɔtwɛlɔ kɛmɔtshi lo kiatshikatshi mɔtshi. (km 10/03 lɛkɛ 8) Andolaka onto l’onto ndo oma k’ɛse otema. (km 11/03 lɛkɛ 1) Tosambishake wonya waleka tanema anto lawakawɔ. (km 12/03 lɛkɛ 1) Toyaombe etena dia mbadiaka Bible, nɔngɔsɔlaka nsanganya ndo di’olimu w’esambishelo. (km 1/04 lɛkɛ 4) Tokambe la biukubuku ‘ Bon pays ‘ lam’asalaso wekelo w’onto ndamɛ kana wadiaso Bible. (km 3/04 lɛkɛ 2) Toyadje oyango wa mbadia Bible k’otondo. (km 4/04 lɛkɛ 1) Tosambisha lo bɛtshi dia nkɛtɛ di’amundji w’okanda. (km 7/04 lɛkɛ 4) Tokambe la traktɛ dia tatɛ mbeka l’anto Bible. (km 8/04 lɛkɛ 2) Lɔmba ampokami dia vɔ mbuta ɛtshɔkɔ wambowokondja lo kamba l’alako asɔ.

Osambo 145 ndo dɔmbɛlɔ dia ndjihelo.

Lomingu la Ngɔndɔ ka Divwa 6

Osambo  197

Min.5: Waewoyelo.

Min. 15: Ehomba wa l’etshumanelo.

Min. 25: “Tɔkɛnɛmɔlɛ Yimba y’Ombatshi Mboka.”c Kɔnya lo tshena pe ombatshi mboka ɔtɔi kana ahende. Lɔmbawɔ dia vɔ mbuta woho wakâkeketsha ɛnyɛlɔ k’ambutshi, ka dikumanyi kana k’anto akina dia vɔ kamba olimu wa lo tena tshɛ.

Osambo 142 ndo dɔmbɛlɔ dia ndjihelo.

[Nɔte ka l’ɛse ka dikatshi]