Ekongelo Ka Losanganya L’olimu

Lomingu la Ngɔndɔ ka Divwa 13

Osambo 43

Min. 12: Waewoyelo. Waewoyelo w’oma l’Olimu Aso wa Diolelo. Naka alako wa lo lɛkɛ 4 sunganaka l’ɛtshi ka nkɛtɛ k’etshumanelo kanyu, kete kamba lawɔ dia mɛnya woho wa mbisha anto Tshoto y’Etangelo ya Ngɔndɔ ka Divwa 15 ndo Réveillez-vous! wa Ngɔndɔ ka Divwa 22. Nyu kokaka kamba la mbɔtwɛlɔ ya weho ekina. L’ɔkɔngɔ wa wɛnyɛlɔ tshɛ, tɔtɔmiya lo tshena pe dui dimɔtshi di’ohomba diendana la wɛnyɛlɔ akɔ.

Min. 15: “Lamaka Sso Diayɛ Ɔsɛlɛngɛ.”a Kamba la wembola wele lɔkɔ. Naka etena kekɔ, tɔtɔmiya avɛsa woshilami.

Min. 18: Anto Wɛnyi Etsha Aso w’Ɔlɔlɔ. (1 Pet. 2:12) Dako ndo ɔkɛtshanyelo l’ampokami. Diɔ mbɔsama oma lo Tshoto y’Etangelo ya Ngɔndɔ ka Dikumi l’Ɔtɔi 2002, lɛkɛ 22-24, odingɔ 14-20. Lɔmba ampokami dia vɔ mbuta shɛngiya y’ɔlɔlɔ yakonge la etsha aso w’ɔlɔlɔ le anto wa l’ɛtshi kaso ka nkɛtɛ.

Osambo 162 ndo dɔmbɛlɔ dia ndjihelo.

Lomingu la Ngɔndɔ ka Divwa 20

Osambo 88

Min. 10: Waewoyelo. Vusola awui w’ohomba wa lo mukanda w’oma le filialɛ, wele lo lɛkɛ la ntondo l’Olimu Aso wa Diolelo ɔnɛ. Keketsha anto tshɛ dia mbadia Walelu 16:​1-35 oma lâsɔ ko vɔ menda bandɛ vidɛo kele l’ɔtɛ a dui ɔnɛ: Respect Jehovah’s Authority dia ndjalɔngɔsɔla dikambo dia Losanganya l’Olimu la lomingu la Ngɔndɔ ka Dikumi 4.

Min. 15: Kakɔna Kakatasale Ɔnɔnyi Wetshi? Sawo oma le ekumanyi kɛmɔtshi. Diɔ mbɔsama oma lo alapɔlɔ w’etshumanelo w’ɔnɔnyi 2004. Ka epole ɔsɛkɛ l’awui wakeketsha wa l’alapɔlɔ ndo andola etshumanelo lo akambo w’ɛlɔlɔ wakawasale. Ka epole ɔsɛkɛ l’olimu wetete w’ambatshi mboka. Ta dikambo ɔtɔi kana akambo ahende wakoka etshumanelo mbidja yambalo efula lɔkɔ ɔnɔnyi wayaye.

Min. 20: Totetemale lo Elimu w’Ɔlɔlɔ. (Ngal. 6:10) Kɔnya ambatshi mboka wa pondjo asato kana ahende kana apandjudi wakamba oko ambatshi mboka wa tshanda mbala la mbala. Naa wekamu wakahomana lawɔ l’olimu wakambɛwɔ Jehowa ndo ngande wakawatondoya? Kakɔna kakâkimanyiya dia vɔ tetemala salɛ anto akina ɔlɔlɔ? Ngande wele welo wakawadje l’olimu w’Okristo akonge la wahɔ le wɔ ndo le anto akina? Naka kokaka, dja ndo kɔmatɛrɛ yendana la kɛnɛ kakasalema l’etshumanelo kanyu dia mbewoya anto watɛkɛta ɛtɛkɛta ekina lokumu l’ɔlɔlɔ. Andola anto tshɛ l’ɔtɛ wa ‘olimu awɔ wa kɔlamelo, wa ngandji ndo etetemalelo kawɔ.’​—⁠1 Tes. 1:​2, 3.

Osambo 103 ndo dɔmbɛlɔ dia ndjihelo.

Lomingu la Ngɔndɔ ka Divwa 27

Osambo  221

Min. 15: Waewoyelo. Alapɔlɔ wa falanga. Ohola apandjudi dia kimɔ alapɔlɔ awɔ wa Ngɔndɔ ka Divwa. Ɛnya woho wakokaso ndɛkɛ anto Tshoto y’Etangelo ya Ngɔndɔ ka Dikumi 1 ndo Réveillez-vous! wa Ngɔndɔ ka Dikumi 8.

Min. 10: Ɔtɛkɛta wa Jehowa Wekɔ la Lɔsɛnɔ. Sawo. Dia tokimanyiya woho wa sho kondja wahɔ oma lo ekongelo ka wadielo wa Bible wa lomingu tshɛ wa lo Kalasa k’Olimu wa Teokrasi, ɔnɔngɔ w’asawo wele l’ɔtɛ a dui ɔnɛ: “Ɔtɛkɛta wa Jehowa Wekɔ la Lɔsɛnɔ” wakamɛ tomba lo numɛro mɔtshi ya Tshoto y’Etangelo. Kamba la Tshoto y’Etangelo ya Ngɔndɔ ka Dikumi 1, 2004, lɛkɛ 8-11 dia tɛkɛta dia weho w’asawo asɔ. L’ɔkɔngɔ w’ɔsɛdingwelo wa lo tshena pe wa kɛnɛ kotami, etenyi kele l’ɔtɛ a dui ɔnɛ: “Ekadimwelo lo Wembola w’oma l’Afundelo” mbishaka olembetshiyelo w’avɛsa amɔtshi wa wolo wa l’Afundelo. Kɔmatɛrɛ yele l’ɛse k’etenyi kata ɔnɛ: “Wetshelo le So” kotolaka yambalo l’ohomba w’awui wɔtɛkɛtshiwɔ lo wadielo. Sɛdingola bɛnyɛlɔ dingana dia shikaa dia mɛnya woho wayotokimanyiya ɔnɔngɔ w’asawo asɔ dia monga l’eokelo k’efula k’Ɔtɛkɛta waki Nzambi. Keketsha anto tshɛ dia vɔ kamba dimɛna l’ekongelo k’oyoyo kɛsɔ lam’ayowotatɛ mbadia dibuku dia Euhwelu k’Elembe lomingu layaye.

Min. 20: “Tokambe la Bible Dimɛna.”b Kamba la wembola wele lɔkɔ. Lo ɛtɛkɛta ayɛ wa mbɔtwɛlɔ, kamba l’awui wele lo dibuku Kalasa k’Olimu, lɛkɛ 145, odingɔ 2-3. Dja ndo wɛnyɛlɔ ehende wa lo tshena pe, ɔmɔtshi wendane la woho wa sawola l’onto mbala ka ntondo ndo okina wendana la wendelo w’oyoyo, wɛnya woho wa kamba l’alako wakashama.

Osambo 38 ndo dɔmbɛlɔ dia ndjihelo.

Lomingu la Ngɔndɔ ka Dikumi 4

Osambo 5

Min.5: Waewoyelo.

Min. 15: Ehomba wa l’etshumanelo.

Min. 25: “Sho Pombaka Nɛmiya Lowandji Laki Jehowa.” Adia Jude 11, sala mbɔtwɛlɔ kahakoke kanga minitɛ hiende. Oma lâsɔ, tatɛ ɔkɛtshanyelo l’ampokami aha la tshimbatshimba lo kamba la wembola tshɛ wele lo sawo diakɔ. Tɔtɔmiya awui wɛnya ɔnɛ dia tetemala mbetawɔma oma le Jehowa, sho pombaka mbewɔ dionga di’ɔtɔmbɔkwɛlɔ diaki la Kɔra ndo mbokoya ɛnyɛlɔ k’anande, waki kombetawɔ dia kânga dikambo ɔtɔi mbeta la ntondo ka kɔlamelo yawɔ otsha le Jehowa. Naka bandɛ vidɛo bu, kete vusola awui woleki ohomba wa lo sawo diele l’ɔtɛ a dui ɔnɛ: “Tokitanyiya Lowandji Laki Jehowa la Kɔlamelo Tshɛ,” diele lo Tshoto y’Etangelo ya Ngɔndɔ k’Enanɛi 1, 2002.

Osambo 99 ndo dɔmbɛlɔ dia ndjihelo.

[Nɔte ka l’ɛse ka dikatshi]