Ekongelo ka losanganya l’olimu
Lomingu la Ngɔndɔ ka sato 14
Min. 10: Waewoyelo. Waewoyelo w’oma lo Olimu aso wa Diolelo. Naka alako wele lo lɛkɛ 6 kokaka lo ɛtshi ka nkɛtɛ k’etshumanelo kanyu, kete kamba la wɔ dia mɛnya woho wa mbisha anto Tshoto y’Etangelo ya Ngɔndɔ ka sato 15 ndo Réveillez-vous ! wa Ngɔndɔ ka sato 22. Nyu koka kamba nto la mbɔtwɛlɔ nkina y’amɛna. Lo wɛnyɛlɔ ɔmɔtshi, ɛnya woho wa sala wendelo w’oyoyo le onto latshikɛso periodikɛ mbala la mbala. Lo ekomelo ka wɛnyɛlɔ, kamba la lɛkɛ l’ekomelo la Tshoto y’Etangelo ya Ngɔndɔ ka sato 15 dia mbohola ompokami dia Eohwelo.
Min. 20: “Ayolekaka mbika epole ɔsɛkɛ lo Bible!”a
Min. 15: Ehomɔ dia tokeketsha. Sawo ndo ɔkɛtshanyelo la ampokami diɔsami oma lo Annuaire. Ta awui w’ohomba wa lo “Mukanda w’oma le Olui-walɔmbɔla,” ndo toshifidi tɔmɔtshi takeketsha tele lo alapɔlɔ w’olimu wakakambema lo andja w’otondo ndo awui amɔtshi wakeketsha mbetawɔ. Keketsha anto tshɛ dia mbadia dibuku di’otondo lo ɔnɔnyi ɔnɛ. Naka wonya wekekɔ, kete lɔmbɔla ɔkɛtshanyelo wa la ampokami wa awui wa lo Annuaire 2004, naka nyatalongola Annuaire 2005. Kana yimba lo olimu wa diambo waki Jehowa wakambema nshi nyɛ ndekaka tosukanya la nde ndo la anangɛso wa lo andja w’otondo. (Osam. 77:12-14) Dui sɔ tokeketshaka dia sho shika tanga la ntondo ka Diabolo, mbuta ate monga ‘nge lo mbetawɔ.’ (1 Pet. 5:8, 9) Diɔ kimanyiyaka eyoyo dia vɔ monga la lowando le ɔlɔngɔswamelo waki Jehowa. Lɔmba ampokami dia vɔ kɔndɔla kɛnɛ kakawangɛnangɛna lo wadielo awɔ wa Annuaire 2004, naka nyatalongola Annuaire 2005. Lɔngɔsɔla la ntondo dia onto ɔtɔi kana ahende mbisha kɔmatɛrɛ lo kɛnɛ kendana la ekongelo kawɔ ka wadielo wa Annuaire.
Osambo 137 ndo dɔmbɛlɔ dia ndjihelo.
Lomingu la Ngɔndɔ ka sato 21
Min. 10: Waewoyelo.
Min. 15: “Tɔlɔmbɔlɛ wekelo wa Bible watahame—Etenyi 7.”b Etena kalɔngɔsɔlayɛ etenyi kɛnɛ, enda Tshoto y’Etangelo ya Ngɔndɔ k’esambele 15, 2002, lɛkɛ 27, odingɔ 5-6 lo Falase.
Min. 20: Aramagɛdɔna kɛdikɛdi na? L’ɔkɔngɔ wa sala mbɔtwɛlɔ kahakoke kânga minitɛ ɔtɔi, sala ɔkɛtshanyelo wa wambola la ekadimwelo wɔsami oma lo dibuku Comment raisonner lɛkɛ 181-186. Lɔmba ampokami dia vɔ mbisha kɔmatɛrɛ lo wambola wele lo alɛta woleki edima, lo kamba la avɛsa woshidiwɔ awui wa lɔkɔ kana woshilami tsho. Nyɔkɛtshanya woho wakokaso kamba la awui asɔ l’olimu w’esambishelo.
Osambo 109 ndo dɔmbɛlɔ dia ndjihelo.
Lomingu la Ngɔndɔ ka sato 28
Min. 10: Waewoyelo. Adia alapɔlɔ wa falanga ndo sha anto tshɛ losaka l’ɔtɛ wa weshasha awɔ. Keketsha anto tshɛ dia mbelɛ anto wɛnyisha nsaki dia vɔ ndjoyela sawo dia lo sɛkɛ dia lânde diayoshama lo Ngɔndɔ ka nɛi 10. Ewoya ekanda wayotosha anto lo Ngɔndɔ ka nɛi ndo ka tanu.
Min. 15: Ehomba wa l’etshumanelo.
Min. 20: Tosha anto Tshoto y’Etangelo la Réveillez-vous ! Vusola alako wa lo Olimu aso wa Diolelo, wa Ngɔndɔ ka hende 2005, lɛkɛ 8 wendana la woho wa ndeka mbisha anto periodikɛ. Nyɔkɛtshanya awui w’ohomba wa lo periodikɛ yeke katomba. Naka alako wa lo lɛkɛ 6 kokaka lo ɛtshi ka nkɛtɛ k’etshumanelo kanyu, kete kamba lawɔ dia mɛnya woho wa mbisha anto Tshoto y’Etangelo ya Ngɔndɔ ka nɛi 1 ndo Réveillez-vous ! wa Ngɔndɔ ka nɛi 8. Nyu koka kamba la mbɔtwɛlɔ nkina y’amɛna. Lo mbɔtwɛlɔ tshɛ, lembetshiya woho wasukamɛ olimu aso wakambema l’andja w’otondo.—Enda lo lɛkɛ 2 la Tshoto y’Etangelo, kana lo lɛkɛ 5 la Réveillez-vous !
Osambo 116 ndo dɔmbɛlɔ dia ndjihelo.
Lomingu la Ngɔndɔ ka nɛi 4
Min. 5: Waewoyelo.
Min. 15: Nyonge la ngandji lam’asanyu. (Joa. 13:35) Sawo diayoshama oma le ekumanyi kɛmɔtshi. Diɔ mbɔsama oma lo Tshoto y’Etangelo ya Ngɔndɔ ka hende 1, 2003, lɛkɛ 24-27, odingɔ 10-21. Oko wotamidiɔ lo etenyi kendana la ekanda wayotosha anto lo Ngɔndɔ ka nɛi la ka tanu, sho keketshamaka dia sala tshɛ dia tatɛ wekelo wa Bible la wanɛ wambekaka dibuku Ewo ndo biukubuku Kakɔna. Ka epole ɔsɛkɛ lo woho wakoka apandjudi kamba kâmɛ la dikumanyi dia kimanyiya wanɛ waya wɔdu.
Min. 25: “Vidɛo yele la losango lele nshi tshɛ ohomba.” Adia Osambu 91:2 la 31:14, ndo sha kɔmatɛrɛ ka lo tshena pe lo divɛsa la divɛsa. L’ɔkɔngɔ diko, eta mbala kakɔ ɔtɔi lo ɔkɛtshanyelo la ampokami wa wambola wendana la bandɛ vidɛo ka David, lo kamba la wambola tshɛ wa lo odingɔ wa hende ndo la dimbola diele lo odingɔ wa sato. Lam’ele tatakondja vidɛo ya lo DVD nyɛ, nyokambe la avɛsa wa lo Bible dia kadimola lo wambola. Kumiya la mbadia Osambu 56:11.
Osambo 36 ndo dɔmbɛlɔ dia ndjihelo.
[Nɔte ka l’ɛse ka dikatshi]
a Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola ndo ekadimwelo.
b Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola ndo ekadimwelo.