Ekongelo ka losanganya l’olimu
Lomingu la Ngɔndɔ ka dikumi 10
Min. 10: Waewoyelo. Waewoyelo w’oma lo Olimu aso wa Diolelo. Kamba la alako wele lo lɛkɛ 8 (naka wekɔ ohomba lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ ka dikumi 15 ndo Réveillez-vous! wa Ngɔndɔ ka dikumi 22. L’ɔkɔngɔ wa wɛnyɛlɔ tshɛ, tɔtɔmiya akambo amɔtshi w’ɔlɔlɔ wa lo mbɔtwɛlɔ. Ndo nto, kotola yambalo y’anto lo asawo wahɔnyi wakoka ngɛnyangɛnya anto wa lo ɛtshi kanyu ka nkɛtɛ.
Min. 15: Onde wɛ ekɔ la mbekelo y’ɔlɔlɔ ya wadielo? Ɔkɛtshanyelo la ampokami wɔsami oma lo awui amɔtshi wa lo dibuku Kalasa k’olimu, lɛkɛ 21-26. Awui akɔna wakokaso mbidja lo ekongelo kaso ka wadielo? (lɛkɛ 21, kiombo) Lande na kele ekɔ ohomba sho mbadiaka ekanda watotondjɛwɔ? (lɛkɛ 23, od. 2) Kakɔna koleki ohomba dia nama ekongelo k’ɔlɔlɔ ka wadielo? (lɛkɛ 26, od. 3-4) Ngande wakokayɛ ndjaombɛ etena ka mbadiaka Tshoto y’Etangelo ndo Réveillez-vous! na ? Ngande wamboyokondja wahɔ oma lo dui sɔ?
Min. 20: “Totetemale sambisha ɔtɛkɛta wa Nzambi la dihonga.”a Lɔmba ampokami dia vɔ mbuta tena diakɔna diakoka monga wolo ndjala la dihonga diahombama dia sambisha. Kakɔna kakâkimanyiya dia monga la dihonga?
Osambo 78 ndo dɔmbɛlɔ dia ndjihelo.
Lomingu la Ngɔndɔ ka dikumi 17
Min. 10: Waewoyelo. Kamba la etenyi 3 ka dikatshi di’okotsha dia Olimu aso wa Diolelo wa Ngɔndɔ ka divwa 2005 dia vusola dui ɔtɔi kana awui ahende wendana la woho wa kamba dimɛna la Afundelo etena kalɔmbɔlaso wekelo wa Bible.
Min. 15 : Tewɔ wâle waya oma lo Ɛtɛrnɛtɛ. Sawo diayoshama oma le ekumanyi kɛmɔtshi diɔsami oma lo Réveillez-vous! wa Ngɔndɔ ka dikumi l’ahende 8, 2004, lɛkɛ 18-21. Naka Ɛtɛrnɛtɛ bu lo ɛtshi kanyu ka nkɛtɛ, kete tɔtɔmiya atɔndɔ wa lo Afundelo dia kimanyiya anangɛso la akadiyɛso dia mbewɔ awui wa mindo ndo lɔngɛnyi la kɔlɔ lo ekimanyielo ka tita nsango.
Min. 20: “Toyasha la otema ɔtɔi le anto akina: lo monga ɔlɔlɔ.”b Lɔmba ampokami dia vɔ mbuta woho wakokaso mɛnya lɔsɛngɔ le anto akina etena keso l’esambishelo. Awui akina wendana la woho wa ndjasha le wanɛ wasambishaso wayɔsɛdingɔma lo numɛlɔ yayaye ya Olimu aso wa Diolelo.
Osambo 2 ndo dɔmbɛlɔ dia ndjihelo.
Lomingu la Ngɔndɔ ka dikumi 24
Min. 10: Waewoyelo. Adia alapɔlɔ wa falanga ndo sha ampokami losaka latome biro. Kamba la mbɔtwɛlɔ kɛmɔtshi kele lo dikatshi di’okotsha dia Olimu aso wa Diolelo wa Ngɔndɔ ka ntondo 2005 kana mbɔtwɛlɔ kekina kele dimɛna lo ɛtshi kanyu ka nkɛtɛ dia mɛnya woho wa mbisha anto ekanda wayotosha anto Ngɔndɔ ka dikumi l’ɔtɔi.—Enda Olimu aso wa Diolelo wa Ngɔndɔ ka ntondo 2005, lɛkɛ 8, od. 5.
Min. 15: Ehomba wa l’etshumanelo.
Min. 20: Toyele ɛlɛmbɛ wa Nzambi lo ɔlɔtɔ ndo lo wonyelo kana ɔlɔngɔswɛlɔ aso wa divo. Sawo ndo ɔkɛtshanyelo la ampokami diayoshama oma le ekumanyi kɛmɔtshi. Diɔ mbɔsama oma lo Tshoto y’Etangelo ya Ngɔndɔ k’enanɛi 1, 2002, lɛkɛ 30-32. Lɔmba ampokami dia vɔ mbuta woho wakoka ɛnamelo kaso ka dimɛna tokimanyiya dia sambisha.
Osambo 153 ndo dɔmbɛlɔ dia ndjihelo.
Lomingu la Ngɔndɔ ka dikumi 31
Osambo 209
Min. 10: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka dikumi. Kamba la alako wele lo lɛkɛ 8 (naka wekɔ ohomba lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ ka dikumi l’ɔtɔi 1 ndo Réveillez-vous! wa Ngɔndɔ ka dikumi l’ɔtɔi 8. Lo wɛnyɛlɔ ɔmɔtshi, lɔngɔsɔla ompokami dikambo dia wendelo wayaye lo kotola yambalo yande lo kiombo yata ɔnɛ: “Lo numɛlɔ kaso kayela.”
Min. 15: Tolomialomia nsaki ka anto watotoshaka periodikɛ. Sawo ndo ɔkɛtshanyelo la ampokami, diɔsami oma lo Olimu aso wa Diolelo wa ngɔndɔ ka tanu 2005, lɛkɛ 8. Ngande wakokaso tatɛ mbishaka anto periodikɛ? (od. 1) Ngande wakokaso nɔngɔsɔla ɛkɛtshanyelo wa divɛsa ɔtɔi? (od. 3) Lande na kahatahombe komɛ tsho lo mbadia divɛsa diakatasɔnyi? (od. 4) Ngande wakoka onto latotoshaka periodikɛ ndjokoma ombeki wa Bible? (od. 5) Dja ndo wɛnyɛlɔ wɛnya opandjudi asala ɔkɛtshanyelo wa divɛsa ɔtɔi la onto latondoshaka periodikɛ.
Min. 20: Ɛlɔngɔlɔngɔ la esekaseka tonaka, koko la dilɛmiɛlɔ tshɛ. Sawo diayoshama oma le ekumanyi kɛmɔtshi diɔsami oma lo Tshoto y’Etangelo ya Ngɔndɔ ka divwa 15, 2002, lɛkɛ 23-24, l’ɛse k’ɔtɛ a dui wata ɔnɛ: “Otonelo wa la dilɛmiɛlɔ” lo Falase. Talɔngɔsɔdi la ntondo dia ɔlɔngɔlɔngɔ ɔtɔi kana ehende mbuta ekakatanu wakahomana la wɔ la kalasa ndo kɛnɛ kakakimanyiya dia vɔ ndɔshana la ekakatanu akɔ dimɛna.
Osambo 222 ndo dɔmbɛlɔ dia ndjihelo.
Lomingu la Ngɔndɔ ka dikumi l’ɔtɔi 7
Min. 5: Waewoyelo.
Min. 20: Sala tshɛ dia ndjashaka lo nsanganya. Sawo ndo ɔkɛtshanyelo la ampokami diɔsami oma lo Tshoto y’Etangelo ya ngɔndɔ ka dikumi 1, 2002, lɛkɛ 10-12, od. 11-14. Vusola alako woshami ndo lɔmba ampokami dia vɔ mbisha kɔmatɛrɛ lo kɛnɛ kambakimanyiya dia vɔ ndeka kondja wahɔ oma lo nsanganya ya lo etshumanelo.
Min. 20: “Tonge la yewo ya kana la anto yimba.”c Lɔmba apandjudi wakasɔnami dia kɔndɔla woho wakawakoke kana yimba la anto wele la nsɛnɔ yotshikitanyi wa lo ɛtshi kanyu ka nkɛtɛ.
Osambo 50 ndo dɔmbɛlɔ dia ndjihelo.
[Nɔte ka l’ɛse ka dikatshi]
a Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
b Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
c Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.