Ekongelo ka losanganya l’olimu

Lomingu la Ngɔndɔ ka dikumi l’ahende 12

Osambo 32

Min. 10: Waewoyelo. Waewoyelo w’oma lo Olimu aso wa Diolelo. Kamba la alako wele lo lɛkɛ 8 (naka wekɔ ohomba lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ ka dikumi l’ahende 15 ndo Réveillez-vous! wa Ngɔndɔ ka dikumi l’ahende 22. Nyu mbeyaka kamba la mbɔtwɛlɔ nkina y’amɛna. L’ɔkɔngɔ wa wɛnyɛlɔ tshɛ, ɛnya woho wa wɔdu wakokaso mbidja divɛsa dimɔtshi lo mbɔtwɛlɔ.

Min. 15: “Kalasa katokimanyiya dia kɛnɛmɔla ohomba wa dikambo.” Sawo diayoshama oma le omendji wa kalasa. Dja ndo kɔmatɛrɛ y’oma lo dikatshi di’okotsha dia Olimu aso wa Diolelo wa Ngɔndɔ ka dikumi 2005.

Min. 20: “Wetshelo watɔla otsha lo lɔsɛnɔ.”a Talɔngɔsɔdi la ntondo dia onto ɔtɔi kana ahende mbisha kɔmatɛrɛ lo woho wakawakondja wahɔ oma lo wetshelo wa Nzambi.

Osambo 101 ndo dɔmbɛlɔ dia ndjihelo.

Lomingu la Ngɔndɔ ka dikumi l’ahende 19

Osambo 160

Min. 5: Waewoyelo. Lembetshiya tɛdikɔ ta lânde tambɔsama dikambo dia olimu w’esambishelo lo Ngɔndɔ ka dikumi l’ahende 25 ndo Ngɔndɔ ka ntondo 1. Ohola anto tshɛ dia vɔ ndja la kɔpi yawɔ ya Réveillez-vous! wa Ngɔndɔ ka ntondo 2006 lo Losanganya l’olimu la lomingu layaye.

Min. 15: “Toyasha le anto akina​—⁠Lo ndjaɔtɔnganyiyaka la awui wotshikitanyi.”b Dja ndo wɛnyɛlɔ wa mondo wɛnya woho wakoka opandjudi tshikitanya mbɔtwɛlɔ kande lo ndjela awui wotshi ompokami.

Min. 25: “Onde ɔnayɛ kokaka mbɔsa yɛdikɔ y’ohomba?”c Sawo diayoshama oma le ekumanyi kɛmɔtshi. Ɔnangɛso ɔmɔtshi leya mbadia dimɛna mbeyaka mbadia oseka odingɔ tshɛ la dui dia wolo. Nyɔkɛtshanya avɛsa tshɛ woshilami. L’ɔkɔngɔ wa nyu sɛdingola odingɔ 2, ɛnya otshikitanu wele lam’asa awui wakakomɛ ana ahende woshilami l’odingɔ 16-17 ndo lo kiombo ya lo lɛkɛ 16-17 ya Tshoto y’Etangelo ya Ngɔndɔ ka samalo 15, 1991, lo Falase. Dia kumiya, keketsha ambutshi dia vɔ nyomovusola nto sawo sɔ di’otondo diele lo Tshoto y’Etangelo shɔ ndo aha la tshimbatshimba wakɛtshanya ndo wahembe awui akɔ vɔ la anawɔ lo kɛnɛ kendana la didjango dia lo Bible diendana la dikila, lo mbalɔngɔsɔla dia vɔ mamɛ dietawɔ diawɔ l’eshikikelo tshɛ. Ɛtɛ wa nkumbo pombaka ndjashikikɛ di’ɔna tshɛ lamboshila batizama ekɔ la kartɛ kande ka Pas de sang ndo ɔnɛ ɔna tshɛ lele atabatizama ekɔ la document d’identité médical. Oyadi lo lopitadi lakɔna lele onto ndo kakɔna kambotama lo dikambo di’okaloyelo wa dikila, dikumanyi la dia mbewoya Kɔmite ka diɔtɔnganelo la mpitadi dia kondja ekimanyielo.

Osambo 56 ndo dɔmbɛlɔ dia ndjihelo.

Lomingu la Ngɔndɔ ka dikumi l’ahende 26

Osambo 85

Min. 10: Waewoyelo. Adia alapɔlɔ wa kɔntɛ ndo ewoya ampokami losaka latome biro ka filialɛ. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka dikumi l’ahende. Naka etshumanelo kanyu kayotshikitanya wenya wa mbɔtɔka nsanganya l’ɔnɔnyi w’oyoyo, kete ewoya wenya akɔ. Ewoya ekanda wayotosha anto lo Ngɔndɔ ka ntondo ndo ta lɛnɛ akoka tanema mbɔtwɛlɔ yahombama.

Min. 15: Ehomba w’etshumanelo.

Min. 20: Awui w’eyoyo wa lo Réveillez-vous! Sawo ndo ɔkɛtshanyelo la ampokami. Shila etshikitanu wambosalema lo Réveillez-vous! wakewoyama lo Olimu aso wa Diolelo wa Ngɔndɔ ka sato 2005, lɛkɛ 1 odingɔ 5-6. Dja ndo kɔmatɛrɛ yele lo sawo diata ɔnɛ: “ À nos lecteurs “ (Le ambadi aso) diele lo Réveillez-vous! wa Ngɔndɔ ka ntondo 2006, lɛkɛ 3-4 lo Falase. Shila bɛnyɛlɔ diɛnya woho wayolekaka periodikɛ kɛnɛ kotola ambadi oya lo Bible. Lɔmba ampokami dia vɔ mbuta awui w’eyoyo wele lo lɛkɛ 31. Tayotetemala mbisha anto Tshoto y’Etangelo ndo Réveillez-vous! mbala kakɔ ɔtɔi lo wendelo wa ntondo. Lo mɛtɛ, tayoshaka anto watotoshaka periodikɛ mbala la mbala ndo anto watetawɔka periodikɛ tena la tena paka kɔpi ɔtɔi ka numɛlɔ tshɛ ka Réveillez-vous! Kamba la alako wele lo lɛkɛ 8 (naka kokaka lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ ka ntondo 1 ndo Réveillez-vous! wa Ngɔndɔ ka ntondo. Nyu mbeyaka kamba la mbɔtwɛlɔ nkina y’amɛna. Olimu aso wa Diolelo wa Ngɔndɔ ka ntondo ayodja mbɔtwɛlɔ ka hende ka Réveillez-vous! wa Ngɔndɔ ka ntondo lo tɛkɛta dia asawo wa totshitshɛ. Mbɔtwɛlɔ yakɔ hiende tshɛ mbeyaka kambema lo ngɔndɔ k’otondo.

Osambo 222 ndo dɔmbɛlɔ dia ndjihelo.

Lomingu la Ngɔndɔ ka ntondo 2

Osambo 5

Diewoyelo: Tshumanelo hadiohombe sɛkɔla Losanganya lawɔ l’olimu la lomingu la Ngɔndɔ ka ntondo 2, mbuta ate lisala la ntondo ka datɛ diele l’ekongelo onyake naka omendji w’otshimbedi ayowaembola lomingu lakɔ. Lo etshumanelo tshɛ, dikatshi di’okotsha diatɛkɛta awui wa losanganya la distrikɛ pombaka sɛdingɔma lo Losanganya l’olimu oko wɛnyamidiɔ lo ekongelo. Naka losanganya l’otshimbedi layosalema lomingu lakɔ, kete emendji wa wekelo wa dibuku pombaka mbewoya dihole ndo datɛ diayosalema losanganya lo wekelo awɔ wa dibuku.

Min. 5: Waewoyelo.

Min. 15: “Tokambe dimɛna la ekanda aso walembetshiya Bible.”d Dja ndo kɔmatɛrɛ y’oma lo Olimu aso wa Diolelo wa Ngɔndɔ ka divwa 2002, lɛkɛ 1.

Min. 25: “Losanganya la distrikɛ la Ɛmɛnyi wa Jehowa la l’ɔnɔnyi 2006 lele l’ɔtɛ a dui ɔnɛ: ‘Etshungwelo kaya suke’.”e Sawo diayoshama oma le sekeletɛlɛ ka lo etshumanelo. L’ɔkɔngɔ wa nyu sɛdingola odingɔ 1, adia mukanda wa Ngɔndɔ ka dikumi l’ahende 15, 2005 wendana la losanganya la distrikɛ. Keketsha anto tshɛ dia vɔ tatɛ ndjalɔngɔsɔla k’ɔlɔmɔ lo kɛnɛ kendana la losanganya lawɔ la woke.

Osambo 48 ndo dɔmbɛlɔ dia ndjihelo.

[Nɔte ka l’ɛse ka dikatshi]