Ekongelo ka losanganya l’olimu

Lomingu la Ngɔndɔ ka hende 13

Osambo 121

Min. 10: Waewoyelo. Kamba la alako wele lo lɛkɛ 8 kana mbɔtwɛlɔ nkina y’amɛna yele ohomba l’ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka hende 15 ndo Réveillez-vous! wa Ngɔndɔ ka hende. Lo mbɔtwɛlɔ kɛmɔtshi, ɛnya woho wa sambisha l’ahole w’anto tshɛ.

Min. 10: Onde wɛ ekɔ lo kɛndakɛnda kâmɛ la okongamelo waki Jehowa? Sawo diɔsami oma lo dibuku Tamboyakongɛ dia sala lolango la Jehowa, lɛkɛ 7-10.

Min. 25: “Tote anto akina dikambo dia ‘osase w’andja.’ ”a Ayoshama oma le omendji w’olimu. Ewoya nkombo ya wanɛ wambɔsa yɛdikɔ ya kamba oko ambatshi mboka wa tshanda. Sha ekongelo ka nsanganya nkina y’otsha l’olimu w’esambishelo yambɔlɔngɔswama. Dja ndo kɔmatɛrɛ y’ekongelo ka wɔdu k’olimu w’ombatshi mboka wa tshanda yele lo lɛkɛ 5 la dikatshi di’okotsha dia Olimu aso wa Diolelo wa Ngɔndɔ ka hende 2005.

Osambo 224 ndo dɔmbɛlɔ dia ndjihelo.

Lomingu la Ngɔndɔ ka hende 20

Osambo 89

Min. 10: Waewoyelo. Waewoyelo w’oma lo Olimu aso wa Diolelo.

Min. 15: “Toyange waaso wa sambisha.”b Lɔmba opandjudi ɔmɔtshi waki l’ekakatanu efula ɛnya woho wakandayange waaso wa sambisha.

Min. 20: “Ekimanyielo kele bu wolo tana.”c Ayoshama oma le ekumanyi kɛmɔtshi. Dja kɔmatɛrɛ ya lo hiembola y’oma lo Ekadimwelo lo ambola anyu w’oma lo Olimu aso wa Diolelo wa Ngɔndɔ ka dikumi l’ɔtɔi 1998 ndo Ngɔndɔ ka dikumi l’ɔtɔi 2000.

Osambo 1 ndo dɔmbɛlɔ dia ndjihelo.

Lomingu la Ngɔndɔ ka hende 27

Osambo 20

Min. 10: Waewoyelo. Adia alapɔlɔ wa falanga ndo sha ampokami losaka latome biro ka filialɛ. Ohola apandjudi dia vɔ kimɔ alapɔlɔ w’olimu wa Ngɔndɔ ka hende. Kamba la alako wele lo lɛkɛ 8 kana la mbɔtwɛlɔ nkina yakoka l’ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka sato 1 kana Réveillez-vous! wa Ngɔndɔ ka sato.

Min. 10: Ehomba wa l’etshumanelo.

Min. 25: Woho wa mbisha anto dibuku Bible etshatɔ. Lo Ngɔndɔ ka sato tayosha anto dibuku di’oyoyo nɛ. Kamba la alako wele lo dikatshi di’okotsha dia lo Olimu aso wa Diolelo wa Ngɔndɔ ka ntondo 2006 lɛkɛ 3-6, vusola ndo ɛnya mbɔtwɛlɔ yɔtɔnɛ l’ɛtshi kanyu ka nkɛtɛ. Lɔmba ampokami dia vɔ mbuta awui wangɛnyangɛnya wakahomana lawɔ lo kamba la dibuku di’oyoyo nɛ, djekoleko lo wekelo wa Bible wakawatatɛ nɔmbɔla.

Osambo 148 ndo dɔmbɛlɔ dia ndjihelo.

Lomingu la Ngɔndɔ ka sato 6

Osambo 51

Min. 10: Waewoyelo. Lam’ele traktɛ ekɔ wɔdu mbisha anto ndo kotolaka yambalo, yɔ yekɔ amɛna dia tatɛ sawola l’onto lam’atatasambisha lo luudu la luudu, etena kasambishaso l’ahole w’anto tshɛ ndo etena kasambishaso lo tshakitudi. Ɛnya woho wa tatɛ sawo lo kamba la traktɛ k’oyoyo Asui tshɛ wayanga komɛ! Tɛkɛta dikambo dia divɛsa dimɔtshi l’atei w’avɛsa woshilami lo lɛkɛ 2 la traktɛ kɛsɔ.

Min. 15: “Toyasha le anto akina​—⁠Lo ndjalɔngɔsɔlaka.”d Dja ndo wɛnyɛlɔ wa lo tshena pe wɛnya apandjudi ahende wayalɔngɔsɔla dia tosha anto dibuku Bible etshatɔ. Vɔ wambɔsa mbɔtwɛlɔ kɛmɔtshi k’oma lo dikatshi di’okotsha di’Olimu aso wa Diolelo wa Ngɔndɔ ka ntondo 2006 ndo wambɔkɛtshanya woho wakokawɔ tɛkɛta l’ɛtɛkɛta awɔ vɔamɛ ndo mbɔtɔnganyiya l’awui wa l’ɛtshi kawɔ ka nkɛtɛ. Wɛnyɛlɔ wambokomɛ oko wambowokiohola kâmɛ la dui dia wolo.

Min. 20: “Tokambe la diangɔ diɛnama dia mbetsha.”e Etena katɛkɛtanyu di’oseka vidɛo tshɛ kɔtɛkɛtami lo sawo nɛ, ɛnya lohoso latɔ ndo adia awui amɔtshi wele lɔkɔ lo tshena pe. Mbola ampokami dia vɔ mbuta akambo wakawɛnyi lo kamba la waa vidɛo l’olimu w’esambishelo.​—⁠Enda lo Annuaire 1997, lɛkɛ 54, ndo Annuaire 1995, lɛkɛ 50-51 lo Falase.

Osambo 68 ndo dɔmbɛlɔ dia ndjihelo.

[Nɔte ka l’ɛse ka dikatshi]