Ovuswelo w’awui wakateke lo Kalasa k’olimu wa teokrasi

Ngande wɛnya ɔkɔndɔ wele lo 2 Khumi ya Dikanga 13:18, 19 ohomba wa monga l’ohetoheto ndo kambɛ Nzambi l’otema ɔtɔi? [Ngɔ. ka 9, 7, w10 4/15 lk. 26 od. 11]

Onto akɔna akolɛka l’Isariyɛlɛ etena kakakambaka Jɔna oko omvutshi ndo wetshelo akɔna wakokaso nkondja lo kɛnɛ kendana l’olimu wa Jɔna lo ndjela kɛnɛ kɔkɔndwami lo 2 Khumi ya Dikanga 14:23-25? [Ngɔ. ka 9, 7, w09 1/1-F lk. 25 od. 4]

Ngande wakɛnya Ahaza dia nde kondjaɛkɛ l’Ɔtɛkɛta wa Nzambi wakatama lo tshimbo y’omvutshi Isaya ndo dimbola diakɔna diakokaso ndjaoka etena kɔsaso tɛdikɔ t’ohomba? (2 Khum. 16:7) [Ngɔ. ka 9, 14, w13 11/15 lk. 17 od. 5]

Naa yoho yakakambe la Rabishakɛ yakamba la atunyi w’ekambi waki Nzambi ɛlɔ kɛnɛ ndo naa dionga diakoka tokimanyiya dia ntona ekanelo ka kɔlɔ k’atunyi? (2 Khum. 18:22, 25) [Ngɔ. ka 9, 14, w10 7/15 lk. 13 od. 3-4]

Ngande wakoka ɛnyɛlɔ k’okitshakitsha kaki Jɔsiya tokimanyiya dia nyomoleka nkondja wahɔ oma lo wadielo aso ndo oma lo wekelo aso wa Bible? (2 Khum. 22:19, 20) [Ngɔ. ka 9, 21, w00 3/1 lk. 30 od. 2]

Ngande washikikɛ diangɔ di’edjedja diakawakundola dia nkumi ya dikanga hiende yatɛkɛtama lo 2 Khumi ya Dikanga 25:27-30 yakikɔ mɛtɛ la lɔsɛnɔ? [Ngɔ. ka 9, 28, w12 6/1-F lk. 5 od. 2-3]

Naa awui asato wakalɔmbɛ Jabɛzɛ Jehowa ndo kakɔna katetsha dui sɔ lo kɛnɛ kendana la dɔmbɛlɔ? (1 Ek. 4:9, 10) [Ngɔ. ka 10, 5, w10 10/1-F lk. 23]

Ngande wakoka etombelo wa ta diɔtɛkɛtami lo 1 Ekondo 5:18-22 tokeketsha dia sho ndɔ ta diaso dia lo nyuma la dihonga tshɛ? [Ngɔ. ka 10, 12, w05 11/1 lk. 9 od. 7]

Lande na kaki Davidɛ l’akoka wa nshihodia ndo nkitanyiya kɛnɛ kakataka ɔlɛmbɛ wa Jehowa lo ekila ka dikila ndo kakɔna kakoka ɛnyɛlɔ ka Davidɛ totshutshuya dia nsala? (1 Ek. 11:17-19) [Ngɔ. 10, 19, w12 11/15 lk. 6-7 od. 12-14]

Kakɔna kakanya Davidɛ yimba dia nsala etena kakandahembama dia mɛmba ɔshɛtɛ wa sheke otsha la Jɛrusalɛma ndo wetshelo akɔna w’ohomba wakokaso nkondja oma l’ɔkɔndɔ ɔnɛ? (1 Ek. 15:13) [Ngɔ. ka 10, 26, w03 5/1 lk. 19 od. 11-13]