Onde Ɔtɛkɛta wa Nzambi wekɔ la wolo lo lɔsɛnɔ layɛ la lushi la lushi?

Wadielo wa Bible wa lushi la lushi koka tokimanyiya dia sho mbika “edio” ndo ‘nshikimala lo mbetawɔ.’ (Kɔl. 2:6, 7) Koko, dia Ɔtɛkɛta wa Jehowa monga la wolo lo lɔsɛnɔ laso, sho pombaka kanaka la wɔ yimba. (Hɛb. 4:12; Jak. 1:22-25) Jashua 1:8 mɛnyaka awui asato w’ohomba wele la etombelo w’amɛna lo wadielo wa Bible: 1) Mbadia Ɔtɛkɛta wa Nzambi la ‘yanyi ndo l’otsho.’ 2) Mbadia Ɔtɛkɛta akɔ la ‘dui di’ɔkɔkɛ,’ kɛsɔ nɔmbaka mbadia lo dihole diayokokimanyiya dia nkana yimba, nkanyiya dihole diakasalema ndo awui wakete. 3) Mbidja welo wa la otema ɔtɔi dia nkamba la ‘awui tshɛ wofundami lɔkɔ.’ Naka sho nkamba la alako anɛ, kete kɛsɔ ayotokimanyiya dia sho ‘ntondoya’ ndo ‘nsala akambo la lomba’ lo lɔsɛnɔ laso la lushi la lushi.