Diɛsɛ diaso dia mbika ndo nɔngɔsɔla ahole w’ɔtɛmwɛlɔ wa mɛtɛ

Wokelo wa tɛmpɛlɔ ka l’Isariyɛlɛ akalɔmbaka olimu wa wolo efula ndo adepasɛ. Koko, ase Isariyɛlɛ wakasukɛ olimu ɔsɔ l’ohetoheto tshɛ. (1Ek 29:2-9; 2Ek 6:7, 8) L’ɔkɔngɔ wa tɛmpɛlɔ shila la mbikama, ɔlɔngɔswɛlɔ wakasalema oma le Isariyɛlɛ akɛnyaka dia wakikɔ la lonyuma kana bu. (2Khum 22:3-6; 2Ek 28:24; 29:3) Ɛlɔ kɛnɛ, Akristo wekɔ mbetsha wenya efula ndo wekɔ lo mbidja welo wa mbika, mbidja pudipudi ndo nɔngɔsɔla Mbalasa ya Diolelo kana Mbalasa ya nsanganya ya weke. Koko, nkamba kaamɛ la Jehowa lo yoho shɔ ekɔ diɛsɛ dia woke ndo ekɔ etenyi kɛmɔtshi k’olimu aso w’ekila.​—Osa 127:1; Ɛny 7:15.

SHO KOKA MBISHA LONYA LO . . .

• 

  Nɔnga diangɔ lo ahole adiɔ l’ɔkɔngɔ wa losanganya tshɛ. Naka lo tena dimɔtshi wɛ keema la akoka, wɛ koka nsala kɛnɛ kakokayɛ nsala dia nɔngɔsɔla lamawodjashiyɛ.

• 

  Ndjasha mbala la mbala lo osolelo ndo ɔlɔngɔswɛlɔ wa Mbalasa ka Diolelo. Naka anto efula mbisha lonya kete dui sɔ diayetɛ olimu ɔlɔ ndo wɔdu.​—lv 92-93 od. 18.

• 

  Mbisha ekimanyielo ka la falanga. Kaanga woshasha wa ‘ekenga ehende wa falanga yele la nɛmɔ dioleki tshitshɛ’ mbokimweyɛ l’otema ɔtɔi, Jehowa ayɔngɛnangɛna.​—Mak 12:41-44.

• 

  Ndjakimɔ la lolango dia mbika ndo nɔngɔsɔla mvudu yasalema awui wa teokrasi naka wɛ ekɔ la diaaso. Aha paka onto kongi la diewo di’ohikelo ko nde mbisha lonya.