NGƆNDƆ K’ENANƐI 18-24
TOKEDI 27
Osambo 102 ndo dɔmbɛlɔ | Ɛtɛkɛta wa mbɔtwɛlɔ (Min. 1)
1. Wahɔ wakondjaso oma le angɛnyi wa mɛtɛ
(Min. 10)
Angɛnyi wa mɛtɛ wayotosha alako weso l’ohomba la dihonga tshɛ (Tok 27:5, 6; w19.09 5 od. 12)
Angɛnyi wa mɛtɛ koka ndeka nshihodia woho wa tokimanyiya ndeka ewotɔ aso (Tok 27:10; it-2-F 669 od. 7)
Angɛnyi wa mɛtɛ mongaka la shɛngiya ya dimɛna le so (Tok 27:17; w23.09 10 od. 7)
2. Diangɔ di’oshinga wolo dia lo nyuma
(Min. 10)
Tok 27:21—Ngande wɛnya kɛnɛ kasalaso etena katotombolawɔ woho w’onto weso? (w06 11/1 11 od. 11)
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?
3. Wadielo wa Bible
(Min. 4) Tok 27:1-17 (th wekelo 5)
4. Woho wa ntatɛ sawo l’onto
(Min. 3) ESAMBISHELO KA LO LUUDU LA LUUDU. Onto ekɔ l’ɔtɛmwɛlɔ wele bu w’Akristo. (lmd wekelo 6 dui di’ohomba 5)
5. Wesa nsaki kɛnyisha onto
(Min. 4) ESAMBISHELO KA LO TSHAKITUDI. Ɛnya ndo nyɔkɛtshanya vidɛo mɔtshi y’oma lo dihomɔ dia mbetsha. (lmd wekelo 8 dui di’ohomba 3)
6. Sawo
(Min. 5) ijwyp-F sawo 75—Ɔtɛ a dui: Ahombami nsala naka ɔngɛnyi ami ambosalɛ dui dia kɔlɔ? (th wekelo 14)
Osambo 109
7. “Ɔnanyɔ lakokayɛ mendɛ le nde lo tena dia paa”
(Min. 15) Ɔkɛtshanyelo.
Jehowa akatosha nkumbo k’onto l’ɔnango ka l’andja w’otondo k’Akristo lɛnɛ akokaso ntana angɛnyi watoka ngandji. Kaanga mbele sho koka mbɔtɔ lɔngɛnyi l’anto efula wa l’etshumanelo, ngande wonga efula ka l’atei awɔ angɛnyi aso wa ma ma? Sho mbɔtɔka lɔngɛnyi la ma ma l’anto akina etena keya onto l’onto osekande dimɛna, kayaɛkɛ onto l’onto le osekande, katanɛso tokanyi taso, kasalaso akambo kaamɛ ndo kakimanyiyanaso. Kɛnɛ kele mɛtɛ ele, mbɔsaka etena ndo nɔmbamaka dia mbidja welo dia monga la lɔngɛnyi la ma ma l’anto akina.
Adia Tokedi 17:17. Oma laasɔ, oka ampokami dimbola nɛ:
Lande na kele ekɔ ohomba monga l’angɛnyi wa ma ma l’etena kɛnɛ la ntondo ka mfɔnu ka woke ntatɛ?
Adia 2 Kɔrɛtɔ 6:12, 13. Oma laasɔ, oka ampokami dimbola nɛ:
Ngande wakoka okambelo wa l’avɛsa anɛ tokimanyiya dia mbɔtɔ lɔngɛnyi l’anto akina?
Ɛnya VIDƐO yele l’ɔtɛ a dui ɔnɛ: “Dikambo tshɛ diekɔ la etena kadiɔ”—Mbɔsaka etena dia monga la lɔngɛnyi la ma ma l’anto akina. Oma laasɔ, oka ampokami dimbola nɛ:
Wetshelo akɔna wamboyokondja oma lo vidɛo nyɛ lo dikambo dia lɔngɛnyi?
Wɛ koka ntatɛ lɔngɛnyi l’onto lo mbɔmɔnɛmɔnɛ yema kana lo mbosha mɔyɔ la lɔngɛnyi tshɛ ndo oma laasɔ, nkeketsha lɔngɛnyi lakɔ lo mɛnya onto akɔ dia wɛ ndjashaka le nde. Onga la solo dia lotutsha, nɛ dia mbɔsaka etena dia mbɔtɔ lɔngɛnyi la ma ma l’onto okina. Naka wɛ ntetemala nkeketsha lɔngɛnyi layɛ l’anto akina, kete nyu koka monga angɛnyi pondjo pondjo.
8. Wekelo wa Bible wa l’etshumanelo
(Min. 30) lfb wekelo 10-11