Wekelo 13

Maji l’awui w’alɔka wekɔ kɔlɔ

Satana nangaka wɛ sala maji. Anto efula nambolaka watshɛwɔ kana ɛdiɛngɛ diangɔ ɔnɛ kele aha vɔ mbatshɛ kɔlɔ. Vɔ salaka ngasɔ nɛ dia vɔ mbokaka wɔma wa nkudu kele l’andja wa dimu. Vɔ ndɔtaka pɛtɛ l’ɛkɔma wa maji. Vɔ nɔka kana kitaka “ekanga” wafɔnyawɔ ɔnɛ wekɔ la wolo wa maji. Lo ngelo kana lo bɛtshi diawɔ dia nkɛtɛ, amɔtshi kundɛka diangɔ dimɔtshi diafɔnyawɔ ɔnɛ diekɔ la wolo wa mbakokɛ. Akina kambaka “l’ekanga” wa maji nɛ dia vɔ fɔnyaka ɔnɛ ayowakimanyiya l’okanda, l’ɛgzamɛ wa la kalasa, kana dia kondja wadi kana omi.

Dia wɛ ndeka ndjâkokɛ dimɛna oma le Satana, paka wɛ mbɔtɔ la Jehowa ɔngɛnyi. Jehowa Nzambi l’andjelo ande ndeka Satana l’ɛdiɛngɛ ande wolo la fwa. (Jakoba 2:19; Enyelo 12:9) Jehowa ngɛnangɛnaka efula dia kamba la wolo ande dia kimanyiya angɛnyi ande, wanɛ wele mɛtɛ la kɔlamelo le nde.—2 Ekendo 16:9.

Ɔtɛkɛka wa Nzambi ate: ‘Tanyosalake awui wa maji.’ Jehowa hetawɔ awui wa maji la w’alɔka nɛ dia awui akɔ koka konya onto l’anya wa Satana Diabolo.—Akambu w’Asi Lewi 19:26.