Nsanganya y’Olimu ya Ngɔndɔ ka Dikumi l’Ɔtɔi
Lomingu la Ngɔndɔ ka Dikumi l’Ɔtɔi 6
Taahe 10 Waewoyelo ndo Waewoyelo wendana l’Olimu Aso wa Diolelo.
Taahe 15 “Lokumu l’Ɔlɔlɔ le Akanga wa Ndjakitshakitsha.” Kɛtshanya l’ampokami lo sawo diakɔ. Ko l’ɔkɔngɔ, wɛ nɔngɔsɔla ɛnyɛlɔ ɔtɔi kana diɛnyɛlɔ dihende di’oma lo wɛnyanyelo wolakanyemi.
Taahe 20 “Nkumu ya Diolelo Yotshikitanyi lo Dikambo di’Anto Tshɛ.” Dako ndo ɔkɛtshanyelo. Oma le omendji w’olimu. Tɛkɛta dia kɛnɛ kakashile salema lo kɛnɛ kendana la okahanyelo wa Nkumu ya Diolelo. Ewoya djekoleko dikambo di’ɔnɛ tɛdikɔ takɔsama di’esambishelo tekɔ lo sukamɛ dimɛna ndo ɔnɛ apandjudi w’eyoyo wekɔ lo kamba olimu ɔsɔ mbala ka ntondo. Ta polo ndo lo yɛdikɔ yakɔna yambokindjakindjama mbilo; naka etshumanelo kekina ambonyɔlɔmba ekimanyielo, lembetshiya kɛnɛ kayohomba salema. Keketsha onto l’onto dia nde nyomoleka mbidja weolo dia shidiya Nkumu ya Diolelo yele lo lɔkɔtɔ. Koke epole ɔsɛkɛ l’ohomba wa fundaka woho wakɛnya onto saki ndo wa sala waendelo w’eyoyo l’oweso wa tatɛ mbeka la wɔ Bible. Ɛnyɛlɔ k’oma lo wɛnyanyelo wakalakanyema.
Osambu 55 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 13
Taahe 15 Waewoyelo. “Onde Wɛ sɛngɔlaka Anto dia Mbeka La Wɔ Bible?” Naka etena kekɔ, sɛngɔla ampokami dia vɔ kɔndɔla akambo amɔtshi washa ekeketshelo wakawɛnyi lam’akawɛnyanya Nkumu ya Diolelo.
Taahe 15 :Ehomba wa l’etshumanelo kana dako diɔsami oma lo sawo diakatombe lo Tshoto y’Etangelo ya Ngɔndɔ ka Nɛi 1, 1995 (lo Falase), lɛkɛ 26-9 l’ɔtɛ a dui w’ɔnɛ: “Akristo Ahombawɔ Sala Naka wambamamatanyiɛ Dikambo na?”
Taahe 15: “Lande na Funda Nkombo ya Wanɛ Wele vu Lawɔ?” Ayosalema la wembola ndo ekadimwelo.
Osambi 60 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 20
Taahe 12 Waewoyelo wendana l’etshumanelo lo Sango ya Teokrisi. Alapɔlɔ wa wɛdikelo wa falanga.
Taahe 15 “Toyele Ɛnyɛlɔ Kaso lo Ndjalaka Amɛmbi w’Osase.” Ayosalema la wembola ndo ekadimwelo.
Taahe 18: “Djembetelo Yahombama dia Shimbamela.” Ɔkɛtshanyelo kâmɛ l’ampokami. Ɛnyɛlɔ ɔtɔi kana diɛnyɛlɔ dihende diɛnya woho wa sala waendelo w’eyoyo.
Osambu 45 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 27
Taahe 10 :Waewoyelo. Keketsha apandjudi dia vɔ kamba olimu w’ombatshi mboka wa tshanda lo vakashi ya Nɔɛlɛ. Sɛdingola akambo wɛnyami lo dibuku Organisés pour bien remplir notre ministère, lɛkɛ 113-14.
Taahe 15 :Ekadimwelo lo Wembola Anyu. Ayosalema la wembola ndo ekadimwelo. Kote lande na kalangaso kondja ɛlɔlɔ efula watomba oma lo nsanganya etena kayilɔngɔsɔlaso ndo kɛmbaso ekanda tshɛ wayɔsɛdingɔma lo losanganya.
Taahe 20 :Tɔlɛkɛ anto dibuku Création lo Ngɔndɔ ka Dikumi l’Ahende. Shila ɛtɛkɛta w’anto wakâmbiama oma lo dibuku La vie: comment est-elle apparue? Évolution ou création? [Enda lo Tshoto y’Etangelo ya Ngɔndɔ ka Sato 15, 1987, lɛkɛ 32; wa Ngɔndɔ ka Tanu 1, 1986, lɛkɛ 31 (tshɛ lo Falase).] Kotola yambalo oya l’esato wele lo lɛkɛ 6, 236-7, 243 la 245, ko wɛ mɛnya woho wokokiso kamba lawɔ olimu dia tatɛ sawo. Ɛnyɛlɔ: Opandjudi ɔmɔtshi wakoka ekɔ lo nembetshiya lam’ɛnyanyande dibuku diakɔ ɔnɛ onto l’onto pombaka sala ɔsɔnwɛlɔ naka nde nangaka kondja lɔsɛnɔ la pondjo; nde ekɔ lo kamba la tokanyi ndo la avɛsa watanema lo lɛkɛ 250-1. Ohola apandjudi dia vɔ mbidja yimba dia tɔshi abuku amɔtshi lo dikambo di’esambishelo ka lo wikɛndɛ.
Osambu 74 ndo dɔmbɛlɔ dia ndjihelo.
[Caption on page 1]
Jehowa Toshaka Wolo
1 Sho wanɛ wele ekambi wa Jehowa, wakatosha lotumu la sambisha lokumu l’ɔlɔlɔ lo ndjalaka “la ditshelu di’ololo l’atei w’asi wedja.” (1 Pet. 2:12; Mat. 24:14) Lam’ele tekɔ lo sɛna l’etena k’ofukutanu ko tekɔ ndo la wɛɔdu ndo salaka munga, hatokokaki kotsha olimu ɔsɔ la wolo aso shoamɛ. (2 Tim. 3:1-5) Ande ɔlɔ kimanyiyama oma le Jehowa lee!
2 Ɔpɔstɔlɔ Paulo akakikɛ ehemba efula. (2 Kor. 11:23-27) Woho akɔna wakandakoke dia mbatondoya ndo shidiya olimu wakawawosha? Jehowa akawosha “wolo woleki wɔnɛ wokôngaka l’onto.” (2 Kor. 4:7, NW) Paulo aketawɔ ɔnɛ nde akakondja ekimanyielo ka Nzambi lam’akandafunde ate: “Dimi mbeyaka ntsha akambu tshe la wulu wa one latunkikitshaka.” (Fil. 4:13) Jehowa atokimanyiya woho akɔ wâmɛ. Ngande wokokiso kondja ekimanyielo ka ngasɔ?
3 Lo Tetemala la Nɔmba: Yeso akatokeketsha dia sho ‘tetemala la nɔmba, la nyanga ndo la kɔkɔla,’ ndo aha mpekɔ. (Luka 11:5-10) Lo kɔlamaka la nɔmba, sho mɛnyaka Jehowa polo lo yɛdikɔ yakɔna yayakiyanyaso, yakombolaso ndo saki yaso ya l’otema ɔtɔi. (Osam. 55:17; 88:1, 13; Romo 1:9-11) Paulo akɛnya ohomba wa tetemala la nɔmba lam’akandatolake dia ‘tetemala la nɔmba.’ (1 Tes. 5:17) Dɔmbɛlɔ ekɔ yoho mɔtshi y’ohomba yokokiso kondja ekimanyielo ka Jehowa.
4 Lo Ndjelaka Ɛlɔmbwɛlɔ ka Teokrasi: Tshɛkɛta “Teokrasi” nembetshiyaka ‘ɛlɔmbwɛlɔ k’oma le Nzambi’; ko Nzambi ekɔ ngandji. Dia kondja ɛlɔlɔ oma lo ɛlɔmbwɛlɔ kɛsɔ, sho pombaka mbetawɔ lowandji loludi la ngandji laki Jehowa ndo ndjela alako ande, oyadi lo tɛdikɔ ta totshitshɛ kana ta weke tahombaso mbɔsa. “Ɔhɔmbɔ wa kɔlamelo ndo wa kɛsɔ” mbele lo dihole dia lowandji la Teokrasi lanɛ la nkɛtɛ. (Mat. 24:45-47, NW) Dia sho tshɔkɔma oma le Jehowa, sho pombaka kamba kâmɛ l’ɔlɔngɔswamelo wakamba “ɔhɔmbɔ” lawɔ olimu. (Enda lo Heberu 13:17.) Jehowa ayotofuta oma lo kɔlamelo yaso ndo lo saki kaso ka kitanyiya ɛlɛmbɛ ande, lo tosha wolo wele laso ohomba wa wonya wasungana.—Heb. 4:16.
5 Lo Tshikalaka Suke l’Anangɛso: Ngandji kele djembetelo ya mbeya ambeki wa Yeso. (Joa. 13:34, 35) Oko weso onto l’onto la lonto lotshikitanyi, lohetsho mbeyaka monga l’asaso. Sho pombaka ndjâla l’etema woludi tɔ la kɛtshi, lo dimanyiyanaka l’asaso. (Ef. 4:32) Dikambo sɔ tokimanyiyaka dia sho ndjâla suke l’anangɛso wa lo mbetawɔ ndo dia keketshama oma lo woho wakikɛso ehemba la kɔlamelo tshɛ. Sho kondjaka wolo w’oma le Nzambi wayotokimanyiya dia sho tondoya ehemba wa woho akɔ ‘lam’eyaso ɔnɛ asui wa woho akɔ wâmɛ mbasowa nkumbo k’otondo k’anangɛso.’—1 Pet. 5:9.
6 Lo Ndjalaka la Ekongelo ka Dimɛna ka Wekelo w’Onto Ndamɛ: Naka sho keketsha yimba yaso l’otema aso lo nyuma, kete tayokoka shika tanga la ntondo ka ɛsɔmbwɛlɔ wa Satana. (1 Pet. 5:8) Ekongelo ka dimɛna ka wekelo w’onto ndamɛ ayotokimanyiya dia sho fudia otshumu aso w’ewo kendana la Nzambi. La ntondo k’ekakatanu wa lushi la lushi, sho tayokoka tɛkɔla oma lo kɛnɛ kakatombe. Paulo akɛnya ɔnɛ ekɔ ohomba efula ndjâla la “ewo k’oshika” dia kondja panda. (1 Tim. 2:3, 4, NW) Ekɔ ohomba dia sho ndɛka mbo ya lo nyuma tena tshɛ.
7 L’atei w’etshumanelo k’Akristo mbakokaso tana kɛnɛ tshɛ kele ohomba dia sho ndjâla nge. Naka sho sukɛ elimu wa l’etshumanelo l’otema ɔtɔi, kete mɛtɛ ‘tayɔkɛndakɛndaka ko hatotɔkɔ.’—Is. 40:29-31.