Wekelo wa Prɔfɛsiya ka Danyɛlɛ
1 Tatɛ oma lo lomingu la Ngɔndɔ ka Nɛi 17, tayeka dibuku Prêtons attention à la prophétie de Daniel ! lo Wekelo wa Dibuku wa l’Etshumanelo. Efula wamboshilaka mbadia dibuku sɔ dia dimɛna efula, koko kakianɛ tambokondja diaaso dia sangana kâmɛ l’olui woho wa kɛtshanya awui w’amɛna wele lo dibuku sɔ ko kondja ɛlɔlɔ w’oma lo tshelo shɔ. Apandjudi tshɛ, angɛnyi wa mɛtɛ ndo ana mbelamɛka ndo keketshamaka efula dia mongaka lomingu tshɛ lo wekelo wa dibuku dia lo Bible dielɛwɔ Danyɛlɛ.—Euh. 31:12, 13.
2 Ekongelo ka wekelo ndo alako: Ekongelo k’otondo ka wekelo wa dibuku Prophétie de Daniel kekɔ lo numɛlɔ kɛnɛ k’Olimu Aso wa Diolelo. Sala tshɛ dia momba ekongelo kɛmɔtshi lo dibuku diayɛ dia wekelo. Ekongelo mɛnyaka tshapita la edingɔ w’oma lo dibuku ndo avɛsa w’oma lo mukanda wa Danyɛlɛ wayekamaka lomingu tshɛ. Nɔtɛ ya l’ɛse ka dikatshi nembetshiyaka woho ndo etena kayekama awui amɔtshi wa lo dibuku. Lomingu tshɛ, l’ekomelo ka wekelo, ɔnɔmbɔdi keketshamaka dia mvusola avɛsa w’oma lo mukanda wa Danyɛlɛ wakashilama lo ekongelo ka lomingu lakɔ, kâmɛ l’olui wa wekelo wa dibuku. Naka wonya wekɔ, avɛsa akɔ kokaka mbadiema ndo nembetshiyama. Avɛsa amɔtshi wayadiemaka kânga mingu hiende y’etondo naka elembetshiyelo k’avɛsa akɔ kekɔ lo tatetemala.
3 Lɔngɔsɔlaka wekelo dimɛna dimɛna: Wakasale tshɛ dia tana wonya wayonyokoka mana etenyi kahombama mbekama lomingu tshɛ di’aha wekelo salema lowango lowango. Ekɔ wekelo ɛnɛi wele tomondo efula. Diakɔ diele, l’ekomelo ka wekelo wa lomingu la Ngɔndɔ ka Samalo 5, ɔnɔmbɔdi koka mbidja ovuswelo wa Danyɛlɛ 2:1-40. Lo lomingu la Ngɔndɔ ka Samalo 26, nde koka mvusola Danyɛlɛ 3:1-30. Lo lomingu la Ngɔndɔ ka Divwa 4, pombaka kɛtshanya akambo wendana l’esato ndo la avɛsa wele lo lɛkɛ 139 dimɛna dimɛna. Asango wele lo ndjɛkɛ 188 ndo 189 pombaka nembetshiyama lo lomingu la Ngɔndɔ ka Dikumi 2.
4 Lɔngɔsɔlaka wekelo wa dibuku lomingu tshɛ dimɛna ndo shaka kɔmatɛrɛ lɔkɔ. Ngɛnangɛna diɛsɛ diele layɛ dia kamba kâmɛ l’ɔlɔngɔswamelo wɛnama waki Jehowa ndo kondja wahɔ oma lo yimba ndo oma lo eokelo kakondjaso oma le akitami ande w’esɔ wa kɔlamelo. (Dan. 12:3, 4) Keketsha anto akina la ngandji tshɛ dia vɔ mbɔtɔka lo wekelo wa dibuku mbala la mbala. Nyɛsɔ sho tshɛ todje yimba lo ɔtɛkɛta wa prɔfɛsiya waki Nzambi oko wakawashɔma lo dibuku nɛ dia Danyɛlɛ diele ndo l’awui wa wɔma.—Heb. 10:23-25; 2 Pet. 1:19.