Ekadimwelo lo ambola anyu

◼ Onde ekɔ dimɛna dia opandjudi funda adrɛsɛ ande w’Ɛtɛrnɛtɛ lo ekanda washaso anto?

Apandjudi amɔtshi mataka kana fundaka adrɛsɛ awɔ w’Ɛtɛrnɛtɛ lo periodikɛ kana lo traktɛ yashawɔ anto. Lo sala ngasɔ, wanɛ wetawɔ ekanda ndjongaka la akoka wa fundɛ opandjudi dia mbeya awui akina. La kanyi y’ɔlɔlɔ mbadjama welo ɛsɔ dia kimanyiya anto wɛnya nsaki. Koko, adrɛsɛ aso w’Ɛtɛrnɛtɛ wamboshilaka fundama lo dikatshi di’ekomelo dia periodikɛ ndo dia traktɛ. Lâsɔ, hatonga dimɛna dia opandjudi mata kana funda adrɛsɛ ande hita lo ekanda washande anto.

Opandjudi ndamɛ mbakoka mbɔsa yɛdikɔ ya kana nde koka fundɛ onto adrɛsɛ ande lo kiatshikatshi, djekoleko etena kasalande wendelo w’oyoyo. Sho apandjudi mbahomba mbɔsa yɛdikɔ ya tenda anto wakɛnya nsaki lo dihole dia tshika dia vɔ toyanga dia nyomeya awui efula. Ndjakiyanya ka la otema ɔtɔi kokaka mɛnama esadi eto etena kasawolaso l’onto elungi lo elungi.