BIBLIƆTƐKƐ WA LO ƐTƐRNƐTƐ wa Watchtower
Watchtower
BIBLIƆTƐKƐ WA LO ƐTƐRNƐTƐ
Ɔtɛtɛla
  • BIBLE
  • EKANDA
  • NSANGANYA
  • g25 No. 1 lk. 4-5
  • Etawɔ akambo woho wewɔ

Ndooko vidɛo yele lo kɛnɛ kɔsɔnyiyɛ.

Otokimwe, munga kakongi etena kakayatelesharjɛki vidɛo.

  • Etawɔ akambo woho wewɔ
  • Emɔ!—2025
  • Ɛtɛ w'awui wahɔnyi
  • Awui wa woho akɔ
  • OHOMBA WA DUI SƆ
  • KƐNƐ KAKOKAYƐ NSALA
  • Wodelo w’eshinga wa diangɔ l’andja w’otondo​—Kakɔna kata Bible lo dikambo sɔ?
    Akambo akina
  • Ɛtɛ w’awui
    Emɔ!—2025
  • Onga l’elongamelo
    Emɔ!—2025
  • Kamba la falanga yayɛ la lomba tshɛ
    Emɔ!—2025
Enda awui akina
Emɔ!—2025
g25 No. 1 lk. 4-5
Esato womamatanyi: 1. Womoto ɔmɔtshi ambɔsɔna mata l’andja wa lobingu. 2. Nde osha ɔnɛ lasondja falanga.

KƐNƐ KA NSALA ETENA KATADƐ DIANGƆ ESHINGA

Etawɔ akambo woho wewɔ

Etena katadɛ diangɔ eshinga, mbeyaka monga dui dia wolo le so dia nshihodia, djekoleko naka difuto diaso diekɔ lo tadɛ. Koko, etena kadɛ diangɔ eshinga ko difuto diaso diekɔ paka woho akɔ waamɛ, sho koka ndjakiyanya ndo monga la lonyangu djekoleko naka sho pombaka nkotsha ehomba w’ase nkumbo kaso.

Ndooko kakokaso nsala dia nshimba diaha diangɔ mbidɛ eshinga. Koko lo mbetawɔ akambo woho wewɔ, sho koka ndjakondjɛ wahɔ.

OHOMBA WA DUI SƆ

Anto wetawɔ akambo woho wewɔ etena kadɛ diangɔ eshinga koka nsala awui wayela anɛ aha l’okakatanu . . .

  • tshikala ki. Etena keso ki, sho ndekaka kanyiya dimɛna ndo mbɔsaka tɛdikɔ t’amɛna.

  • mbewɔ awui wakoka nkonya lo waale. Ɛnyɛlɔ, hatonga dui dia lomba le so dia ntona dia mfuta abasa kana tshupa falanga lo diangɔ diele bu ohomba.

  • mbewɔ mana l’ase nkumbo kayɛ l’ɔtɛ wa falanga.

  • sɛdingola kɛnɛ kakokaso nsala dia nsomba kɛnɛ kele la so ohomba, dui sɔ koka nembetshiya dia sho pombaka nkitshakitsha adepasɛ ndo nshikikɛ diangɔ diele la so mɛtɛ ohomba.

KƐNƐ KAKOKAYƐ NSALA

Onga suke dia ndjaekesanyiya. Etena kadɛ diangɔ eshinga, ekɔ dui dia lomba nkitshakitsha adepasɛ naka kokaka. Anto amɔtshi salaka adepasɛ woleki ndo falanga yakondjawɔ ndo dui sɔ mbakonyɛka lɔsɛnɔ edika w’edika! Etombelo wonga la dui sɔ ele anto wa ngasɔ nɛmbaka efula, etena kele naka vɔ wekɔ la nkumbo, kete vɔ pombaka ndjakiyanya dia nkotsha ehomba awɔ! Koko lama dikambo nɛ lo yimba: Ase nkumbo kayɛ wekɔ l’ohomba wa wɛ mbowaoka ngandji, mbetsha wenya kaamɛ la wɔ ndo ndjasha le wɔ oleki diangɔ dikina tshɛ.

“Onde ekiyanu ayɛ tshɛ koka ntaloya lɔsɛnɔ layɛ kaanga yema? Ndooko!”—Luka 12:​25, New Living Translation.

“Tanyoyakiyanyake pondjo dikambo dia loyi, nɛ dia loyi ayonga la ekiyanu alɔ. Lushi la lushi lekɔ la ekakatanu alɔ.”—Mateo 6:34.

Anto amɔtshi salaka adepasɛ woleki ndo falanga yakondjawɔ ndo dui sɔ mbakonyɛka lɔsɛnɔ edika w’edika

Phazilya.

“Oko wakate Bible lo 2 Timɔte 3:​1, tekɔ lo nsɛna lo ‘tena dia wolo mbikikɛ.’ Diakɔ diele, halambe etena kahomanami l’ekakatanu wendana l’ekondjelo ndo kadɛ diangɔ eshinga. Dimi salaka la wolo dia ndjaekesanyiya lo nyanga toho ta nkitshakitsha adepasɛ diaha nsomba diangɔ diemi bu la diɔ ohomba.”—Phazilya, Azerbaïdjan.

    Ekanda wa l’Ɔtɛtɛla (1983-2025)
    Tomba
    Ɔtɔ
    • Ɔtɛtɛla
    • Kahana l'onto
    • Nango
    • Copyright © 2025 Watch Tower Bible and Tract Society of Pennsylvania
    • Ɛlɛmbɛ w'okambelo
    • Awui wa sheke
    • Paramètres de confidentialité
    • JW.ORG
    • Ɔtɔ
    Kahana l'onto