“Kgopolo Ya me Ka Tiro ya Ngaka E Fetogile”

AKANE, mosetsanyana wa dingwaga tse nnè wa kwa Osaka, kwa Japane, o ne a na le mathata a a raraaneng a pelo—belofo ya tricuspid e ne e tswalegile le ntha e e fa gare ga tshika e kgolo ya kafa molemeng le ya kafa mojeng e ne e sa siama—mme o ne a tshwanetse go ariwa karo e kgolo tota. Batsadi ba gagwe ba ne ba kopa dingaka thata gore di mo are di sa mo tshele madi.a

Go ara bana dipelo o sa dirise madi go bokete thata gonne bana ga ba na madi a mantsi. Dingaka di ne tsa dumela go ara Akane di sa mo tshele madi. Ba ne ba supa botswerere jwa bone mo go tsa kalafi mme ba ne ba kgona go ara Akane. O ne a fola ka bonako mme jaanong o itekanetse sentle.

Mmaagwe Akane o ne a kwalela dingaka tse di neng di mo ara, a tsentse senepe sa bosheng sa ga Akane. Ngaka e e dirang ka diidibatsi e ne ya araba lokwalo lwa ga mmaagwe Akane. Karolo ya lekwalo leo e balega jaana:

“Tsela e e gakgamatsang e Akane a folang ka yone e a re itumedisa. Ke ne ka se ka ka kgona go itshwara gore ke se ka ka lela fa ke ne ke bona senepe se sentle se o neng o se tsentse mo lekwalong. Ke ne ke sa tshwenngwe ke gore karo e ne e le bokete mme ke ne ke tshwenngwa ke dilo tse di farologaneng tse nna le wena re neng re di dumela. Jaanong, ke lebogela se ke se ithutileng ka seno, mme kgopolo ya me kaga tiro ya ngaka e fetogile. Dingaka di tshwanetse tsa dirisa kitso e e nonofileng ya tsone ya kalafi go boloka matshelo mme ba tshwanetse go tlotla seriti sa molwetsi le go dira kafa a eletsang ka teng.”

[Ntlha e e kwa tlase]