Botshelo le Bodihedi tsa ga Jesu

Jesu o Leba Gape Kwa Jerusalema

KA BONAKONYANA fela Jesu o wela gape mo tseleng, a tsamaya a ruta mo metseng e megolo le mo metsaneng yotlhe. Ka phepafalo o mo kgaolong ya Perea, go kgabaganya Noka ya Joredane mo Judea. Mme o ya kwa Jerusalema.

Botlhajana jwa Bajuda jwa gore ke palonyana e e rileng fela e e tla bonang poloko e ka tswa e le jone jo bo dirang gore monna yono a bot se jaana: “Morèna, ba ba bolokwañ a ba babōtlana?” Fa a araba, Jesu o dira gore batho ba akanye ka se se tlhokafalang gore motho a bolokwe: “Ganèlañ [ke gore, lwelang, kana ipateleleng] go tsèna ka kgōrō e e pitlaganyeñ.”

Maiteko a a ntseng jalo a magolo a tshwanetse go dirwa ka bonako “gonne kea lo raea, bantsi,” Jesu o a tswelela, “ba tla batla go tsèna, me ba tla retelèlwa.” Ke ka ntlhayang fa ba tla palelwa? O tlhalosa gore “E tla re ha muñ oa ntlo a setse a nanogile, me a cwadile ntlo, me lo simolola go èma kaha ntlè, lo kgwanyakgwanya secwalō, lo re, Morèna, Morèna, re bulèlè,” ene o tla re: “Ga ke lo itse kwa lo cwañ gōna; ntlogèlañ lona lotlhe badihi ba tshiamololō!”

Go bonala sentle gore ba ba tswaletsweng kwantle ba itletse ka nako e e leng ya bone. Mme ka nako eo lebati la tshiamelo le tswetswe le bile le notletswe. Fa ba ne ba batla go tsena ba ne ba tshwanet se go bo ba tlile go sale gale, lemororo gongwe nako eo e ne e sa ba siamela go dira jalo. Eleruri, diphelelo tse di hutsafatsang di emetse botlhe ba ba tlhokomologang go dira kobamelo ya ga Jehofa selo se segolo mo botshelong!

Bajuda bao Jesu a romilweng go tla go ba rerela, gantsi, ba ile ba palelwa ke go itseela tshiamelo e e gaisang ya go ikamogelela paakanyetso ya Modimo ya poloko. Jalo Jesu o bolela gore ba tla lela le go phuranya mena fa ba latlhelwa kwa ntle. Mo letlhakoreng je lengwe, batho ba ba tswang kwa “botlhabatsatsi, le kwa bophirimatsatsi, le kwa botsheka, le kwa borwa,” ee, go tswa mo merafeng yotlhe, “ba tla du la mo bogosiñ yoa Modimo.”

Ka jalo, fela jaaka Jesu a tswelela go bolela: “Go na le ba moragō [batho bao eseng Bajuda ebile ba sotliwa, le Bajuda ba ba lebelwang kwa tlase] ba ba tla nnañ ba pele, go bile go na le ba pele [eleng Bajuda ba ba humileng le ba badumedi] ba ba tla nnañ ba moragō.” Go nna wa morago go raya gore batho ba ba botshwakga, ba ba sa lebogeng ga ba kit la ba nna gone mo Bogosing jwa Modimo.

Bafarasai jaanong ba tla kwa go Jesu mme ba mo raya ba re: “Cwa mono, u tsamaeè, gonne Herode [Antipase] o rata go bo a ka gu bolaea.” E ka nna ya nna gore Herode ke ene yo o simolotseng go gasa kgang eno e e seng yone gore Jesu a tswe mo lefelong leo. Herode o ka nna abo a ne a tshaba gore o tloga a kopanyelediwa mo losong lwa moperofeti yo mongwe gape wa Modimo fela jaaka a ne a bolaya Johane Mokolobetsi. Mme Jesu o raya Bafarasai are: “Eañ, lo reè phokoyè euō, lo re, Bōna, ke kgoromeletsa badimo ntlè, ke hodisa gompiyeno le ka moshō, me e tla re ka letsatsi ya boraro ke be ke dihwa boitekanèlō.”

Morago ga go wetsa tiro ya gagwe koo, Jesu o tswelela ka loeto lwa gagwe lwa go ya Jerusalema ka go bo, jaaka a tlhalosa, “ga go kake ga nna, go re, moperofeti o ka shwèla kwa ntlè ga Yerusalema.” Ke ka ntlhayang fa go ne go lebeletswe gore Jesu o ne a tla bolaelwa mo Jerusalema? Ke ka go bo Jerusalema ke motse-mogolo, koo maloko a a 71 a kgotla-kgolo ya Sanhedriñ a leng gone, le koo ditlhabelo tsa diphologolo di direlwang gone. Ka jalo, go tla bo go sa dumelesege gore “Kwana [ya] Modimo” e bolaelwe gope fela fa e se mo Jerusalema.

“Yerusalema wè! Yerusalema wè! wèna eo u bolaeañ baperofeti, u kgobotletsa ka mayè ba ba roñwañ kwa go wèna,” Jesu o a lela, “ke ka bo ke phuthile bana ba gaga mmōgō gantsi yañ, yaka koko e tle e phuthèle mamphorwana a eona mo diphukeñ tsa eōna, me lo ganne. Bona, ntlo ea lona lo e tlogelecwe e le letlōtla hèla.” Morafe otlhe o ne o hutsitswe, ka go gana Morwa Modimo.

Jaaka fa Jesu a tswelela go leba Jerusalema, o lalelediwa kwa ntlong ya kgosi ya Bafarasai. Ke Sabata, mme batho ba mo tlhokometse fela thata, ereka go na le moñ na mongwe foo yo o tShwerweng ke bolwetse jwa pudulogo ya metsi, eleng go tlala ga metsi mo mabogong a gagwe le mo dinaong. Jesu o botsa Bafarasai le baitse ba Molao ba ba foo, a re: “A go lètlèlecwe go hodisa ka letsatsi ya sabata, kgotsa nya?”

Ga go ope yo o buang sepe. Jalo Jesu o fodisa monna a bo a mo laela gore a tsamaye. Morago o botsa jaana: “Ke ohe oa lona eo e ka reñ ha a na le esela, leha e le kgomo, ha e wetse mo sedibeñ, me a se ke a akoha a ea go e ntsha hèla ka letsatsi ya sabata?” Ga go ope yo o mo arabang gape. Luke 13:22–14:6; Yohane 1:29.

◆ Ke eng seo Jesu a bontshang gore se a tlhokatala go boñ a poloko, mme ke ka ntlhayang ta ba bantsi ba tswaletswe kwantle?

◆ Ke bomang ba “moragō” ba ba tla nnang ba pele, le ba “pele” ba ba tla nnang ba morago?

◆ Lebaka e ka tswa e ne e le lete la gore go bolelwe gore Herode o ne a batla go bolaya Jesu?

◆ Ke ka ntlhayang fa go ne go sa tshwanela gore moperofeti a bolaelwe ka kwantle ga Jerusalema?