Pego ya Baboledi ba Bogosi
‘Thobo E Budule’ mo Burma
◻ LEFATSHE le lentle la Burma le na le baboledi ba mafoko a a molemo ba ba fetang 1 500. Dikopano tsa bone tsa bosheng di ne tsa tshwarwa ka dipuo tsa se-Burma, se-Lushai, le se-Haka Chin, ka palogotlhe ya batla-kopanong ba le 2 273. Maitemogelo a a latelang a bontsha kgatlhego e e leng gone mo bathong ba seka-dinku mo molaetseng wa Bogosi mme a gatelela seo Johane a neng a se bona mo ponatshegelong: “Mabele a lehatshe a omeletse.”—Tshenolō 14:15.
Se ne sa Diragala kwa Dinam
Fa a ntse a le mo tirelong ya ntlo le ntlo mo Matupi, mmulatsela mongwe yo o kgethegileng o ne a kopana le moithuti mongwe yo a neng a batla go itse thata ka dihele. Fa a ne a tlhalosediwa gore go ya ka Bibela dihele ke lebitla la batho le le tlwaelegileng, o ne a gakgamala thata. O ne a seka a kgona go itsholela seo mme o ne a batla go bolelela balosika lwa gagwe kwa motseng wa Dinam. Ka malatsi a sekolo a boikhutso, o ne a boela kwa motseng wa gaabo mme a feta a phatlalatsa boammaaruri jo a neng a bo itse ka dihele. Mogatsa kgaitsadie o ne a kgatlhegela go itse mo go oketsegileng, ka jalo o ne a boela le moithuti yono kwa Matupi go bua le mmulatsela yoo ka boene. O ne a nna dibeke tse dintsi mo Matupi a ithuta le mmulatsela. Moragonyana, mo loetong lwa gagwe lwa bobedi kwa Matupi, o ne a kopa mmulatsela go etela motse wa bone, ka go bo, a ne a bolela go re, go ne go na le batho ba bantsi ba ba kgatlhegang koo. Babulatsela botlhe ba bararo bao ba ne ba amogela taletso eo ka boitumelo. Go ne ga ba tsaya letsapa la dioura di le 12 go fitlha kwa Dinam.
Go ne go na le phitlho mo letsatsing leo babulatsela ba gorogileng ka lone kwa Dinam, mme batho ba ba tswang kwa metsaneng e e gaufi le bone ba ne ba le teng go ikutlwela go le gontsi ka dihele tseno tsa Bibela. Ba ne ba sianela go ya go bona baeng. Puisano ya Bibela a ne ya simolola go tloga ka 7:00 maitseboa go fitlha ka 1 1:00 bosigo. Motho mongwe yo o akanyetsang mo boidiiding joo o ne a emisa dipuisano tseo ka 11:00 bosigo, a le gore babulatsela ba ka ikhutsa le go simolola gape letsatsi le le latelang. Mo mosong o o latelang, ba ne ba simolola puisano ya Bibela go tloga ka oura ya bosupa mme ba tswelela go fitlha ka oura ya bolesome bosigo, ba ikhutsa go le gonnye fela fa baa ja. Fa babulatsela ba tloga mo motseng, batho ba sekadinku ba ne ba ba kopa gore ba boe gape mme ba tle go senya nako e e oketsegileng le bone. Abo a ne a le tshiamelo e e molemo jang ne go thusa batho ba ba batlang go rutwa bao mafoko a a molemo a Bogosi. Eleruri, thobo a ‘budule’ mo Burma!
Go Bona Boammaaruri ka Buka e e Latihilweng
◻ Monna mongwe mo Burma o ne a etetse tsala ya gagwe e e rekisang dibuka le dikoranta le dipampiri tse di latlhilweng fa a ne a bona buka nngwe a kgologolo e e senang matlhare a kafa ntle mo matlakaleng. O ne a e sela mme a simolola go a bala. E ne ya mo kgatlha go ise go a kae. E ne e le buka ya Mokgatlho wa Watch Tower Go Reetsa Morutisi yo Mogolo. O ne a kwalela of isi ya lekala ya Mokgatiho go mo romelela dibuka tse di oketsegileng. Ofisi ya lekala a ne ya romela mmulatsela ka bonako fela go mo etela. Go ne ga simololwa thuto le ene, mme morago ga dithuto di sekae fela, o ne a lemoga gore ke boammaaruri mme a simolola go latlha mekgwa e e maswe e e mo botshelong jwa gagwe mme morago o ne a senya le medimo ya gagwe ya disetwa ya Sehindu. Go ise go a kae, ene le morwadie yo motona ba ne ba ineela go Jehofa mme ba kolobediwa. Jaanong ke mmulatsela wa ka metlha.
Ka boammaaruri, “thobo a kgolo rure, me barobi ba bannye” mo tshimong e e ungwileng ya Burma.—Mathaio 9:37, 38.