Kopano ya Kgaolo ya “Poifo-Modimo”

MOAPOSETOLOI Paulo o ne a kwala jaana. “Mo metlheñ ea bohèlō go tla tla dipaka tse di tlhokohatsañ. Gonne batho ba tla nna . . . barati ba dikgatlhègō, bogolo go go nna barati ba Modimo; E le ba ba chotseñ sechwanchō hèla sa poihō-modimo, me thata ea eōna ba a latotse.”—2 Timotheo 3:1-5.

Abo mafoko ao a tlhalosa bontsintsi jo bogolo jwa bao ba ipolelang gore ke Bakeresete a ba tlhalosa sentle jang ne! Go ya ka moruti mongwe, “gompieno dikereke di le dintsi thata di fetogile go nna . . . mafelo a boitlosobodutu.” Se se farologaneng le seo ka mo go tlhomologileng, balatedi ba boammaaruri ba ga Keresete ke batho “ba ba tlhōahaletseñ ditihō tse di molemō.” (Tito 2:14) Balatedi ba ga Jesu ke “lecwai ya lehatshe” le “lesedi ya lehatshe.”—Mathaio 5:13, 14.

Dikopano tsa rona tsa ngwaga le ngwaga, tsa kgaolo, tsa semorafe, le tsa meraferafe, ke dingwe tsa dikarolo tsa kobamelo ya rona tseo di re dirang gore re nne batho bao re leng ba mofuta wa rona fela. Setlhogo sa dikopano tsa rona tsa kgaolo tsa 1989 ka bosone, eleng “Poifo-Modimo,” se bontsha boleng jwa kobamelo ya rona eo a dirang gore re tlhomologe jaaka batho ba ba farologaneng le ba bangwe.

Dikwalo di otlelela ka moo poifo-modimo e leng botlhokwa ka gone. Kopano eno a tlile go nna tshono a nngwe gape ya go “[ithapisa ka boikaelelo jwa go nna le poifo-modimo, NW] Gonne go tshikinya mmele go molemō mokutshane; me poihōmodimo e molemō kaga dilō cotlhe, ka e na le choloheco kaga botshelō yoa gompiyeno, le kaga yōna yo bo tla tlañ.” (1 Timotheo 4:7, 8) Gape 1 Timotheo 6:6 a bolela jaana: “Me poihō-modimo e e nañ le pelo e e ritibetseñ ke papadi e kgolo.” Jesu Keresete ke sekao sa mmatota sa poifomodimo.—1 Timotheo 3:16.

Lefoko la Segerika leo le ranotsweng go nna “poifo-modimo” ke eu·seʹbei·a. Mo Bakereseteng ke “mofuta o o kwa godimodimo wa go dira dilo ka poifo mo Modimong.” Go dira dilo ka poifo ke “go diragatsa maikarabelo a bodumedi ka tlhoafalo le ka tlhagafalo.” Poifo-modimo ke karabelo e e tswang pelong eo a tlhotlheletsang motho gore a tshele ka tsela eo a itumedisang Modimo. E raya gore o nne motho wa Modimo. Abo re tshwanetse ra nna kelotlhoko jang ne gore lemororo re le mo lefatsheng, re seke ra nna karolo ya lone! Go boifa Modimo go tla re dira gore re seka ra dira dilo tse di sa siamang, mme poifomodimo a re tlhotlheletsa gore re dire seo se itumedisang Modimo. Ka mo go kgothatsang, mo go 2 Petere 2:9 (NW) re tlhomamisediwa gore “Jehofa o itse go golola bao ba nang le poifomodimo mo thaelong.”

Gore re nne le poifomodimo go tlhokega gore re tseye Modimo le Lefoko la gagwe ka tsela e e masisi. Gore motho a bontshe poifomodimo, go tlhokega gore a itse Modimo sentle mme morago ga foo a dire tumalanong le seo a se itseng seo. Go batla gore motho a amege ka tlhokafalo ya gagwe ya semoya. Ka ntlha ya go bo go bontsha ga rona poifo-modimo ka mmatota go le botlhokwa jaana, re tlhoka thuso yotlhe eo re ka kgonang go a bona. Dikopano tsa rona tsa kgaolo di tla dira go le gontsi go re neela thuso eo. Re tia rutiwa ka moo re ka bontshang poifo-modimo ka gone mo dikarolong tsotlhe tsa matshelo a rona, go dirisiwa dipuo, dipontsho, le dipotsolotso.

Re batla go nna Bakeresete ba boammaaruri mme ka go dira jalo re tlhomologe jaaka batho ba ba farologaneng le lefatshe. Ka jalo nna gone kwa dikopanong tseno o na le keletso a kgolo ya dijo tsa semoya. Tlhokomela gore o nne gone fa go opelwa pina e e simololang mo mosong wa ntlha, mme o nne go fitlhelela ka pina e e konelang le thapelo mo thapameng ya bofelo. Tlhoma mogopolo wa gago kwa seraleng fa fela thulaganyo e ntse a tsweletse. Lwa kgatlhanong le thaelo kana tshekamelo ya go nna o eta fa thulaganyo a ntse a tsweletse. Tlaa o ipaakanyeleditse go kwala dintlha. Fa o reetsa thulaganyo eno ka kelotlhoko, o tla bo o iketleeleditse ka botlalo go feta lefa a le leng pele go bontsha poifomodimo mo dikarolong tsotlhe tsa botshelo: mo sedikong sa lelapa, mo phuthegong, le mo bathong ba ba kwa ntle.