Dithuto tse di Tswang mo Dikwalong: Hosea 1:1–14:9
Jehofa Modimo wa Rona o Pelotlhomogi
JEHOFA ke “Modimo o o maichwarelo; u pelo chweu, a tletse bopelotlhomogi, u bonya go galeha, me a letlotlo ya boutlwelo botlhoko.” (Nehemia 9:17) O dira go ya ka ditekanyetso tsa gagwe tsa tshiamo mme o laletsa baleofi botlhe go sokologa le go ipelela kamano e e molemo le ene. Abo seno se ne sa bontshiwa sentle jang ne ke seo Modimo o neng wa se bolelela Baiseraele ba diganana ka moperofeti wa gagwe Hosea!
Buka ya Bibela e e bidiwang Hosea a ne ya konelwa ke moperofeti yono mo kgaolong ya Samaria morago ga go direla ka lobaka to loleele Iwa dingwaga tse 59 (go tloga mo a ka nnang ka 804 B.C.E. go fitlha morago ka 745 B.C.E.). Hosea a ne a le moperofeti wa bogosi jwa ditso tse di lesome tsa Iseraele mo metlheng ya ga Kgosi Jeroboame II le babusi ba Juda bo Usia, Jothame, Ahase, le Hesekia. (Hosea 1:1) Ka go bo Iseraele a ne a sa reetse boikuelo jwa gore a ikwatlhae, morafe oo o ne wa thopiwa ke Baasiria, mme motsemogolo wa one, Samaria, o ne wa senngwa ka 740 B.C.E. Lefa boperofeti jwa ga Hosea bo ne bo lebisitswe mo bathong ba dingwaga tse di makgolokgolo tse di fetileng, bo santse bo ka re ruta ka bopelotlhomogi jwa Modimo wa rona, Jehofa.
Boganana jwa Baiseraele
Jehofa o bontsha baleofi bopelotlhomogi jwa gagwe fela fa ba ikwatihaya go tswa pelong. (Pesalema 51:17; Diane 28:13) Go batla ga Modimo go bontsha Baiseraele bopelotlhomogi go ne ga supiwa ke ditirisano tsa ga Hosea le mosadi wa gagwe, Gomera. O ne a tsaya “mosadi oa boaka” fela jaaka a ne a laetswe. Morago ga go nna le ngwana a le mongwe le Hosea, go bonala gore Gomera o ne a nna le bana ba babedi ba boaka. Lefa go le jalo, ka bopelotlhomogi moperofeti yoo o ne a tsaya mosadi wa gagwe gape. Ka mo go tshwanang, mo go Jehofa Iseraele o ne a tshwana le mosadi yo o sa ikanyegeng, yoo a neng a bolela fa masego a gagwe a tswa mo modimong wa maaka eleng Baale. Mme Jehofa o ne a ikemiseditse go ba bontsha bopelotlhomogi fa ba ne ba ikwatlhaela boaka jwa bone jwa semoya.—1:1–3:5.
Baleofi ba ba baHang bopelotlhomogi jwa bomodimo ba tshwanetse go tlogela tsela ya bone ya boleo mme ba tshele go ya ka kitso ya Modimo. (Pesalema 119:59, 66, 67) Jehofa o ne a na le kgang ka tshwanelo le baagi ba Iseraela ka go bo boammaaruri, boutlwelobotlhoko, le go itse Modimo di ne di seo mo lefatsheng la bone. Ereka ba ne ba ganne kitso, Jehofa o ne a tla ba gana. Iseraele le Juda di ne di tla otlhaelwa boaka jwa tsone. Mme go ne ga bolelelwa pele gore ba ne ba tla batla Modimo fa ba ne ba iphitlhela ba le “mo pitlaganon.”—4:1–5:15.
Go Roba Setsuatsue!
Gore baleofi ba tlhomogeIwe pelo ke Modimo ba tshwanetse go dira ditiro tse di tshwanelang boikwatlhao. (Ditihō 26:20) “Ntlon, re boelen kwa go Yehofa,” Hosea o ne a ba kopa jalo. Mme boutlwelobotlhoko jwa Iseraele (yo o neng a bidiwa Eferaima ka ntlha ya lotso to logolo lwa gagwe) le Juda di ne di ntse “yaka monyo o o tlon o phakele o tloge.” Batho ba ne ba tlotse kgolagano ya Modimo mme ba sa dire ditiro dipe tse di bontshang boikwatlhao. Ba ne ba senka thuso mo go Egepeto le Asiria, ‘jaaka lephoi le le boeleele, le le senang tlhaloganyo.’ Mme dikgato tseno tsa bopolotiki di ne di ka se ba thuse ka sepe fela jaaka “bora yo bo laologilen” jo bo ka se kang jwa kgona go thuntsha marumo.—6:1–7:16.
Go re ba ba batlang bopelotlhomogi jwa Modimo ba robe se se molemo, ba tshwanetse go jala se se molemo. (Bagalatia 6:7, 8) Ka go bo Baiseraele ba ne ba latlhile se se molemo, ba ne ba roba se se bosula. ‘Ba ne ba nnela go jala pheho, mme ba ne ba tla roba setsuatsue.’ Modimo o ne o tla “kgopholola maleo a bone,” mme ba ne ba tla roba eseng bopelotlhomogi jwa gagwe mme katlholo ya gagwe e e botlhoko. Ba ne ba tla nna “bakaidi hela mo merahin,” gongwe seemo seno se boi-fisiwa ke go fenngwa ga bone ke Baasiria.—8:1–9:17; Duteronome 28:64, 65; 2 Dikgosi 15:29; 17:1-6, 22, 23; 18:9-12; 1 Ditihalō 5:26.
Re tla nna re ntse re ikamogelela bopelotlhomogi jwa Modimo fa fela re tswelela re ntse re anaanela dilo tse di boitshepo. (Bahebera 12:14-16) Baiseraele ba ne ba sena kanaanelo e e ntseng jalo. Go na le gore ba jale loungo Iwa tshiamo le go roba se se tshwanetseng eleng bopelotlhomogi, ba ne ba jala boikepo mme ba roba tshiamololo. Modimo o ile wa bitsa Iseraele go tswa kwa Egepeto jaaka morwa, mme lorato Iwa Gagwe to ne Iwa duelwa ka go sa ikanyegeng. “Boela Modimon oa gago: tshegetsa boutlwelo botlhoko le katlholo,” Jehofa o ne a ba gakolola jalo. Mme Eferaima o ne a nna a dira ditiro tse di maswe thata mme o ne a tshwanelwa ke kgalemelo go na le bopelotlhomogi.—10:1–12:14.
Boela Kwa go Jehofa
Le eleng ba ba dirang diphoso tse di masisi ba ka boela kwa go Jehofa mme ba bontshiwa bopelotlhomogi. (Pesalema 145:8, 9) Hosea o ne a lebisa gape go bopelotlhomogi jo bo lorato jwa Modimo mo Baiseraeleng. Lefa morafe o0 o ne wa tsuologela Jehofa, o ne a o solofetsa gore o ne a tla o tsosolosa gape, ka go re: ‘Ke tla ba golola mo phupung; ke tla ba rekolola mo losong.’ Samaria (Iseraele) o ne a tla duelela go tlhoka kutlo ga gagwe. Mme Baiseraela ba ne ba kopiwa go boela kwa go Jehofa ka mafoko a a molemo, eleng ‘melomo ya bone jaaka a ka bo a le dikgomo.’ Boperofeti jono bo khutla ka mafoko a a gomotsang a gore ba ba tla nnang botlhale le basiami ba ba tsamayang mo ditseleng tsa ga Jehofa tsa tshiamo ba tla ipelela bopelotlhomogi le lorato Iwa gagwe.—13:1–14:9.
Dithuto tse di tshwanetsweng go gakologelwa: Jehofa o bontsha mosiamolodi bopelotlhomogi fa fela a ikwatlhaya go tswa pelong. Mme baleofi ba ba batlang bopelotlhomogi jwa gagwe ba tshwanetse go dira tumalanong le kitso ya Modimo mme ba dire ditiro tse di tshwanelang boikwatlhao. Ba tshwanetse go jala se se molemo mme ba tswelela pele ba ntse ba anaanela dilo tse di boitshepo. Mme ba ka iponela kgomotso ka go itse gore le eleng ba ba dirang diphoso tse di masisi ba ka boelana le Mogodimodimo ka tsholofelo, ka gonne Jehofa Modimo wa rona o pelotlhomogi.
[Lebokoso mo go tsebe 14]
GO TLHATLHOBIWA GA DITEMANA TSA BIBELA
○ 2:21-23—Jesereele a raya go re “Modimo o Tla Jaia Peo.” (NW) Jehofa o ne a tla kgobokanya masalela a a ikanyegang mme a ba jale jaaka peo mo Juda, koo go neng go tla nna le mabele, bojalwa jo bo monate jwa mofine, le lookwane. Mo boemong jwa masalela a a humanegileng, dilo tse di molemo tseno di ne di tla kopa lefatshe go ntsha menontsha go otla mabele, mofine, le ditlhare tsa motlhware. Lefatshe le ne le tla ikuela kwa godimong gore a nese pula mme one a ne a tla kopa Modimo gore o dire maru ao a neng a tla nesa pula e e tlhokegang.
○ 5:1—Baperesiti le dikgosi tseo tsa batenegi tsa Iseraele ba ne ba tla nna serai le letloa mo bathong ka go ba raela gore ba tsenelele mo kobamelong ya maaka. Go bonala ekete, Thaba ya Tabora (kafa bophirima jwa Joredane) le Misepa (motse-mogolo o o kafa botlhaba jwa noka eo) a ne a le mafelo a kobamelo ya maaka. Go kgabaganya Iseraele yotlhe, batho ba ne ba rapela medimo ya disetwa ka ntlha ya sekao se se bosula sa baeteledipele ba bone, ba ba neng ba tla iponela katlholo e e botlhoko mo Modimong.
○ 7:4-8—Baiseraele bao ba ba obamelang medimo ya disetwa ba ne ba tshwantshanngwa le leiso la mmesi wa senkgwe, kana boikepiso, go lebega a le ka ntlha ya dikeletso tsa bone tse di gotetseng tse di bosula. Ka go ikopanya ga ga Eferaima (Iseraele) le merafe a mengwe ka go dira jaaka yone le go batla go tsalana le yone, o ne a tshwana le kuku e e neng a besitswe ntlha a le nngwe.
○ 9:10—Baiseraele ba ne ba ‘ineela go direla selo se se makgapha’ fa ba ne ba direla Baala-peora mo dipoeng tsa Moaba. (Dipalo 25:1-5) Hosea o ne a dirisa lediri la Sehebera le le rayang go “ikisa go; go itlhaolela.” Baiseraele ba ne ba ineetse mo Modimong mme ba ne ba itlhaolela Baala-peora. Seno se ne se ka nna sa bo se umakilwe ka go bo kobamelo ya Baale a ne a le yone boleo jo bogolo jwa bogosi jwa ditso tse some. (Hosea 2:8, 13) Ekete re ka reetsa tlhagiso eno mme ra se ka ra roba boineelo jwa rona go Jehofa le ka motlha.—1 Bakorintha 10:8, 11.
○ 10:5—Bethe-Afena (e a rayang “Ntlo ya Khutsafalo”) a ne ya dirisediwa Bethele ka tsela ya go tlontlolola, eo yone a rayang “Ntlo ya Modimo.” Bethele a ne e nnile ntlo ya Modimo mme a ne ya fetoga ntlo ya khutsafalo ka ntlha ya kobamelo ya modimo wa namane oo o neng o obamelwa koo. (1 Dikgosi 12:28-30) Fa setshwantsho se se setilweng sa namane se ne se isiwa botshwarong, batho ba ne ba tla tshoga. Setshwantsho se se setilweng seo se se sa tsheleng ga se a ka sa kgona go itshireletsa, go sa buiwe sepe ka ba ba neng ba se obamela.—Pesalema 115:4-8.
○ 13:14—Jehofa o ne a ka seka a boloka Baiseraele ba ba sa reetseng ka go ba golola ka nako eo mo maatleng a Sheol kana go ba tsosa mo losong. O ne a se kitla a ba bontsha kutlwelo botlhoko ka ba ne ba sa tshwanelwe ke bopelotlhomogi jwa gagwe. Mme moaposetoloi Paulo o ne a bontsha gore kgabagare Modimo o ne o tla fedisa loso ka bosakhutleng mme a fedise phenyo ya lone. Jehofa o ne a bontsha maatla a gagwe mo go direng seo ka go tsosa Jesu Keresete mo losong le go mo golola mo Sheol, ka gone a re tlhomamisetsa gore batho ba Modimo o santseng o ba gakologelwa ba tla tsosediwa gape mo botshelong ke Morwa wa gagwe mo pusong ya Bogosi jwa gagwe.—Yohane 5:28, 29.