Ditshwantsho tsa Lefatshe le le Solofeditsweng

Jerusalema Lefelo la Ditiragalo tsa Bibela

LEFA merafe a mentsi a na le metsemegolo eleng motse o mogolo koo puso a direlang gone, baithuti ba Bibela ba ka nna ba tsaya Jerusalema jaaka motsemogolo wa batho botlhe. Seno ke ka ntlha ya dilo tse dikgolo tse di diragetseng koo tse di botlhokwa mo go rona rotlhe.

O ka bona fa godimo fa, seo o neng o ka se bona fa o ne o ka ema fa go tsholetsegileng gone kwa borwa jwa Jerusalema.a Mekgatsha a mebedi a kopanela fa a ka nnang foo go nang le sekgwanyana sa ditlhatshana tse di botala jwa ditlhare jo bo bontshonyana. Mokgatsha wa Kiderona o tswa kafa mojeng; kafa bophirima, kana kafa letlhakoreng la molema, ke Mokgats‘ha wa Hinome, oo leina la Bibela la Gehena le tserweng mo go one. (Mathaio 10:28; 23:33) Fa gare ga tsone (mo go bonalang fa karolwaneng e e bonesitsweng ke letsatsi fa pele ga dipota tse di santseng di le gone) ke koo Motsemogolo wa bogologolo wa ga Dafide o neng o agilwe gone. Go na le dikago tse pedi tsa Bamoselema tse di tlhomolosegileng mo teng ga dipota tseo mo lefelong leno la ditiragalo. Gaufi thata le lebota go na le serotobolo se se botala jo bo phatsimang sa tempele ya Bamoselema, mme kafa morago ga yone go na le kago nngwe ya borulelo jo bo kgolokwe ya mmala wa gauta ya Dome of the Rock.

Mme ke ka ntlhayang fa Jerusalema, segolo bogolo lefelo la dipoa koo dikago tse pedi tsa dirotobolo di leng gone gompieno go tshwanetse go nna botlhokwa mo go wena? Ebu, setshwantsho sa phelehu e e tshwerweng ke setlhare se go gopotsa tiragalo efe ya Bibela? Gongwe ke tiragalo ya ga Aberahame. Ee, ke ene yo a neng a tsamaya le morwawe Isake go ya kwa Thabeng ya Moria, a go bonalang a ne a le fa kana gaufi le felo fa go neng go na le mantswe fa go tsholetsegileng koo o bonang dirotobolo tse pedi tseo gone. Ka tumelo, Aberahame o ne a ikaeletse go ntsha morwawe yo a mo ratang setlhabelo, mme moengele o ne a thibela seatla sa gagwe. Aberahame a bona “phelehu, a chwerwe ka dinaka mo sekgwen” mme o ne a dira setlhabelo ka yone “mo boemon yoa ga morwawe.” Jalo fa o lebelela Jerusalema o ka nna wa gakologelwa tiragalo eno e e gakgamatsang.—Genesise 22:1-13.

Go ne ga dirwa ditlhabelo tse dingwe fa Solomone a ne a agela Jehofa tempele e ntle mo karolong e e lekalekanang koo dikago tseno tsa dirotobolo di leng gone jaanong. (2 Ditihalō 3:1) A o ko o leke go akanya ka Baiseraele ba tswa kwa dintlheng tsotlhe tsa lefatshe ba tshotse ditlhabelo tsa bone tsa diphologolo ba tla meletlong ya ngwaga le ngwaga. Mongwe wa e e boitshegang wa eno a ne e le Letsatsi la Tetlanyo. Mo letsatsing leo, go ne go tlhophiwa podi a le nngwe mme e ne a ‘laolelwa Phalolwe mme a falalediwa kwa sekakeng,’ go lebega a ne a le mo Mokgatsheng wa Kiderone mme go tswa foo a ye borwabotlhaba jwa sekaka sa Judea. Go ne go bolawa podi e nngwe le poo mme madi a tsone a ne a dirisiwa mo setlhabelong sa tetlanyo sa moperesiti le batho. Ebile madi a mangwe a ne a tseelwa ka kwa ga sesiro mo Boitshepong jwa Maitshepo jwa tempele. Jalo o ka akanya ka seno fa o lebelela setshwantsho sa mots emogolo.—Lefitiko 16:1-34.

Ditlhabelo tseno tsotlhe tsa Jerusalema di ne di supela go setlhabelo se se itekanetseng sa ga Jesu Keresete. Mo bosigong jwa gagwe jwa bofelo mo lefatsheng, joo a neng a ka nna ka nako ya fa ngwedi o le kgolokwe, Jesu o ne a kopana le baaposetoloi ba gagwe go tla go dira Tlolaganyo ya gagwe ya bofelo e e mosola-mogolo. Seno a ne a le mo kamoreng e e kwa godimo eo go akanngwang a ne a le kwa karolong e e kwa godimo ya motsemogolo kafa letsogong la molema (bophirima) la lefelo ya tempele. Morago ga gore Jesu a simolole Sejo sa Morena sa Maitseboa, o ne a tsaya barutwa ba gagwe ba ya kwa Thabeng ya Motlhware, eo a leng go kgabaganya Mokgatsha wa Kiderona, go ya kafa botlhaba (kafa mojeng) jwa tempele.—Luke 22:14-39.

Jaaka thuso mo go boneng seno, leba setshwantsho se se fa tlase, seo se neng sa tsewa go lebilwe kafabotlhaba go tswa mo Jerusalema, mo a ka nnang ya bo a le mo lefelong leo Jesu a neng a tshwarela Sejo sa Morena sa Maitseboa mo go lone. Fa o lebile jalo, o kgona go bona kafa tlase kafa molemeng serotobolo (seo se leng botala jwa legodimo mo leseding la ngwedi) sa tempele ya Bamoselema mo lefelong le le kwa godingwana la tempele. Fa pelenyana kafa botlhaba ke Mokgatsha wa Kiderona [fa tlase ga mothalo o o bontshang] mme go tswa foo go na le ditlhare tsa Tshimo ya Gethesemane. Go ya kafa mojeng kwa godimo ke Thaba ya Motlhware.

Ngwedi o tla bo o le kgololwe gape ka March 22, 1989, fa diphuthego tsa Basupi ba ga Jehofa go dikologa kgolokwe di tla bo di kopana (morago ga go phirima ga letsatsi) go keteka Sejo sa Morena sa Maitseboa, ba gakologelwa loso lwa ga Jesu lwa setlhabelo.b Tswee-tswee rulaganyetsa gore o nne gone koo. Ka letsatsi leo, o ka nna wa rata go tlhatlhanya ka ditiragalo dingwe tse di fetileng tse di diragetseng mo Jerusalema le go a dikologa tse di amanang le go tshololela ga ga Jesu moya wa gagwe mo losong. Ka jalo Jesu o ne a galaletsa tshiamo ya ga Jehofa mme a rekolola batho ba ba dumelang mo boleong le mo losong.—1 Bakorintha 11:23-26; Bahebera 9:11-28.

[Dintlha tse di kwa tlase]

[Motswedi wa Setshwantsho mo go tsebe 16]

Pictorial Archive (Near Eastern History) Est,

Pictorial Archive (Near Eastern History) Est,