Go Senolwa ga Seaka se Segolo

TSAMAISO ya gompieno ya lefatshe e e laolwang ke Satane e na le dikarolo tse tharo tse dikgolo tseo di laolwang ke “modimo oa lehatshe yeno.” Tseno ke puso ya bopolotiki, taolo le tlhotlheletso ya dikgwebo tse dikgolo, le bodumedi. Go kgabaganya diketekete tsa dingwaga mo hisitoring, dikarolo tse tharo tseno di ile tsa nna tsa konokono mo tsamaisong nngwe le nngwe ya puso. Ke afe a maatla a a nonofileng ano ao a tshwantshediwang ke “mma diaka”?—2 Bakorintha 4:3, 4; Tshenolō 12:9; 17:5.

Go ya ka ponatshegelo ya ga Johane eo re tlotlang ka yone fano babusi, “dikgosi tsa lehatshe,” di He tsa kopanela le ene boaka mo bolaong jwa gagwe. (Tshenolō 18:3) (Go tla ntshiwa bosupi jwa seno jwa hisitori mo ditsebeng tse di latelang.) Ka jalo, Babelona o Mogolo ga a kake a emela karolo ya puso ya bopolotiki mo tsamaisong ya lefatshe.

Go tweng ka karolo ya dikgwebo tse dikgolo tseo eleng karolo ya botlhokwa mo dikgannyeng tsa motho gompieno? Eleruri ke tlhotlheletso e e maatla mo merafeng a mentsi le, eo tota, a dirang diphetso tsa gore ke mang yo o tla humang le gore go tla humanega mang. A seno a ka nna Babelona o Mogolo? Moengele o ne a naya Johane sengwe se se ka thusang go araba potso eno. O ne a itsise ka tiragalo e e gakgamatsanggo wa ga Babelona o Mogolo mo maemong a gagwe a a kwa godimo! O latlhegelwa ke bao a dirisanang nabo le dinyatsi, bao ka tshoganyetso ba mmonang a sa tlhole a eletsega. Ke bomang ba bangwe gape, kwantle ga “dikgosi tsa lehatshe,” bao a neng e le baeng ba gagwe ba ka metlha? Moengele o tlhalosa jaana: “Merahe eotlhe a ole ka boyalwa yoa bogale yoa kgokahalo ea gagwe; dikgosi tsa lehatshe tsa gokahala nae, le babapatsi mo lehatshin ba huma ha thata ea go hoahoega ga gagwe.” Ee, babapatsi ba lefatshe ba ile ba solegelwa molemo ke go gweba le go tsalana nae le go oketsa ‘dikhumo’ tsa go hoahoega ga gagwe. Ka jalo, ga a kake a emela bagwebi ba bagolo mo lefatsheng lotlhe.—Tshenolō 18:3.

Jalo, fa nako a ntse a tsamaya, puso ya sepolotiki le taolo le tlhotlheletso ya bagwebi ba bagolo di a fela. Go setse eng? E tshwanetse ya bo a le karolo eo ya puso eo gape a tshwanelwang ke go pegwa molato ono wa go re, “merahe eotlhe a ne a tsiediwa ke boloi yoa gago.” Ke karolo eo pele a neng e na le maatla mme eo jaanong a felelwang ke maatla eo a ileng ya tlhotlheletsa go akanya le ditiro tsa merafe mo gogolo fa wale ka metlha ya Babelona wa bogologolo. Ke ene yoo a ileng a ‘busa dikgosi tsa lefatshe’—eleng bodumedi jwa maaka!—Tshenolō 17:18; 18:23.

Ee, lemororo go ka lebega go gakgamatsa mo bathong ba ba tlhoafetseng ba bodumedi gore Babelona o Mogolo, mma diaka, ke setshwantsho sa puso ya ga Satane ya bodumedi jwa maaka mo lefatsheng. Ke setshwantsho sa bodumedi jwa lefatshe joo ka ditsela tse di farologaneng bo ileng jwa itlhakatlhakanya le dikarolo tsa puso ya sepolotiki le tsa kgwebo go ralala hisitori.

Babelona wa Morata-Ntwa

Tumalanong le ponatshegelo eno ya boperofeti, Babelona o Mogolo ke seaka se segolo seo se ileng sa gogela merafe, batho, le ditso mo dintweng tse di tsholotseng math, botlhabanelatumelo, le dikilano, a ba segofatsa ka mafoko a a monate a a kwadilweng, metsi a a boitshepo, dithapelo, le dipuo tse di maatla tsa boratanaga.a—Tshenolō 18:24.

Baruti ba gagwe, segolo bogolo bao ba direlang mo dintweng, ba He ba nna didirisiwa tse di iketleeditseng tsa babusi mo go gogeleng boidiidi jwa batho kwa go nneng mojo wa dikanono mo dintweng tse pedi tsa lefatshe le ditlhabano tse dingwe tse dikgolo. Bakatoliki ba He ba bolaya Bakatoliki, Baporotesetanta le bone ba He ba bolaya Baporotesetanta, mme ga latlhega matshelo a a ka nnang dimilione tse 50 go ya go tse 60 mo dintweng tse pedi tseo fela.

Mo motlheng ono wa tlhabologo wa lekgolo la bo-20 la dingwaga, khumo ya bodumedi e ntse a tswelela pele go tlisa letlhoo le dipolao—eseng fela mo karolong ya La-Bodumedi mo dintweng tsa Bakatoliki kgatlhanong le Baporotesetanta mme gape le mo mafatsheng a e seng a Bokeresete koo Baiselamo ba tlhabanang le Bajuda, Bahindu ba tlhabanang le Baiselamo, Babuda ba tlhabanang le Bahindu, Basikhi ba tlhabanang le Bahindu, jalo le jalo.

Mo godimo ga moo, bodumedi bo He jwa nna jwa rata go tlhotlheletsa “dikgosi tsa lehatshe” thata, bo leka go dira ditshwetso tsa gore di tla felela kae le gore di tla tlhatlhamiwa ke bomang. A re tlhatlhobeng dingwe tsa dikai di le mmalwa tsa seno ka bokhutshwane.

[Ntlha e e kwa tlase]

[Setshwantsho mo go tsebe 4]

Ke bafe ba bano—boradipolotiki, borakgwebo ba bagolo, kana bodumedi—ba ba emelwang ke “Babelona o Mogolo”?