Go Lemoga Dikgang

“Go Leba Sesha”

Genesise 1:1 a bolela jaana: “E rile mo tshimologoñ Modimo oa tlhōla legodimo le lehatshe.” Go feta lekgolo la dingwaga, borrasaense bao ba ratang kgopolo ya thuto-tlhagelelo ba ile ba tshwaya temana eno ya Bibela diphoso. Lefa go le jalo, “bontsi jwa bone jaanong ba lebelela kgang eno ya pele pele, e e maatla go gaisa e e malebana Is go nna gone ga Mmopi sesha,” go bega jalo The Orange County Register, eleng lekwalo-dikgang la California.

Ka sekai, setlhogo seno se tlhalosa seo rrabaoloji wa kwa Australia ebong Michael Denton a neng a se bolela mo bukeng ya gagwe ya Evolution: A Theory in Crisis. O tlhalosa gore go tloga ka nako ya fa Darwin a ne a gatisa bulks ya gagwe ya On the Origin of Species go tla go fitlha jaanong, ga go ise go ke go tsamaye go nne le fa a le bosupinyana joo bo tshegetsang kgopolo eno ya ga Darwin.

Ka mo go tshwanang, Register e tsopola buka ya The Mystery of Life’s Origins: Reassessing Current Theories, eo a kwadilweng ke borrasaense bangwe ba le bararo. Go ya ka lekwalo-dikgang leno, ba tlhalosa gore botshelo ga bo kake jwa bo bo itlhageletse fela mme “ba bolela gore ‘Mmopi yo mogolo go feta dilo tsotlhe’ ke ene yo o ka tlhalosang ka mo go utlwalang gore botshelo bo simologile jang.” Fa setlhogo seno se ne se tshegetsa pono eno, se ne sa umaka gore moithutadinaledi wa kwa Boritane ebong Fred Hoyle “o tsopolwa thata ka polelo ya gagwe ya gore fa re dumela gore sele ya ntlha a itlhageletse fela go tshwana le fa re dumela gore fa sefefo sa kgwanyape se senya mo jarateng ya dilo tse di latlhiIweng e e tletseng dikarolwana tsa difofane se ne se ka dira sefofane sa Boeing 747.”

Mo go borrasaense ba Is bantsi, bosupi jo bo tshegetsang gore go na le Modiri yo Mogolo bo phepafetse. Mme go tweng ka bao ba ganelelang mo go latoleng gore Mmopi o gone? Batho bano ba tla bo ba dira sentle fa ba ka akanyetsa mafoko ano ao a kwadilweng ke moperofeti Isaia: “Loa tlo to pitikolole dilo! A mmopi o tla kaiwa go re, ke ena lecopa; ha a tla bo ne ne selo se se dihilwen se ka raea ena eo o se dihilen se re, Ga as ntiha?”—Isaia 29:16.

Tlwaelo E E Diphatsa

Ka January monongwaga, mmolai wa batho ka go latelana ebong Theodore Robert Bundy, o ne a bewa mo setulong sa motlakase seo go bolaeIwang disenyi mo go sone kwa Kgolegelong ya Florida State mme a bolawa. O ne a amana le go bolawa setlhogo ga basadi ba ba ka nnang 36, lemororo balaodi ba belaela gore palo ya bone a ka fitlha go 100.

Fa a ne a botsolodiwa pele ga a bolawa, Bundy o ne a bolela gore ditshwantsho tse di tsosang keletso ya go tlhakanela dikobo a ne a Is lone lebaka la konokono leo le neng le dira gore a itshware jaaka sekebekwa jalo. Go ya ka Dr. James Dobson, yoo a neng a mmotsolotsa, “fa a ne a le dingwaga di le 12 kana di le 13 o ne a simolola go bona dibuka tseno tse di tsosang keletso ya go tlhakanela dikobo kwa dikhemiseng, tota le eleng mo tseleng, mme o ne a tswa lekgoba la tsone, tsa mo sira pelo,” go bega jalo Daily News.

Seo Bundy a se bolelang se tshwana Is mafoko a ga Arthur Gary Bishop, ebong yo mongwe yo o neng a bonwa molato wa go bolaya, yo o neng a bolawa ngogola ka ntlha ya polao e e amanang le go tlhakanela dikobo ya basimane ba le batlhano. Go ya ka The Tribune, eleng lekwalodikgang la San Diego, kwa California, Bishop o ne a bolela gore ditshwantsho tse di tsosang keletso ya go tlhakanela dikobo “di ne tsa mo ‘senya’ fa a ne a sale mosimane mme di ne tsa mo dira gore a we.” Bishop o ne a tsopola moithuta-tlhaloganyo mongwe yo o neng a neela bosupi ka nako ya tsheko ya gagwe gore “jaaka fa batho ba ntse ba fetoga makgoba [a ditshwantsho tse di tsosang keletso ya go tlhakanela dikobo] dikeletso tsa bone di a oketsega, maikutlo a bone a a tlwaelegileng a a swa mme ba sekamela mo go direng seo ba se boneng.” Bishop o ne a bolela jaana: “Go ne go ntse jalo le ka nna. Ke mosodoma yo o ratang go tlhakanela dikobo le bana yo a ileng a bonwa molato wa go bolaya, mme ditshwantsho tse di tsosang keletso ya go tlhakanela dikobo a ne a le lone lebaka la konokono le le dirileng gore ke we.”

Lemororo babolai ba go boletsweng ka bone ba ile ba dumalana gore ditshwantsho tse di tsosang keletso ya go tlhakanela dikobo di a senya, go na le batho ba le bantsi ba ba santseng ba di leba jaaka boitlosobodutu jo bo senang kotsi. Tlhagiso eo a neetsweng mo go Isaia 5:20 e dira sentle mo go bone: “Iya! a bo go latlhèga ba ba bitsañ boshula molemō, le molemō boshula: ba bee lehihi boemoñ yoa lesedi, le lesedi boemoñ yoa lehihi.”

Ga Se Bosaitseweng

Moruti wa United Church ebong Phyllis Smith o bolela gore tumelo ya baruti bangwe go bonala a tshosediwa ke dipotso tsa balwetsi bao ba Iwalang mo ba tlogang ba swa, go bega jalo The Toronto Star, eleng lekwalo-dikgang la Canada. Go ya ka Smith, “batho ba ba gaufi le go swa ba botsa dipotso kaga masaitseweng a botshelo le loso tseo go seng ope yo o di tihaloganyang.” O bolela jaana: “Ga go tlhokege gore re ikutlwe re tshosediwa fela ka go bo re ikutlwa gore re tshwanetse ra nna le dikarabo tsotlhe.” Fa dipotso tse di thata tse di malebana le dilo tsa semoya di tsoga, Smith o boleia gore baruti “ga go tlhokege gore ba sireletse Modimo.”

Lemororo a le boammaaruri gore ka metlha batho ga ba kake ba nna le dikarabo tsotlhe tsa dipotso tse di malebana le botshelo le loso, Bibela e na le tsone. A bao ba bolelang gore ke badihedi ba Modimo ga ba a tshwanela go itse seo Lefoko la gagwe le se bolelang? Moaposetoloi Petere o ne a bolela gore badumedi mmogo le ene ba tshwanetse ba nna ba “iketleeditse ka metlha eotlhe go hetola motho moñwe le moñwe eo o lo botsañ kaga cholohèlō e e mo go Iona, go re, e cwa kae?” (1 Petere 3:15) Bakeresete ba pele ba ne ba sena bothata bope mo go tlhaloganyeng boemo jwa baswi kana gore ke ditebelelo dife tsa isagwe tseo di leng gone tsa setho se se swang. Ba ne ba itse gore Moreri 9:5 e bolela jaana: “Gonne batshedi baa itse ha ba tla shwa: me bashwi ga ba itse sepè.” Mme Jesu o ne a bolelela balatedi ba gagwe jaana: “Lobaka loè tla, lo botlhe ba ba mo diphupuñ ba tla utlwañ lencwe ya gagwè ka lōna, Me ba tla cwa.” (Yohane 5:28, 29) Mo badiheding ba boammaaruri ba Modimo, botshelo le loso ga se bosaitseweng.