Dipokano Tsa Tirelo ka March
Beke E E Simololang ka March 2
Pina 139
10 mets: Dikitsiso tsa lefelo la lona le Dikitsiso tseo di tlhophilweng go tswa go Tirelo ya Rona ya Bogosi. Bontsha kafa ditlhogo tse di kgethegileng tseo di leng mo dimakasineng tsa bosheng di ka dirisiwang ka gone mo tirong ya dimakasine ka Matlhatso.
20 mets: “Tshenolō—Masaitsiweng A Yone A Senotswe.” Setlhogo seo se akarediwang ka dipotso le dikarabo. Tlhomolola kgang eo e ka buiwang mo tshimong eo e leng mosola go ka dirisiwa mo lefelong la lona ka nako ya fa lo tsamaisa buka ya Tshenolō—Konelo ya Yone. Akaretsa dipontsho tse dikhutshwanyane tse di bontshang kafa dikganetso tseo gantsi di nnang gone di ka fenngwang ka gone. Fa mong wa ntlo a re: “Re na le bodumedi jwa rona,” mmotse jaana ka tsela e e botlhale: “A lo ile lwa tlotla ka dilo dipe tseo di leng malebana le buka ya Bibela ya Tshenolō kwa kerekeng bosheng jaana?” Dira gore motlotlo o felele ka gore lo bale Tshenolō 1:3. Potso e nngwe eo o ka nnang wa e botsa ke e e reng: “Batho bao o tsenang kereke nabo ba ikutlwa jang ka buka ya Tshenolō?”
15 mets: “Dilo Tseo Di Buiwang mo Tshimong Tseo Di Dirang Gore Batho Ba Arabele.” Mogolwane yo o nang le maitemogelo o tlotla setlhogo seno le babulatsela ba le babedi kana ba le bararo le/kana baboledi. Tlotla ka mekgwa e e farologaneng ya go buisana le batho eo e ka nnang ya tswa e le mosola go ka dirisiwa mo tshimong ya lefelo la lona.
Pina 15 le thapelo e e konelang.
Beke E E Simololang ka March 9
Pina 101
10 mets: Dikitsiso tsa lefelo la lona. Kgothaletsa botlhe bao ba rulaganyetsang go nna babulatsela ba ba thusang ka April gore ba kope foromo ya go dira kopo ba bo ba e buse ka bonako.
15 mets: “Boela Kwa go Bao Ba Kgatlhegang Kwantle ga Tiego Epe.” Motlotlo wa dipotso le dikarabo.
20 mets: “Ke Eng Seo Nka Se Buang Gore Ke Tsose Kgatlhego go Ya kwa Pele?” Dira gore go nne le dipontsho di le pedi kana di le tharo tseo di baakanyeditsweng sentle. Morago ga pontsho nngwe le nngwe, botsa bareetsi gore ke ka ntlha yang fa ba akanya gore kgang eo e buiwang mo tshimong eo e bontshitsweng mo pontshong e tla nna mosola mo go direng gore kgatlhego ya mong wa ntlo e gole.
Pina 19 le thapelo e e konelang.
Beke E E Simololang ka March 16
Pina 197
10 mets: Dikitsiso tsa lefelo la lona. Pego ya tsa madi. Akaretsa kitsiso e e bontshang gore Mokgatlho o amogetse meneelo. Akgola bakaulengwe o ba akgolele go latelela ga bone molaomotheo o o mo go Duteronome 16:17.
15 mets: “Itsiseng Ba Bangwe ka Ditiro tsa ga Jehofa.” Motlotlo wa dipotso le dikarabo. Kgothaletsa botlhe ka botsalano gore ba nne le tirisanommogo mo go direng gore April e nne kgwedi e e kgethegileng ya tirelo.
20 mets: Mogolwane o tlotla le baboledi ba le bararo kana ba le bane bao ba tla bong ba tsere bobulatsela jo bo thusang ka April kana bao ba neng ba bo tsere mo nakong e e fetileng. Ba botse gore ke eng seo se ba tlhotlheleditseng gore e nne babulatsela, ba dirile dithulaganyo dife tsa kgwedi ya April, le gore ke maitemogelo afe fela ao ba ka nnang ba tswa ba ile ba nna le one mo nakong e e fetileng ka nako ya fa ba ne ba le babulatsela ba ba thusang. Itsise maina a bao go tla go fitlha jaanong ba amogetsweng jaaka bao e tla bong e le babulatsela ba ba thusang ka April.
Pina 123 le thapelo e e konelang.
Beke E E Simololang ka March 23
Pina 193
15 mets: Dikitsiso tsa lefelo la lona. Dikgang tsa Bolegodimo. Kgothaletsa bareetsi gore ba akanye ka go tsenela tirelo ya bobulatsela jo bo thusang ka April. Tlhalosa dithulaganyo tseo di dirilweng tsa go laletsa batho go tla puong e e kgethegileng ka April 5 le tsa go dira tirelo e e oketsegileng ka April.
15 mets: Molebedi wa tirelo o tlotla ka ditiro tse di kgethegileng tseo di tlileng go dirwa ka April tseo di rulaganyeditsweng phuthego. Bona lekwalo la February 25, 1992, leo le yang go bagolwane botlhe. A baboledi ba setse ba feditse go dira dithulaganyo tsa bone tsa gore ba nne babulatsela ba ba thusang mo kgweding ya April? Puo e e kgethegileng e tla bo e le ka April 5 mme Segopotso sone se tla bo se le ka April 17. Re batla go tsamaisa dimakasine di le dintsi ka moo re ka kgonang ka gone mo kgweding ya April, segolobogolo mo letsatsing le le kgethegileng la go tsamaisa dimakasine ebong ka April 11. Go dirilwe dithulaganyo dife mo phuthegong ya lona? Kgothaletsa botlhe gore ba tshegetse dithulaganyo tseno le gore ba nne le seabe mo tirong ya dimakasine mo mafelobekeng mangwe le mangwe mo kgweding ya April. Batshwari ba thuto ya buka ba tshwanetse ba kgothaletsa le go thusa mmoledi mongwe le mongwe yo o kopanelang mo setlhopheng seo ba se tshwarelang thuto gore a nne le seabe ka botlalo mo tirelong le go bega ka bonako fa kgwedi ya April e fela.
15 mets: Mogolwane o tlotla ka Letlole la Dipotso le le tswang mo go Tirelo ya Rona ya Bogosi ya August 1990. Fa esale letlole leo la dipotso le ne la gatisiwa ga ba ga tlotliwa ka lone, go lemogilwe gore ba le bantsi ba santse ba sa apare ka tsela e e tshwanetseng ka nako ya fa ba etela ofisi ya lekala. Kgang e e fa godimo eno ya go apara ka tsela e e tshwanetseng e tla dira gape ka nako ya fa go etelwa Diofisi tsa Boranodi tsa Namibia kwa Windhoek, ereka tota diofisi tseno di kaiwa jaaka tse di oketsegileng tsa lekala la Afrika Borwa. Rulaganyetsa gore go nne le pontsho eo mo go yone mmoledi a tlhalosetsang motho yo o ithutang Bibela tshedimosetso eno pele ga loeto lwa bone lo lo rulagantsweng lwa go ya Bethele. (2-3 mets.)
Pina 213 le thapelo e e konelang.
Beke E E Simololang ka March 30
Pina 209
8 mets: Dikitsiso tsa lefelo la lona. Gakolola botlhe ka letsholo la go batla peeletso ya Tora ya Tebelo ya mo kgweding ya April le May. Koo go sa bonwang peeletso gone, go ka nna ga tsamaisiwa dimakasine di le pedi le kopi epe fela ya boroutšhara (kwantle ga boroutšhara ya Sekolo).
12 mets: “Dihañ Mo, Lo Nkgopolè ka Gōna.” Puo ka molebedi yo o okamelang bareetsi ba tsaya karolo. Akaretsa dintlha tseo di leng mo lebokosong.
15 mets: Dilo tse di tlhokegang tsa lefelo la lona kana puo e e matlhagatlhaga e e theilweng mo tshedimosetsong e e mo setlhogong sa Tora ya Tebelo ya September 15, 1991, se se reng “Ditshwantsho—Selo sa Konokono Se Se ka Dirisiwang go Fitlhelela Dipelo.” Akantsha ditshwantsho tseo di ka tshwanelang go dirisiwa mo tshimong ya lefelo la lona mmogo le dilo tsa bosheng tseo di ka buiwang mo tshimong.
10 mets: Maitemogelo a fa go ne go tsamaisiwa buka ya Tshenolō—Konelo ya Yone mo kgweding ya March. Kopa baboledi gore ba anele ka maitemogelo ao ba a tlhophileng a a mosola ba dire jalo go ya ka moo nako e letlang ka gone.
Pina 72 le thapelo e e konelang.