Dipokano Tsa Tirelo ka April

Beke E E Simololang ka April 6

Pina 186

12 mets: Dikitsiso tsa lefelo la lona le Dikitsiso tseo di tlhophilweng go tswa go Tirelo ya Rona ya Bogosi. “A Kgwedi ya April E Tla Bo E Le Kgwedi E E Kgethegileng mo go Wena?” Gatelela gore go leriwe dikopo dipe fela tsa bobulatsela jo bo thusang kwantle ga tiego epe. Gape, kgothaletsa gore go neelwe bosupi mo maitsiboeng, o bo o itsise ka dithulaganyo tsa lefelo la lona tseo di ka nnang tsa tswa di dirilwe. Otlelela nako le lefelo leo moletlo wa Segopotso wa mo lefelong la lona o tlileng go tshwarelwa kwa go lone.

15 mets: “Bolelang Mafoko A A Molemo Lo Dirisa Tora ya Tebelo.” Setlhogo seo se tlotliwang ka dipotso le dikarabo. Fa lo tlotla ka serapa 5, nna le baboledi bao ba ipaakanyeditseng go tla go anela ka batho bangwe bao ba ileng ba ba akantsha mo nakong e e fetileng gore ba dire peeletso mme ba ile ba kgona.

18 mets: “Kafa O Anaanelang Loso lwa ga Keresete ka Gone.” Puo e e nang le pontsho. Morago ga fa lo sena go tlotla ka serapa 9, dira pontsho ya kafa mmoledi a ka laletsang ka gone motho yo a ithutang Bibela nae gore a tle Segopotsong.

Pina 208 le thapelo e e konelang.

Beke E E Simololang ka April 13

Pina 209

10 mets: Dikitsiso tsa lefelo la lona. Letlole la Dipotso.

15 mets: “Maeto a Ntlha Ao A Nang le Matswela.” Se akarediwa ka dipotso le dikarabo. Morago ga fa lo sena go tlotla ka serapa 6, dira pontsho ya kafa mmoledi a ka nnang a kgona go akantsha go simolola thuto ya legae ya Bibela le go bontsha kafa e tshwarwang ka gone a dirisa pampitshana e e reng Botshelo mo Lefatsheng Le Lesha Le Le Nang le Kagiso.

13 mets: Go aba Tora ya Tebelo ka ntlo le ntlo. Mmoledi yo o nang le bokgoni o buisana le mong wa ntlo, a dirisa dintlha tseo di ka buiwang mo tshimong tseo di akantshitsweng mo go serapa 4 kafa tlase ga setlhogo se se reng “Maeto a Ntlha Ao A Nang le Matswela.” Supa dintlha tseo di tshwanetseng tseo di leng botlhokwa tseo di amanang le thapelo tseo di leng mo go Tora ya Tebelo ya April 15, 1992.

7 mets: Mogolwane o tlotla ka tshedimosetso e e mo tsenyeletsong e e nang le setlhogo se se reng, “Kopano ya Kgaolo ya 1992 ya ‘Batshodi ba Lesedi.’” Kgothaletsa mongwe le mongwe gore a dire dithulaganyo go sa le gale gore a tle a nne gone kwa kopanong eno. Fa e le gore go setse go amogetswe lekwalo, itsise phuthego gore e tlile go ya kopanong eno kae.

Pina 87 le thapelo e e konelang.

Beke E E Simololang ka April 20

Pina 195

10 mets: Dikitsiso tsa lefelo la lona le pego ya tsa madi. Akgolela phuthego meneelo eo ba e ntshitseng gore e romelwe kwa Mokgatlhong le eo ba e ntsheditseng phuthego.

15 mets: Mogolwane yo o nang le maitemogelo o tlotla le bareetsi ka tshedimosetso e e mo tsenyeletsong e e nang le setlhogo se se reng, “Digelang Matloa a Lona kwa Tlase Gore Lo Tshware.” Ka botsalano, kgothaletsa bao maemo a bone a ba letlang gore ba akanyetse ka thapelo go fudugela kwa go lengwe la mafelo ao a umakilweng. Seno se tla tlhokega segolobogolo mo diphuthegong tseo di leng mo ditoropong tse dikgolwane.

20 mets: “Ipoloke O Nonofile Semoyeng, Nna O Le Phepa gore O Direle Jehofa.” Tsenyeletso e tlotliwe ka dipotso le dikarabo. Mogolwane yo o bayang puo eno o tshwanetse gore a tlhame dipotso dingwe go dira gore tshedimosetso eno e tle e dire mo lefelong la lona. Otlelela ntlha ya gore motho a itlhomele mokgele o monnye gore a nne a ntse a nonofile semoyeng jaaka go umakiwa mo go serapa 7.

Pina 197 le thapelo e e konelang.

Beke E E Simololang ka April 27

Pina 169

10 mets: Dikitsiso tsa lefelo la lona. Dikgang tsa Bolegodimo. Tlotla ka dintlhakgolo tsa Segopotso. Go ne go na le batho ba le bakae mo go sone? A go a kgonega gore go simololwe dithuto tsa Bibela le batho ba basha? Molebedi wa tirelo o tshwanetse a dira dithulaganyo tsa gore go boelwe mo go bao ba neng ba le gone mo Segopotsong bao gone jaanong jaana go senang ope yo o ba tshwarelang thuto.

20 mets: “Dirisang Buka ya Go Fetolana Ka Nako ya Fa Lo Dira Maeto A Go Boela.” Motlotlo wa dipotso le dikarabo. Buelela dipontsho di le pedi tseo di baakanyeditsweng sentle tseo di leng mo go dirapa 3 le 4.

15 mets: Botsa bao ba ileng ba nna babulatsela ba ba thusang mo kgweding ya March le ya April gore ke maitemogelo afe ao ba nang nao. Ba ile ba ithontsa dilo dife, mme ba akanya gore Jehofa o ne a segofatsa maiteko a bone jang? A ba ile ba kgona go simolola dithuto dipe tse disha tsa Bibela ka ntlha ya go bo ba ile ba dira tiro e e oketsegileng mo kgweding eno? Ba tshwanetse gore ba baakanyetse maitemogelo ano nako e santse e le gone. Kgothaletsa botlhe gore ba akanyetse go nna babulatsela ba ba thusang mo dikgweding tse di kwa pele.

Pina 93 le thapelo e e konelang.