Dipokano Tsa Tirelo ka October
Beke E E Simololang ka October 5
Pina 92
10 mets: Dikitsiso tsa lefelo la lona, Dikitsiso tse di tlhophilweng go tswa go Tirelo ya Rona ya Bogosi, le dintlhakgolo tsa Dikgang tsa Bolegodimo. Boeletsa ditlhogo tse di tlhomologileng go tswa mo dimakasineng tsa bosheng jaana; dira pontsho e le nngwe kana di le pedi tse di khutshwane o bontsha kafa di ka tsamaisiwang ka gone fa lo sena go nna le motlotlo wa Dikwalo pele.
15 mets: “Dirisang Dimakasine ka Botlalo.” Dipotso le dikarabo. Kgothaletsa bakaulengwe gore ba tsamaisetse botlhe ba ba kopanang le bone dipeeletso ka October. Fa lo tlotla ka serapa 6, naya dikakantsho tsa kafa o ka simololang ka gone go isetsa batho dimakasine ka metlha: Dirisa mokgwa o o motlhofo, le o o tlhamaletseng; boloka rekoto ya ntlo le ntlo e le mo boemong jo bo siameng; dira gore ba kgatlhegele ditokololo tse di tlang ka go umaka ditlhogo tse di latelang; botsa dipotso tse di tla arabiwang ke ditlhogo tseno; tlhomamisa gore o boela gape dibeke dingwe le dingwe tse pedi.—kmTN 7/84 ts. 8.
20 mets: Go tshwara Thuto ya Buka ya Phuthego mo bukeng ya Monna Yo Mogolo. Motshwari wa Thuto ya Buka ya Phuthego o dirisa setlhopha sa baboledi ba le bane kana ba le batlhano gore ba bontshe phuthego kafa thuto eno e tlileng go tshwarwa ka gone. Pontsho eno e tshwanetse ya bo e boeleditswe sentle mme e tshwarwe fela jaaka ditaelo di bontsha go Tirelo ya Rona ya Bogosi ya September. Dirisa kgaolo 11 ya buka eno ya Monna Yo Mogolo. Bontsha kafa dikwalo tse ditelele tse di tsopotsweng di ka kgaoganngwang ka gone gore go tle go bale batho ba ba fetang a le mongwe kana le kafa o ka tlhomololang dikarolo tsa konokono ka gone fa nako e sa letle gore lo bale dikwalo tsotlhe. Motshwari o ka nna a ba tsena ganong a tlhalosetsa bareetsi ka bokhutshwane tsela e e dirisiwang. Mongwe le mongwe wa bareetsi o tshwanetse a latela le ene a tshotse sekaelo sa gagwe sa buka eno.
Pina 63 le thapelo e e konelang.
Beke E E Simololang ka October 12
Pina 77
10 mets: Dikitsiso tsa lefelo la lona. Bala pego ya tsa madi ya kgwedi le kgwedi; dira kakgolo o itshetlegile ka 2 Bakorintha 9:6, 7. Kopa baboledi ba ba ipaakanyeditseng go bolela maitemogelo a bone a a tlhomologileng fa ba ntse ba tsamaisa dimakasine le dipeeletso ka October.
15 mets: “Dira Ketapele E E Tsosang Kgatlhego.” Nna le puo o tlotla kafa o ka baakanyetsang dineelano ka gone o dirisa ditlhogo tse di mo dimakasineng tsa October. Dira gore go nne le baboledi ba le babedi kgotsa ba le bararo ba ba nang le bokgoni gore ba bontshe ka dineelano tse di akantshitsweng; neelano e nngwe e dirwe ke mmoledi yo mmotlana.
20 mets: “Bontsha Kamego go Batho Bao Ba Bontshitseng Kgatlhego.” Tlotla le bareetsi. Fa lo sekaseka serapa 2, bolela ka dintlha tse di tlhophilweng go tswa go Tora ya Tebelo ya December 1, 1981, ditsebe 3-5, o bontsha kafa re ka etsang Jesu ka gone mo go bontsheng kamego mo go ba bangwe. Akaretsa le dikakgelo tsa kafa o ka tlatsang rekoto ya ntlo le ntlo ka gone le kafa e tshwanetseng go dirisiwa ka gone go latedisa kwa go bonweng kgatlhego gone. Bontsha ka bokhutshwane nngwe ya dikakantsho tseno. Morago ga gore mmoledi yo o nang le bokgoni a bontshe ka tsela e e akantshitsweng eno, kopa bareetsi gore ba akgele gore ke mabaka afe a go bo e le tsela e e nang le katlego ya go simolola dithuto mo tshimong ya lona.
Pina 88 le thapelo e e konelang.
Beke E E Simololang ka October 19
Pina 164
5 mets: Dikitsiso tsa lefelo la lona. Tlhalosa ka bokhutshwane kafa o ka tlatsang ka gone diforomo tsa peeletso, o bo o itsise ka mokaulengwe kana bakaulengwe ba ba abetsweng go amogela dipeeletso.
20 mets: “Thusa Bana go Direla Jehofa go Tswa mo Pelong.” Tlotla le bareetsi. Gatelela gore go tlhokega gore batsadi ba diragatse boikarabelo jwa bone jwa go baya sekao le go katisa bana ba bone ka namana mo bodiheding. Kopa motsadi a le mongwe kana ba le babedi gore ba bolele seo ba ileng ba se dira seo se ileng sa nna le diphelelo tse di molemo. Dira gore motsadi mongwe a bontshe kafa a neng a thusa ngwana go baakanyetsa motlotlo wa Bibela gore a tle a o dirise mo bodiheding jwa ka ntlo le ntlo. Konela ka go dira gore mosha mongwe a bontshe nngwe ya metlotlo e e akantshitsweng.
20 mets: “Kopano ya Kgaolo ya ‘Batshodi ba Lesedi’ ya 1992”—Karolo 1. Motlotlo le bareetsi go dirapa 1-12. Baboledi ba ka nna ba rata go tlotla ka dintlha tse di tshwanetseng le dithuto tsa bone tsa Bibela bao ba tla bong ba le gone kwa kopanong eno. Gakolola phuthego gore e tlile go ya kopanong efe mme o manege lekwalo la (May 2, 1992) mo lomating lwa dikitsiso.
Pina 221 le thapelo e e konelang.
Beke E E Simololang ka October 26
Pina 46
10 mets: Dikitsiso tsa lefelo la lona. Tlotla ka mpho ya November, Bibela—A Ke Lefoko la Modimo Kana Ke la Batho? Kgothaletsa baboledi gore ba nne le mpho eno e e oketsegileng mme ba ipaakanyetse go e tsamaisa ka Sontaga, November 1. Kgothaletsa botlhe gore ba akanyetse gore a ba ka kgona go tsaya bobulatsela jo bo thusang ka November kana December ereka gantsi malatsi a boikhutso a dira gore go nne le nako e e oketsegileng.
15 mets: “Kopano ya Kgaolo ya ‘Batshodi ba Lesedi’ ya 1992”—Karolo 2. Motlotlo le bareetsi go dirapa 13-18 mme fa nako e letla o bo o boeletsa ka bokhutshwane “Dikgakololo tsa Kopano ya Kgaolo.” O akaretse dikgakololo tse di tshwanetseng tse di theilweng go tshedimosetso e e mo go Tora ya Tebelo ya June 15, 1989, ditsebe 10-20. Kgothaletsa ditlhopha tsa malapa gore di boeletse dintlha tse di mo ditlhogong tseno pele ba ya kopanong.
10 mets: Letlole la Dipotso. Tlotla le bareetsi. Gatelela lebaka la go bo go le botlhokwa gore bana ba nne le leina le lentle ka ntlha ya boitshwaro jo bontle le go eletsa ka bopeloephepa go nna le seabe mo bodiheding jwa tshimo gore ba tshwanelege go nna baboledi ba ba sa kolobediwang.
10 mets: “Oketsa Seabe sa Gago mo go Tsamaisiweng ga Dimakasine.” Motlotlo ka molebedi wa tirelo, o kgothatsa phuthego ka lorato gore e tshegetse dithulaganyo tsotlhe tsa dimakasine, segolobogolo ka Bomatlhatso. Boeletsa kafa phuthego e tsamaisitseng dimakasine ka gone mo dikgweding disekae tse di fetileng. Thusa botlhe gore ba nne ba gopotse ka dimakasine le gore motho ka namana a ipeele mokgele.
Pina 111 le thapelo e e konelang.