Dipokano Tsa Tirelo ka November
Beke E E Simololang ka November 2
Pina 49
10 mets: Dikitsiso tsa lefelo la lona le Dikitsiso tse di tlhophilweng go tswa go Tirelo ya Rona ya Bogosi. Lebisa tlhokomelo mo tshedimosetsong e e mo lebokosong e e malebana le diaterese tsa makala. Akgolela baboledi go bo ba tsaya karolo mo tirong ya go rera ka Bogosi. Akantsha ka dintlha tse di ka buelelwang mo dimakasineng tsa bosheng tse di ka dirisiwang mo tshimong ya lefelo la lona.
15 mets: “Maatla a Lefoko la Modimo.” Dipotso le dikarabo. Kgothaletsa botlhe go bala pampitshana e e reng Lebaka la Go Bo O Ka Ikanya Bibela, ba ntse ba ela tlhoko ditsela tsa go akantshana le puisano e e ka dirisiwang e e motlhofo, le e e nang le matswela mo tirelong ya tshimo.
20 mets: “Thaya Motheo mo Loetong lwa Gago lwa Ntlha.” Mokaulengwe yo o tla bong a tshwere karolo eno o dira dipontsho di le nne tse di tlhalosang nngwe ya diketapele tse di umakilweng mo serapeng sa 2 le 3 a bo a bontsha nngwe le nngwe ya dintlha tse di mo serapeng sa 4, 5, le sa 6. Pontsho ya bofelo e tshwanetse ya bontsha kafa buka ya Lefoko la Modimo e ka tsamaisiwang ka gone mo loetong lwa ntlha.
Pina 52 le thapelo e e konelang.
Beke E E Simololang ka November 9
Pina 141
5 mets: Dikitsiso tsa lefelo la lona le Dikgang tsa Bolegodimo.
15 mets: “A O Latela Ditaolo?” Puo ka molebedi yo o okamelang e e thailweng mo setlhogong sa Tora ya Tebelo ya October 1, 1990, mo ditsebeng 30-1. E tshwanetse ya lebaganngwa ka tlhamalalo le dilo tse di tlhokafalang tsa mo lefelong la lona: go bega tirelo ya tshimo ka nako, go phepafatsa Holo ya Bogosi, go tla ka nako mo dipokanong tsa tirelo ya tshimo, go tlhokomela bana mo Holong ya Bogosi, le tse dingwe fela jalo. Ba akgolwe mo go tshwanelang teng, mme botlhe ba thusiwe go lemoga kafa phuthego yotlhe e ka solegelwang molemo ka gone le kafa tiro ya batlhanka ba ba tlhophilweng e tlhofofalang ka gone fa mongwe le mongwe a latela ditaolo.
10 mets: “Nna Mmulatsela Yo O Thusang ka December.” Ka botsalano le ka matlhagatlhaga akaretsa kgang eno ka tsela ya dipotso le dikarabo. Itsise ka dithulaganyo tsa lefelo la lona tsa tirelo ya tshimo le dithulaganyo tse di kgethegileng tse di tla direlwang ditlhopha tse dikgolwane ka December.
15 mets: “A O Tsaya Dibuka tsa Rona Di Le Botlhokwa?” Puo e e kgothatsang.
Pina 27 le thapelo e e konelang.
Beke E E Simololang ka November 16
Pina 179
15 mets: Dikitsiso tsa lefelo la lona, go akaretsa le pego ya tsa madi le dikitsiso dipe tsa gore go amogetswe meneelo. Akgola phuthego ka botsalano go bo e tshegetsa phuthego ya lefelo la lona ka madi mmogo le Letlole la Diholo tsa Bogosi la Mokgatlho le tiro ya Mokgatlho ya lefatshe ka bophara. Mo malatsing a boikhutso batsadi thatathata ba tshwanetse ba tlhomelela bana ba sekolo go lebagana le dikgang tse di ka nnang tsa tsoga, ba dirisa boroutšhara ya Sekolo mo ditsebeng 17-21.
20 mets: “Kafa O Ka Tlhagolelang Kgatlhego Ka Gone.” Puo le dipontsho, e tshwanetse ya neelwa ke molebedi wa tirelo. Bontsha ditsela tse di tlhalositsweng mo serapeng sa 5 le 6. Dira dipontsho tse di motlhofo le tse di seng thata go ka di latela.
10 mets: “Tlhopha Dintlha Tse Di Tshwanetseng Tse Di Ka Buelelwang.” Motlotlo ka monna le mosadi fa ba ipaakanyetsa tirelo ya tshimo.
Pina 198 le thapelo e e konelang.
Beke E E Simololang ka November 23
Pina 54
10 mets: Dikitsiso tsa lefelo la lona. Dira pontsho o bontsha kafa ntlha e e ka buelelwang e e tswang mo makasineng wa bosheng e ka dirisiwang ka gone mo mafelobekeng ano. Dirisa dikakantsho tse di ileng tsa neelwa mo Pokanong ya Tirelo ya beke e e fetileng.
20 mets: “Go Ikaega ka Jehofa mo go Tsotlhe Tseo Re Di Dirang”—Karolo 1. Motlotlo o o tswang mo tsenyeletsong go tswa mo serapeng sa 1 go ya go 13 ka bakaulengwe ba le babedi, segolo thata e nne bao ba berekang le Komiti ya Kago ya Kgaolo ya mo karolong eo. Ba ka nna ba akaretsa maitemogelo a mo lefelong la lona. Kgothaletsa botlhe ka tsela e e botsalano bao ba tshwanelegang go ka ithaopa.
15 mets: Lebaka la Go Bo Re Sa Keteke Malatsi a Matsalo. Motlotlo ka mogolwane le mosimanyana yo o senang rraagwe yo a iseng a fitlhe mo dingwageng tsa gagwe tsa bolesome yo o tlhomang sekao se se molemo. Mosimanyana yono o atamela mogolwane a mo kopa thuso gore a tle a dirisane le kgatelelo e e tswang mo balekaneng ba gagwe ya gore a nne gone mo pathing ya letsatsi la botsalo. O tlhaloganya gore go dira jalo go phoso mme lefa go ntse jalo o ne a ka rata gore a kgone go tlhalosetsa ba bangwe ka ga gone ka phepafalo. Mogolwane ka bopelonomi ebile a dirisa puo e e motlhofo o boeletsa le mosimanyana yono tshedimosetso e e mo ditsebeng 30-1 e e mo go Tora ya Tebelo ya September 1, 1992, le e e mo bukeng ya Go Fetolana mo ditsebeng 68-70.
Pina 24 le thapelo e e konelang.
Beke E E Simololang ka November 30
Pina 104
10 mets: Dikitsiso tsa lefelo la lona. Boeletsa dintlha tse di tswang mo lekwalong la August 15, 1992 le le tswang kwa Mokgatlhong, o kgothaletsa baboledi gore ba tsenye dipego tsa bone mo Lebokosong la Dipego le le kgethegileng le le mo Holong ya Bogosi.
15 mets: Go Dirisa Buka ya Monna Yo Mogolo Gore Lesedi la Rona le Phatsime ka December. Puo e e nang le pontsho. Kgothaletsa botlhe gore ba nne ba gakologetswe dintlha tsa tirelo ya tshimo. Akantsha ka dintlha tse di ka buelelwang tse di thailweng mo dikgaolong tse di ileng tsa sekasekiwa mo Thutong ya Buka ya Phuthego mo tshimologong ya kgwedi eno.
20 mets: “Go Ikaega ka Jehofa mo go Tsotlhe Tseo Re Di Dirang”—Karolo 2. Go sekasekiwa dirapa 14 go ya go 25 tsa tsenyeletso ka dipotso le dikarabo. Gatelela seabe se mmoledi mongwe le mongwe a ka nnang le sone (1) mo go ithaopeng fa a tshwanelega ebile lefa maemo a mo letla, (2) mo go ntsheng meneelo ya madi ya Letlole la Diholo tsa Bogosi la Mokgatlho, le (3) go tshegetsa ditiro tsa phuthego fa ba bangwe ba ile kwa kabelong ya go ya go aga.
Pina 4 le thapelo e e konelang.