Dikgang Tsa Puso ya Modimo

Afrika Borwa: Mo godimo ga tse go setseng go builwe ka tsone, Diphuthego tsa Sea Park le Mfazazane (tse ka bobedi jwa tsone di leng Natal South Coast) di ile tsa itumelela go kgakolwa ga Diholo tsa tsone tse disha tsa Bogosi ka October. Seno se dira gore go nne le palokakaretso ya Diholo tsa Bogosi di le tlhano tse di neng tsa kgakolwa ka mafelobeke a October 1 le 2, ka 1994. Re leboga botlhe ba ba ileng ba thusa mo dikagong tseno.

Albania: Go nnile le tlhora e ntšha ya baboledi ba le 353 ka July, le tlhora e ntšha ya dimakasine tse di tsamaisitsweng. Baboledi ba phuthego ba ile ba fitlhelela palogare ya diura di le 22,4 mo bodireding mme ba tshwara dithuto tsa magae tsa Baebele di le 1 073.

Cameroon: Go ne ga agiwa ofisi e ntšha ya lekala ka July, mme ka nako e le nngwe fela ga nna le tlhora e ntšha ya baboledi ba le 21 323.

Greenland: Baboledi ba ba neng ba bega tirelo ya tshimo ka July ba ne ba le 134. Seno e ne e le tlhora e ntšha.

Zaire: Lefa go ne go na le maemo a a ngomolang pelo a batshabi ba le dikete tse di makgolokgolo ba ba neng ba thelegela mo Zaire, go ne ga nna le tlhora e ntšha ya baboledi ba le 83 442 ka July. Bakaulengwe ba dirile maiteko a magolo go thusana, mme ba re ba anaanela thata ditiro tsa namolo tse di tswang kwa ntle.