Dikitsiso
◼ Dikgatiso tse di tla dirisiwang ka September: O Ka Tshelela Ruri mo Lefatsheng la Paradaise ka moneelo o o kgethegileng, wa tlhwatlhwa e e fokoditsweng ya R8,00. Dibuka tse dipotlana ke R4,00. (Ditlhwatlhwa tse di fokoditsweng tsa buka ya Tshelela Ruri di tla nna jalo mo dikgweding tsootharo tsa letsholo la tshimo e e sa abiwang.) Go tshwanetse ga dirwa maiteko a go simolola dithuto tsa Baebele. October: Dipeeletso tsa ngwaga o le mongwe tsa Tora ya Tebelo kana Tsogang! tse di tlang ka poso ka moneelo wa R33,00 mo dikgatisong tse di tswang gabedi ka kgwedi. Peeletso ya ngwaga o le mongwe mo dikgatisong tse di tswang gangwe ka kgwedi kana peeletso ya dikgwedi tse thataro mo dikgatisong tse di tswang gabedi ka kgwedi ke R16,50. Dipeeletso tsa tlelapa ke R19,00 mme tse dingwe ke R9,50. Dirang boiteko jo bo kgethegileng jwa go tsamaisa dimakasine fa motho a sa batle peeletso. November: Tsamaisang buka ya Matsapa a a Tserweng ke Motho go Batla Modimo ka moneelo wa R5,30.
◼ Molebedi yo o okamelang kana mongwe yo o mo tlhophileng o tshwanetse go tlhatlhoba diakhaonto tsa diphuthego ka September 1 kana ka bonako morago ga foo fa go kgonega. Itsise phuthego ka seno fa se setse se dirilwe.
◼ Bagolwane ba gakololwa gore ba bale ditaelo tse di leng mo ditsebeng 21-3 tse di mo makasineng wa Tora ya Tebelo ya April 15, 1991, e e buang ka batho bape ba ba kgaotsweng kana ba ba itomolotseng ba ba ka tswang ba batla go busediwa.
◼ Diphuthego di tshwanetse go simolola go otara 1996 Calendar of Jehovah’s Witnesses mo otareng ya tsone ya dibuka ka September. Dikhalentara di tla bo di le teng ka Seburu, Seesemane, Sefora, Segerika, Sejeremane, Sentadiana, Sepotokisi, Sesotho, Sexhosa le Sezulu. Tseno ke dilwana tsa setoko se se laolwang. Diphuthego tse di senang akhaonto mo Mokgatlhong kana tse di o kolotang di tshwanetse go romela madi fa di romela diotara tsa tsone.
◼ Ka Matlhatso, October 14, 1995, legae la Bethele le feketeri di tla bo di tswetswe gore di phepafadiwe, ka jalo, go tla bo go sena dithulaganyo dipe tsa go bona moago.
◼ Re batla go gopotsa DIPHUTHEGO TSOTLHE gore tsweetswee di otare dikarata tsa Advance Medical Directive/Release le Di-identity Card ka bonako ka mo di ka kgonang ka gone mo foromong ya tsone ya Literature Order (S-AB-14). Diphuthego tse di senang akhaonto mo Mokgatlhong kana tse di o kolotang mo akhaontong ya tsone ya dibuka di tshwanetse go romela madi fa di romela diotara tsa tsone. Dikarata tsa medical directive di ja disente di le lesome e le nngwe mme Di-identity Card ke disente di le robedi e le nngwe. Tsweetswee otarang ka dipalo tsa selekanyo sa 20 fa go ka kgonega. Lo se ka lwa aba dikarata tseno mme di bolokeng go fitlha lo amogela dikaelo tse di oketsegileng go tswa Mokgatlhong.
◼ Dibetšhe tsa kopano ya kgaolo ya 1995 di tshwanetse gore di otariwe mme molato wa tsone wa disente di le robedi e le nngwe o tla tsenngwa mo akhaontong ya phuthego ya dibuka. Diphuthego tse di senang akhaonto mo Mokgatlhong kana di o kolota mo akhaontong ya tsone di tshwanetse go romela madi fa di romela diotara tsa tsone. Tsweetswee di otareng ka dipalo tsa selekanyo sa 20 fa go kgonega. Dibetšhe tseno di teng ka Seburu, Seesemane, Sepotokisi, Sesotho, Sexhosa le Sezulu. Tsweetswee, dirisang foromo ya Literature Order (S-AB-14) fa lo otara. Diotara tseno di tshwanetse gore di fitlhe mo Mokgatlhong pele ga November 1, 1995. Morago ga foo re ka se tlhole re amogela diotara tsa dibetšhe.
◼ Re ka itumela thata fa batho ba ba kwalelang Mokgatlho ba ka kwala maina a bone le aterese e e tletseng ya poso mo enfolopong kwa godimo kafa molemeng wa yone kana kafa morago. Fa diphuthego di kwalela Mokgatlho, tsweetswee di tshwanetse gore di kwale maina a tsone le nomoro ya phuthego. Seno se botlhokwa thata ka gonne se thusa Mokgatlho fa o ntse o dirisana le poso.