Thulaganyo ya Pokano ya Tirelo
Beke e e Simololang ka March 13
Pina 118
10 mets: Dikitsiso tsa phuthego ya lona. Dikitsiso tse di tlhophilweng go tswa mo go Tirelo ya Rona ya Bogosi.
15 mets: “Re Rera Dikgang Tse di Molemo.” Matseno a gago a se ka a feta motsotso, mme go latele motlotlo wa dipotso le dikarabo. Bontsha dikai tsa dintlha tse di molemo tsa Dikwalo tse di ka tsewang mo bukeng ya Kitso fa o e tsamaisa mo bodireding.
20 mets: “A re Ka Dira April 2000 Kgwedi E e Di Gaisang Tsotlhe?” (Dirapa 1-11) Dipotso le dikarabo. Umaka palo e kgolo go gaisa tsotlhe ya babulatsela ba ba thusang mo hisitoring ya bosheng jaana ya phuthego ya lona. Dira gore bangwe ba ba leng mo palong eo ba bolele ka melemo e ba nnileng le yone fa ba ne ba oketsa seabe sa bone mo bodireding. Kgothaletsa phuthego gore e ipeele mokgele wa go fitlhelela palo e kgolo thata ya babulatsela ba ba thusang ka April. Sekaseka ditshwanelego tse di kwadilweng mo bukeng ya Bodihedi jwa Rona, ditsebe 113-14. Baboledi ba ba ratang go tsaya bobulatsela jo bo thusang ba ka kopa diforomo tsa kopo fa pokano e sena go tswa.
Pina 187 le thapelo e e konelang.
Beke e e Simololang ka March 20
Pina 21
10 mets: Dikitsiso tsa phuthego ya lona. Pego ya diakhaonto.
15 mets: “Nka Dira Eng?” Motshwari wa thuto ya buka o tlotla ka setlhogo seno le motlhanka wa bodiredi a le mongwe kana ba le babedi. Baboledi bangwe ba ka nna ba akanya gore ga ba dire go le kalo mo tirong ya phuthego, ka ntlha ya makoa a bone a a farologaneng. Sekaseka ditsela dingwe tse rotlhe re ka di dirang gore re nonotshe phuthego le go tsweledisa pele tiro ya Bogosi. Konela ka go bontsha gore mongwe le mongwe a ka “Nna le Seabe mo Pegong ya Bofelo-felo.”—Bona Bodihedi jwa Rona, ditsebe 108-10.
20 mets: “A re Ka Dira April 2000 Kgwedi E e Di Gaisang Tsotlhe?” (Dirapa 12-18) Dipotso le dikarabo. Akaretsa le pontsho e khutshwane e e bontshang ka fa o ka laletsang motho yo o mo tlwaetseng gore a tle Segopotsong ka gone. Sekaseka “Khalendara ya Puso ya Modimo ya April 2000,” mme o bolele ka dipokano tsa tirelo tse di rulagantsweng mo phuthegong ya lona. Gakolola mongwe le mongwe gore a itirele thulaganyo e e molemo ya go nna le seabe mo bodireding mo kgweding eno ka mo go ka kgonegang ka gone, seno se tla dira gore phuthego e batle go dira ka botlalo. Kgothaletsa botlhe ba ba ka kgonang go tsaya bobulatsela jo bo thusang go itseela diforomo tsa kopo morago ga pokano eno.
Pina 65 le thapelo e e konelang.
Beke e e Simololang ka March 27
Pina 119
10 mets: Dikitsiso tsa phuthego ya lona. Gakolola botlhe go tlisa dipego tsa tirelo ya tshimo tsa March. Itsise maina a batho ba e tla bong e le babulatsela ba ba thusang ka April. Ba tlhalosetse gore go sa ntse go na le nako ya go tlisa dikopo. Tlhalosa thulaganyo yotlhe ya dipokano tsa tirelo ya tshimo e e rulaganyeditsweng kgwedi eno. Kgothaletsa mongwe le mongwe go nna le seabe mo bodireding mo mafelobekeng ano, fa ba ka dira jalo ba tla bo ba simolola kgwedi ya April sentle. Re tla bo re tsamaisa dikhopi tsa dimakasine tsa Tora ya Tebelo le Tsogang! mo kgweding eno. Gatelela setlhogo se le sengwe fela le ntlha e e tshwanelang e e tshegetsang kgang, tse di ka dirisiwang ka tsela e e nang le matswela mo dipuisanong tse di mo go nngwe le nngwe ya dimakasine tseno tsa bosheng. Mongwe le mongwe o tshwanetse go nna a tshwere boroutšhara jwa Re Direng le go leka go e dirisa go simolola dithuto tsa Baebele tsa magae le batho ba ba kgatlhegang.
17 mets: “Go Ithuta Buka ya Boporofeti Jwa ga Daniele.” Dipotso le dikarabo. Akgela ka bokhutshwane ka fa re ka solegelwang molemo ka gone fa re ithuta buka ya Baebele ya Daniele. (Bona kgaolo 1, dirapa 15-17, mo bukeng ya Boporofeti Jwa ga Daniele.) Kgothaletsa botlhe go nna gone kwa Thutong ya Buka ya Phuthego ka metlha.
18 mets: A ke Tshwanetse go Bega Boleo jo bo Masisi? Puo e e neelwang ka tlhoafalo ke mogolwane, a bua le basha. Go na le mathata a mantsi a a ileng a tlhaga mo setšhabeng gompieno a a amang basha ka tsela e e maswe thata: go senyega ga ditekanyetso tsa boitsholo, go oketsega ga thubakanyo, go tshwakgolwa ke diokobatsi le go sa tlotle baeteledipele. Basha ba bangwe ba tshela botshelo jwa boitimokanyi, ba batla go lebega e kete ba itshwere sentle. Seno se ka koafatsa bomoya jwa phuthego yotlhe. Bangwe ba dira maleo a a masisi ba bo ba batla go a loba. Fa o itse gore mokaulengwe kana kgaitsadi mongwe o tlodile molao wa Modimo ka go dira sengwe se se masisi, ke eng se o tshwanetseng go se dira? Sekaseka molaomotheo o o kwadilweng mo go Lefitiko 5:1. (Bona Tora ya Tebelo ya August 15, 1997, ditsebe 27-30.) Dirisa buka ya Dipotso Tse Basha Ba Di Botsang, ditsebe 68-9, mme o tlhalose selo se motho a tshwanetseng go se dira mo maemong a a ntseng jalo.
Pina 195 le thapelo e e konelang.
Beke e e Simololang ka April 3
Pina 72
10 mets: Dikitsiso tsa phuthego ya lona le maitemogelo a tirelo ya tshimo. Dirisa maitemogelo a bosheng jaana a a tlhophilweng a a tswang mo tshimong ya lona a a tla kgothaletsang ba bangwe go nna le seabe.
13 mets: “Kopa Thuso.” Puo le motlotlo le bareetsi ka mogolwane. Tlhalosa ka fa gangwe le gape rotlhe re tlhokang go thusiwa ka gone. Ke boammaaruri gore motho mongwe le mongwe o tshwanetse go ithwalela morwalo wa gagwe. (Bagal. 6:5) Le fa go ntse jalo, fa re sa kgone go itshoka, ga re a tshwanela go etsaetsega go kopa thuso mo mothong yo o godileng semoyeng mo phuthegong. Kopa bareetsi gore ba bolele maitemogelo a a bontshang ka fa ba kgothaditsweng ka gone ke go thusiwa ke ba bangwe ka tsela e e lorato.
10 mets: Dilo tse phuthego ya lona e tlhokang go di ela tlhoko.
12 mets: Sekaseka 2000 Yearbook. Motlotlo le bareetsi mme o sekaseke dintlhakgolo tsa “Dipalogotlhe Tsa 1999,” tse di mo tsebeng ya 31. Gape tlotla ka “Lekwalo le le Tswang Kwa Setlhopheng se se Laolang,” le le mo ditsebeng 3-5. Kopa gore bangwe ba akgele ba bontsha ka fa ba tlileng go dirisa kgothatso e ba e neetsweng ka gone.
Pina 68 le thapelo e e konelang.