Tlhatlhobo ya Sekolo sa Bodiredi sa Puso ya Modimo

Go tla sekasekiwa dipotso tse di latelang mo tlhatlhobong e e sa kwalweng mo Sekolong sa Bodiredi sa Puso ya Modimo ka beke e e simololang ka June 27, 2005. Molebedi wa sekolo o tla tshwara poeletso ya metsotso e le 30 e e theilweng mo tshedimosetsong e e ileng ya ithutiwa mo dipuong tsa go tloga ka beke ya May 2 go ya go June 27, 2005. [Ela tlhoko: Mo dipotsong tse di se nang ditshupiso, o tla tshwanelwa ke go itirela dipatlisiso gore o bone dikarabo.—Bona Sekolo sa Bodiredi, ts. 36-7.]

BOKGONI JWA GO BUA

1. Ke ka ntlha yang fa ditshwantshanyo le ditshwantshiso e le dilo tse di molemo thata tse di thusang go ruta? (Gen. 22:17; Pes. 1:3; Jak. 3:6) [be-TN ts. 240 dir. 2-4, lebokoso] 2. Re ka bona kae dikai tse di rutang, mme ke eng se re tshwanetseng go se ela tlhoko mo ntlheng eno? [be-TN ts. 242 dir. 1-2]

3. Ke eng se re tshwanetseng go nna re se gakologetswe fa re tlhopha ditshwantsho tse di tla nnang le matswela mo puong? [be-TN ts. 244 dir. 1-2]

4. Ke ka ntlha yang fa re tshwanetse go dirisa dilo tse bareetsi ba di bonang fa re ruta, mme Jehofa o ne a dira jalo jang? [be-TN ts. 247 dir. 1-2, lebokoso]

5. Re ka dirisa jang dilo tse batho ba di bonang fa re le mo tshimong? [be-TN ts. 248 ser. 1–ts. 249 ser. 2]

PUO NO. 1

6. Lefoko la Modimo le na le kaelo efe malebana le go rutiwa ga bana? [w03-TN 3/15 ts. 12 ser. 2; ts. 14 ser. 4]

7. Jehofa o ne a bontsha jang gore o ne a ntse a etse Dafide tlhoko fa a ne a sa ntse a le mosha, mme Dafide le ene o ne a bontsha jang gore o rata Jehofa? [w03-TN 4/15 ts. 29 ser. 4; ts. 30 ser. 3]

8. Ke ka ntlha yang fa Jehofa a ne a amogela setlhabelo sa ga Abele, mme seno se tshwanetse go re tlhomamisetsa ka eng? (Gen. 4:4) [w03-TN 5/1 ts. 28 ser. 4–ts. 29 ser. 1]

9. “Kotlhao [kgalemo] ya ga Jehofa” e Diane 3:11 e re kgothaletsang gore re se ka ra e gana ke efe? [w03-TN 10/1 ts. 20 dir. 2-4]

10. “Thetebalo” e go buiwang ka yone mo go 1 Timotheo 6:6-8 e kayang? [w03-TN 6/1 ts. 9 ser. 1-2; ts. 10 ser. 1]

MMALO WA BAEBELE WA BEKE LE BEKE

11. Lorato lo Jonathane le Dafide ba neng ba ratana ka lone lo ne lo tshwantshetsa eng? (2 Sam. 1:26) [w89-TN 1/1 ts. 26 ser. 13] 12. Re ithuta eng mo go se se neng sa direga fa Dafide a ne a leka lekgetlho la ntlha go tlisa letlole la kgolagano mo Jerusalema? (2 Sam. 6:2-9)

13. Fa Dafide le Bathesheba ba sena go leofa, ke ka ntlha yang fa ngwana wa bone a ne a tshwanelwa ke go swa, ka gonne Duteronome 24:16 le Esekiele 18:20 ya re ngwana a se ka a swela tlolo ya ga rraagwe? (2 Sam. 12:14; 22:31)

14. Re itse jang gore se Siba a neng a se bua ka Mefiboshethe e ne e le maaka? (2 Sam. 16:1-4)

15. Ke ka ntlha yang fa tsela e Mefiboshethe a neng a arabela ka yone mo tiragalong ya gagwe le Siba e le sekao se se molemo mo go rona? (2 Sam. 19:24-30)