Thulaganyo ya Pokano ya Tirelo
ELANG TLHOKO: Kgwedi e le nngwe kana di le pedi fa phuthego e tswa Kopanong ya Kgaolo ya “Go Ikobela Modimo,” go beelwe metsotso e le 15 go ya go e le 20 kwa thoko mo Pokanong ya Tirelo (mo boemong jwa puo ya dilo tse phuthego ya lona e tlhokang go di ela tlhoko) gore go tlotlwe ka dintlha tse baboledi ba di fitlhetseng di le mosola go ka dirisiwa mo bodireding tse go ithutilweng tsone kwa kopanong. Puo eno e e kgethegileng ya Pokano ya Tirelo e tla re naya tshono ya go tlhalosa gore re dirisa jang se re se ithutileng kwa kopanong le gore seo se re thusitse jang gore bodiredi jwa rona e nne jo bo nang le matswela.—Bona Tirelo ya Rona ya Bogosi ya October 2005, ts. 2.
Beke e e Simololang ka December 12
Pina 32
10 mets: Dikitsiso tsa phuthego ya lona. Dikitsiso tse dingwe tse di tlhophilweng mo kgatisong ya Tirelo ya Rona ya Bogosi. Tlotla ka lebokoso la setlhogo se se reng “Tsweetswee Boela ka Bonako.” Bontsha bareetsi foromo eno ya S-43 fa e le gore lo na le yone. Dirisa dikakantsho tse di mo tsebeng ya 8 (fa e le gore di tshwanela tshimo ya gaeno) go bontsha gore makasine wa Tora ya Tebelo ya December 15 le Tsogang! ya January 8 di ka tsamaisiwa jang. Go ka nna ga dirisiwa le dipuisano tse dingwe tse di tshwanelang. Morago ga pontsho nngwe le nngwe, umaka tsela e e motlhofo e mmoledi a ka tsenyeletsang temana ka yone fa a buisana le motho.
15 mets: “Sekolo Se se Re Thusang go Dirisa Se re Se Ithutileng.” Puo e e neelwang ke molebedi wa sekolo. Akaretsa dintlha dingwe tse di tswang mo Thulaganyong ya Sekolo sa Bodiredi sa Puso ya Modimo sa 2005, e e mo kgatisong ya Tirelo ya Rona ya Bogosi ya October 2005.
20 mets: “Thuto e e Isang Botshelong.”a Rulaganya go sa le gale gore mmoledi a le mongwe kgotsa ba babedi ba tlhalose gore thuto e re e newang ke Modimo e ba solegetse molemo jang.
Pina 101 le thapelo e e konelang.
Beke e e Simololang ka December 19
Pina 160
10 mets: Dikitsiso tsa phuthego ya lona. Dikgang Tsa Puso ya Modimo. Umaka gore go dirilwe dithulaganyo dife tse di kgethegileng tsa tirelo ya tshimo ka December 25 le ka January 1. Gakolola botlhe gore ba tle le makasine wa Tsogang! ya January 2006 mo Pokanong ya Tirelo mo bekeng e e tlang.
15 mets: “Bontsha Batho Gore o Amega ka Bone—Ka go Fetofetola Puisano ya Gago.”b Dira gore go nne le pontsho e khutshwane e e bontshang kafa mmoledi a ka fetolang puisano ya gagwe ka gone ka ntlha ya se se buiwang ke mong wa ntlo.
20 mets: Go Ngaparela Ditekanyetso Tsa ga Jehofa mo Tseleng e re Aparang Le e Re Ipaakanyang ka Yone. Puo e e neelwang ke mogolwane e go tlotlwang le bareetsi mo go yone, e e theilweng mo makasineng wa Tora ya Tebelo ya August 1, 2002, ditsebe 17-19. Kopa bareetsi go tlhalosa gore go tlhoma sekao se se molemo mo tseleng e re aparang ka yone go ka re bulela jang ditshono tsa go neela batho ba bangwe bosupi.
Pina 56 le thapelo e e konelang.
Beke e e Simololang ka December 26
Pina 85
10 mets: Dikitsiso tsa phuthego ya lona. Bala pego ya diakhaonto le makwalo ape a a bontshang gore meneelo ya lona e amogetswe. Tlotla ka setlhogo se se reng “O Tla Reng Fa e Le Motšhini o Arabang Founo?” Gakolola baboledi gore ba tlise dipego tsa bone tsa tirelo ya tshimo tsa December. Fa e le gore phuthego ya lona e tlile go fetola nako ya dipokano mo ngwageng o mosha, itsise phuthego gore e tlile go tsena nako mang. Umaka gore go tla bo go tsamaisiwa kgatiso efe ka January, mme o tlhalose gore dikakantsho tsa go buelela kgatiso eo di ka bonwa kae.
15 mets: Dilo tse phuthego ya lona e tlhokang go di ela tlhoko.
20 mets: Dikarolo Tse Disha Tsa Makasine wa Tsogang! Puo e go tlotlwang le bareetsi mo go yone. Tlhalosa diphetogo tse di dirilweng mo makasineng wa Tsogang! tse go neng ga dirwa kitsiso ka tsone mo kgatisong ya Tirelo ya Rona ya Bogosi ya March 2005, tsebe 1, dirapa 5-6. Akgela le ka setlhogo se se reng “Go Babadi ba Rona” se se mo makasineng wa Tsogang! ya January 2006, ditsebe 3-4. Umaka dikai tse di bontshang gore makasine ono o isa batho ka tlhamalalo kwa Baebeleng. Kopa bareetsi gore ba tlhalose selo sengwe gape se sesha ka makasine ono mo tsebeng ya 31. Re tla tswelela re ntse re tsamaisa Tora ya Tebelo e patilwe ke Tsogang! fa re tsamaya ka ntlo le ntlo. Mme gone, re tla naya batho ba re ba isetsang dimakasine ka metlha le ba bangwe ba ba amogelang dimakasine mo go rona tokololo e le nngwe fela ya Tsogang! Dirisa dikakantsho tse di mo tsebeng ya 8 (fa e le gore di tshwanela tshimo ya gaeno), go bontsha gore Tora ya Tebelo ya January 1 le Tsogang! ya January di ka tsamaisiwa jang. O ka nna wa dirisa le dipuisano tse dingwe gape tse di tshwanelang. Tirelo ya Rona ya Bogosi ya January e tla nna le puisano e nngwe ya bobedi ya kafa Tsogang! e ka buelelwang ka gone go dirisiwa ditlhogo tsa yone tse di kafa teng. Dipuisano tseo ka bobedi, di ka dirisiwa kgwedi yotlhe.
Pina 222 le thapelo e e konelang.
Beke e e Simololang ka January 2
Pina 5
5 mets: Dikitsiso tsa phuthego ya lona.
15 mets: “Dirisa ka Botlhale Dikgatiso Tsa Rona Tse di Theilweng mo Baebeleng.”c Akaretsa dintlha tse di tswang mo kgatisong ya Tirelo ya Rona ya Bogosi ya September 2002, tsebe 1.
25 mets: “A Ngwana wa Gago O ne A ka Kgona go Dira Tshwetso e e Bontshang Gore o Godile Sentle mo Tlhaloganyong?”d E neelwe ke mogolwane. Kopa mokaulengwe yo o balang sentle gore a balele serapa sengwe le sengwe kwa godimo. Dira gore go tlotlwe ka ditemana tsotlhe tse di umakilweng. Fa o sena go tlotla ka serapa 2, bontsha gore basha ba babedi ba ba umakiwang mo serapeng 16-17 sa Tora ya Tebelo ya June 15, 1991 ba farologana jang, o bo o akaretsa dintlha tse di mo lebokosong le le mo tsebeng ya 17. Fa o konela, kgothaletsa batsadi gore ba bale setlhogo seo sotlhe sa Tora ya Tebelo mme ba simolole ka bonako go se tlotla le bana ba bone le go ikatisa le bone gore ba itse tsela e ba ka tlhalosang tumelo ya bone ka yone malebana le molao o o theilweng mo Baebeleng o o amanang le madi. Ditlhogo tsa malapa di tshwanetse go ela tlhoko gore bana ba bone ba ba kolobeditsweng ba tsamaya ba tshotse karata ya DPA mme ngwana mongwe le mongwe yo o sa kolobediwang o tsamaya a tshotse Identity Card. Fa go na le mongwe yo o robaditsweng kwa bookelong mme go tsogile bothata jo bo amanang le go tshelwa madi, bagolwane ba tshwanetse go ikgolaganya le Komiti ya Puisano le Dikokelo ya mo lefelong la gaeno. Tsweetswee Elang Tlhoko: Go akantshiwa gore phuthego nngwe le nngwe e rulaganyetse go tlotla ka tshedimosetso eno fa batsadi le bana ba tla bo ba le teng ka bontsi, le fa seno se ka raya gore gongwe puo eno e busediwe morago go ela kwa bokhutlong jwa January 2006.
Pina 48 le thapelo e e konelang.
[Dintlha tse di kwa tlase]
a Matseno a gago a se ka a feta motsotso, mme go latele motlotlo wa dipotso le dikarabo.
b Matseno a gago a se ka a feta motsotso, mme go latele motlotlo wa dipotso le dikarabo.
c Matseno a gago a se ka a feta motsotso, mme go latele motlotlo wa dipotso le dikarabo.
d Matseno a gago a se ka a feta motsotso, mme go latele motlotlo wa dipotso le dikarabo.