Ba Thuse go ‘Tsepama mo Tumelong’

Go a itumedisa go bona kafa Jehofa a segofatsang tiro ya go phutha batho ka teng, e re ka go kolobediwa batho ba feta kwatara ya milione ngwaga le ngwaga. (Dute. 28:2) Fa mmoledi a sena go thusa moithuti gore a kolobediwe, a ka nna a tlogela go ithuta le ene a bo a tlhoma mogopolo mo go thuseng batho ba bangwe. Moithuti le ene a ka nna a tlogela go ithuta gore a dirise nako e e oketsegileng mo bodireding. Le fa go ntse jalo, go botlhokwa gore baithuti ba Baebele ba itshetlele sentle mo boammaaruring. Ba tshwanetse ‘go nama medi’ mo go Keresete le go ‘tsepamisiwa mo tumelong.’ (Bakol. 2:6, 7; 2 Tim. 3:12) Ka jalo, fa moithuti a sena go kolobediwa, o tshwanetse a tswelela go ithuta Baebele go fitlha a wetsa buka ya Baebele e Ruta Eng? mmogo le ya ‘Lorato Lwa Modimo.’—Bona tsebe 2 ya Tirelo ya Rona ya Bogosi ya April 2011.