Tswelela o Dirisa Dimakasine

Ka 2018, dimakasine tse di tsamaisiwang mo tshimong (dimakasine tsa batho botlhe) di ne tsa fetolwa. Makasine o le mongwe o ne o sa tlhole o na le ditlhogo di le dintsi, go na le moo makasine otlhe o ne o bua ka setlhogo se le sengwe fela. Dimakasine tseno tsotlhe ke karolo ya Lebokoso la go Ruta. Ka jalo, re ka di dirisa fa re le mo bodireding. Gape re ka tsaya dimakasine di sekae fa re ya dishopong kgotsa re tsaya loeto. Ga re dirise dimakasine tseno go ithuta Baebele le batho, go na le moo, di ka dira gore motho a batle go ithuta ka Modimo.

Fa o ntse o tlotla le motho yoo, o ka mmalela temana nngwe go tswa mo Baebeleng o bo o tlotla le ene ka setlhogo sengwe se se ka mo kgatlhang se se mo dimakasineng tsa rona. Ka sekai, fa e le gore motho yoo o godisa bana, o tlhokafaletswe ke mongwe yo a mo ratang kgotsa o na le seterese, o ka mo raya o re: “Nkile ka bala sengwe ka kgang eno. A nka go bontsha sone?” Fa o bona e kete motho yono wa kgatlhega o ka mo naya makasine kgotsa wa mo romelela yone ka founo le fa e le gore ke loeto lwa ntlha. Le fa gone maikaelelo a rona e se go tsamaisa dimakasine fela, di re thusa go bona batho ba ba batlang go dirisa se ba se ithutang.—Dit 13:48.

2018

2019

2020